Salaar Team Special Interview With Rajamouli : రెబల్ స్టార్ ప్రభాస్, 'కేజీఎఫ్' ఫేమ్ ప్రశాంత్ నీల్ కాంబినేషన్లో రానున్న సినిమా 'సలార్'. ఈ చిత్రం డిసెంబర్ 22న విడుదలకు సిద్ధంగా ఉంది. వర్డల్ వైడ్గా ఈ సినిమా కోసం ప్రభాస్ ఫ్యాన్స్తో పాటు మూవీ లవర్స్ కూడా ఆసక్తి ఎదురు చూస్తున్నారు. ఈ సినిమా ప్రమోషన్స్లో భాగంగా దర్శకధీరుడు రాజమౌళి డైరెక్టర్ ప్రశాంత్ నీల్, ప్రభాస్, పృథ్వీరాజ్ సుకుమారన్ను ఇంటర్వ్యూ చేశారు. ఇటీవల ఆ ఇంటర్వ్యూ ప్రోమోను మేకర్స్ రిలీజ్ చేశారు. తాజాగా పూర్తి వీడియోను విడుదల చేశారు. ఈ వీడియోలో కేజీఎఫ్, సలార్, బాహుబలి సినిమాలు, వాటి మేకింగ్స్, ప్రభాస్, సలార్ సెట్లో జరిగిన సంఘటనలు గురించి ఇలా అనేక విషయాలు ఈ ఇంటర్వ్యూలో ముచ్చటించారు. ప్రస్తుతం ఈ వీడియో వైరల్ అవుతోంది.
ఇప్పటివరకు ఇలాంటి వ్యక్తి చూడలేదు
పృథ్వీరాజ్ చాలా టాలెంటెడ్ అని ప్రభాస్ అన్నారు." పృథ్వీరాజ్ దర్శకుడిగా, యాక్టర్గా అనేక విజయాలు అందుకున్నారు. అలానే సెట్లో చివరి నిమిషంలో ప్రశాంత్ నీల్ డైలాగ్లో మార్పు చేసినా పృథ్వీ, వెంటనే పట్టేస్తారు. ఆయన టాలెంట్ అక్కడే అర్థమౌతుంది. మొదటి రోజు నుంచి చివరి రోజు వరకు సెట్లో కూల్గా ఉండే యాక్టర్ను నేను ఇప్పటివరకు చూడలేదు. అందుకే శ్రుతిహాసన్ కంటే పృథ్వీరాజ్ను ఎక్కువగా ప్రేమిస్తా" అని ప్రభాస్ అన్నారు.
డైట్ చాలా కష్టం
ప్రభాస్తో వర్క్ చేస్తే డైట్ చేయటం చాలా కష్టమని పృథ్వీరాజ్ అన్నారు. 'ఆయన ఎంతో సరదాగా ఉంటారు. సలార్ షూట్లో ఉన్నప్పుడు ఓ రోజు నా భార్య, కుమార్తె సెట్కు వచ్చారు. మా కోసం ఆయన పంపిన ఫుడ్ను స్టోర్ చేయడానికి ఆ రోజు నేను ఎక్స్ట్రా రూమ్ తీసుకోవాల్సి వచ్చింది.' అని పృథ్వీరాజ్ తెలిపారు.
సోషల్ మీడియా అకౌంట్ డిలీట్
'నా భార్య సోషల్ మీడియాలో నాకు ఓ అకౌంట్ క్రియేట్ చేసింది. సోషల్ మీడియాలో వచ్చే కామెంట్స్ వల్ల ఎఫెక్ట్ అవ్వకూడదని ఆ అకౌంట్ను డిలీట్ చేశా. అది 'కేజీయఫ్‌ -2' సినిమా విడుదలయ్యాకే డిసైడ్ అయ్యా. చాలా మంది ఆ చిత్రాన్ని ప్రశంసించి, ఎవరో ఒక్కరు తిట్టినా అది నన్నెంతో బాధిస్తుంది. అందుకే సోషల్ మీడియాకు దూరంగా ఉంటున్నా.' అని ప్రశాంత్ నీల్ తెలిపారు.
సలార్ దెబ్బకు Book My Show సర్వర్లు క్రాష్- ఏమన్నా క్రేజా ఇది?
'సలార్' టికెట్ ధరల పెంపు- తెలంగాణలో మల్టీప్లెక్స్కు రూ.100- ఏపీలో ఎంతంటే?
