రానా దగ్గుబాటి సరసన సాయి పల్లవి నటిస్తున్న చిత్రం 'విరాట పర్వం'. రానా కామ్రెడ్‌గా కనిపించనున్న ఈ సినిమాకు వేణు ఉడుగుల దర్శకత్వం వహిస్తున్నారు. ఈ రోజు సాయిపల్లవి పుట్టినరోజు సందర్భంగా ఈ చిత్రబృందం 'సోల్‌ ఆఫ్‌ వెన్నెల' పేరుతో ఓ వీడియో విడుదల చేసింది. 'చరిత్రలో నిలిచిపోయే ప్రేమ తనది' అంటూ రానా ట్విటర్‌లో దానిని షేర్ చేశారు. అందులో 'నిర్బంధాలు కౌగిలించుకున్న వసంత కాలం మనది..' అంటూ సాయి పల్లవి చెప్పిన డైలాగ్‌ ప్రేమికులను ఎంతగానో ఆకట్టుకుంటోంది. జులై 1న ప్రేక్షకుల ముందుకు రానున్న ఈ సినిమాను సురేశ్‌ ప్రొడక్షన్‌, ఎస్‌ఎల్‌వీ సినిమా సంయుక్తంగా నిర్మిస్తున్నాయి.
- " class="align-text-top noRightClick twitterSection" data="">
కాగా, సాయిపల్లవి ప్రధాన పాత్రలో నటిస్తున్న తన తదుపరి చిత్ర టైటిల్‌ను ప్రకటించారు. 'గార్గి' పేరుతో రాబోతున్న ఈ సినిమా గౌతమ్‌ రామచంద్రన్‌ దర్శకత్వంలో తెరకెక్కుతోంది. సాయిపల్లవి పుట్టినరోజు సందర్భంగా ఈ చిత్రంలో ఆమె ఫస్ట్‌లుక్‌ను విడుదల చేశారు. తెలుగుతో పాటు తమిళం, కన్నడ భాషల్లో ఈ సినిమా అలరించనుంది.
ఇదీ చదవండి: ప్రభాస్.. నన్ను చెడగొట్టినందుకు థ్యాంక్స్: దిశా పటానీ
