Salmankhan Harishshankar: బాలీవుడ్ స్టార్ హీరో సల్మాన్ ఖాన్.. ప్రస్తుతం తెలుగు మీడియాలో ఎక్కువగా వార్తల్లో నిలుస్తున్నారు. మెగాస్టార్ చిరంజీవిలో కలిసి 'గాడ్ఫాదర్'లో నటిస్తుండటం, 'బాలీవుడ్ చిత్రాలు తెలుగులో ఎందుకు ఆడట్లేదు?' అని ఇటీవలే ఓ ఈవెంట్లో ప్రశ్నించడం వంటి విషయాలతో ఆయన హాట్టాపిక్గా మారారు. అయితే ఇప్పుడాయన మరోసారి వార్తల్లో నిలిచారు. టాలీవుడ్పై సల్మాన్ ఫోకస్ పెట్టినట్లు అంతా మాట్లాడుకుంటున్నారు. భాయ్.. తాజాగా టాలీవుడ్ ప్రముఖ నిర్మాణ సంస్థ మైత్రీ మూవీ మేకర్స్తో భేటి అయినట్లు తెలుస్తోంది. ఈ సమావేశంలో దర్శకుడు హరీశ్ శంకర్ కూడా ఉండటం మరో విశేషం. ఈ విషయాన్ని దర్శకుడు హరీశ్ తెలుపుతూ.. భాయ్తో కలిసి దిగిన ఫొటోలను సోషల్మీడియా వేదికగా ట్వీట్ చేశారు. ప్రస్తుతం ఈ ఫొటోలు నెట్టింట్లో వైరల్గా మారాయి. దీంతో ఈ భేటీకి ప్రాముఖ్యత సంతరించుకుంది. సినీప్రియుల్లో భారీగా ఆసక్తిగా నెలకొంది.
"సల్మాన్ఖాన్కు ధన్యవాదాలు. ఆయన్ను కలవడం, కలిసి సమయాన్ని గడపడం ఎంతో సంతోషంగా ఉంది. నా జీవితంలో ఇది ఓ మధురమైన అనుభూతి. మీ విలువైన సమయాన్ని నాకు ఇచ్చినందుకు మరోసారి కృతజ్ఞతలు. ముఖ్యంగా భాయ్ను కలిసే అవకాశాన్ని కల్పించినందుకు మైత్రీ నిర్మాత యెర్నేని గారికి ప్రత్యేక ధన్యవాదాలు." అని హరీశ్ శంకర్ పేర్కొన్నారు. ఇది చూసిన అభిమానులు.. వీరు ఎందుకు భేటీ అయ్యారు అన్న విషయంపై ఆరాతీయడం ప్రారంభించారు. మైత్రీ మూవీ మేకర్స్ సంస్థతో సల్మాన్ సినిమా చేయబోతున్నాడా అని అనుమానం వ్యక్తం చేస్తున్నారు. ఇంతకీ వీరు ఎందుకు కలిశారో తెలియాలంటే అధికారికంగా ప్రకటించే వరకు వేచి ఉండాల్సిందే. కాగా, సల్మాన్ ఖాన్.. ప్రస్తుతం చిరు 'గాడ్పాధర్', షారుక్ 'పఠాన్'లో అతిథి పాత్రలో కనిపించనుండగా.. టైగర్ 3 సినిమాలో నటిస్తున్నారు. ఇక హరీశ్ శంకర్.. పవన్కల్యాణ్ 'భవదీయుడు భగతసింగ్' ప్రీ ప్రొడక్షన్ పనుల్లో బిజీగా ఉన్నారు.
ఇదీ చూడండి: Vijay Beast review: విజయ్ 'బీస్ట్'.. ఎలా ఉందంటే?
