Samajavaragamana sree vishnu : గత కొద్ది కాలంగా సరైన హిట్ కోసం గట్టి ప్రయత్నాలు చేస్తున్న టాలీవుడ్ మీడియం బడ్జెట్ హీరో శ్రీ విష్ణు.. ఎట్టకేలకు మంచి విజయాన్ని అందుకున్నారు. జూన్ 29న 'సామజవరగమన' చిత్రంతో ఆడియెన్స్ ముందుకు వచ్చిన ఆయన.. ఇప్పుడు మంచి ఆనందంలో ఉన్నారు. ఈ చిత్రం పాజిటివ్ మౌత్ టాక్తో బాక్సాఫీస్ వద్ద మంచిగా ఆడుతోంది. వాస్తవానికి ఈ సినిమాకు అసలు బ‌జ్ క్రియేట్ అవ్వలేదు. కానీ రిలీజ్ ముందు రోజు వేసిన ప్రిమియ‌ర్స్‌ పాజిటివ్ టాక్ తెచ్చుకోవడంతో అది కాస్త ప్లస్ అయింది.
ఆ వెంటనే 'కార్తికేయ 2' హీరో నిఖిల్ నటించిన 'స్పై' చిత్రానికి డివైడ్ టాక్ రావడం సినిమాకు మరింత ప్లస్ అయింది. తమ చిత్రంలో పక్కా క్లీన్ కామెడీ ఉండటం 'సామజవరగమన'కు బాగా కలిసిసొచ్చింది. అలా ఫ్యామిలీ ఆడియెన్స్ అంతా 'సామజవరగమన'పై ఆసక్తి చూపుతున్నారు. దీంతో రోజు రోజుకి కలెక్షన్లను పెరుగుతున్నాయి.
samajavaragamana collection : 'స్పై' ఉండటం వల్ల అసలీ సినిమాకు మొదటి రోజు మోస్త‌రు ఓపెనింగ్స్ వచ్చాయి. ఆ తర్వాత రెండో రోజు నుంచి మౌత్ టాక్తో ఉపందుకున్నాయి. ఫస్ట్ డే వరల్డ్ వైడ్గా రూ.2.89కోట్ల గ్రాస్, రెండో రోజు రూ.3.42 కోట్లు రాగా, మూడో రోజు ఏకంగా రూ.6.65కోట్ల గ్రాస్‍ను వసూలు చేసినట్లు తెలిసింది. ఇక నాలుగో రోజు ఆదివారం కూడా మంచి వసూళ్లు వచ్చాయని. అంటే సినిమా కలెక్షన్స్ రోజు రోజుకు రెట్టింపు అవుతూ వస్తున్నట్లు అర్థమవుతోంది. అంటే లాంగ్ రన్లో ఈ సినిమా మరిన్ని మంచి కలెక్షన్లను అందుకుంటుందనే నమ్మకం కుదిరింది.
ముఖ్యంగా నాలుగో రోజు ఆదివారం.. రెండు తెలుగు రాష్ట్రాల్లోనూ దాదాపుగా థియేటర్లు ఫుల్ అయ్యాయట. ఎక్కువుగా ఈవెనింగ్, నైట్ షోలు చాలా చోట్ల హౌస్ ఫుల్స్ అయ్యాయని సమాచారం అందింది. అలా బడా సింగిల్ స్క్రీన్ల‌లోలోనూ ఫుల్ అయ్యాయట. బుక్ మై షో, మ‌ల్టీప్లెక్సుల్లోనూ చాలా షోలు సోల్డ్ ఔట్గా చూపించాయట. మొత్తంగా శ్రీ విష్ణుకు చాలా కాలం తర్వాత సరైన హిట్ దొరికింది. ఆయన కెరీర్లో 'బ్రోచేవారెవ‌రురా' తర్వాత బిగ్గెస్ట్ హిట్, హైయెస్ట్ గ్రాస‌ర్‌గా నిలిచింది.
- " class="align-text-top noRightClick twitterSection" data="">
ఇదీ చూడండి :
'స్పై' సెకండ్ డే కలెక్షన్స్ డౌన్.. నిఖిల్ ఇకపై అలా ఉంటేనే!
మరోసారి బన్నీ-త్రివిక్రమ్.. అఫీషియల్ అనౌన్స్మెంట్.. ఈ సారి మరింత భారీగా!
