సుప్రీమ్ స్టార్ సాయిధరమ్ తేజ్.. 'విరూపాక్ష' సినిమాతో చాలా కాలం తర్వాత ప్రేక్షకుల ముందుకు వచ్చాడు. హర్రర్‌, సస్పెన్స్, థ్రిల్లర్‌, ఫాంటసీ ఇలాంటి అన్ని అంశాలను కలగలిపిన ఈ సినిమాలో లీడ్ రోల్ చేశాడు. 'చిత్రలహరి', 'సోలో బ్రతుకే సో బెటర్‌', 'ప్రతి రోజు పండగే' లాంటి సినిమాలతో మంచి టాక్ సంపాదించుకున్న తేజ్.. 'రిపబ్లిక్' సినిమాతో కొంచం వెనక్కి తగ్గాడు. రోడ్డు ప్రమాదం వల్ల సినిమాలకు కొంతకాలం దూరమైన ఈ స్టార్ ఇప్పుడు విరూపాక్షతో తన ట్యాలెంట్ను చూపించేందుకు ముందుకొచ్చాడు.
విరూపాక్ష చిత్రంలో సాయి ధరమ్ తేజ్కు జోడీగా సంయుక్త నటించింది. ఈ సినిమాతో కార్తీక్‌ వర్మ దండు మరోసారి మెగాఫోన్ పట్టుకున్నారు. సుకుమార్‌ స్క్రీన్‌ ప్లే అందించిన ఈ సినిమాను సుకుమార్‌ రైటింగ్స్, శ్రీ వెంకటేశ్వర సినీ చిత్ర బ్యానర్లు సంయుక్తంగా నిర్మించాయి. ఏప్రిల్ 21న ఈ సినిమాను ఇండియాతో పాటు ఓవర్సీస్‌లోనూ రిలీజ్ చేశారు.
అయితే ఇప్పటికే ప్రీమియర్ షోలు చూసిన అభిమానుల నుంచి ఈ సినిమా గురించి పాజిటివ్ టాక్ వినిపిస్తోంది. కార్తీక్‌ ఈ సినిమాను చాలా బాగా చిత్రీకరించారని.. ప్రేక్షకులు ఈ సినిమాకు ఈజీగా కనెక్ట్ అయ్యేలా ఉందని అంటున్నారు. స్టోరీ కూడా ఇంట్రెస్టింగ్‌గా ఉందట. సుకుమార్‌.. తన స్క్రీన్‌ ప్లేతో తెరపై మ్యాజిక్ చేశారని అంటున్నారు. సీట్‌ ఎడ్జ్ థ్రిల్లర్‌ అంశాలు ఈ సినిమాకు స్పెషల్ అట్రాక్షన్గా నిలిచాయని టాక్. 'కాంతార' ఫేమ్‌ అజనీశ్ లోక్‌నాథ్‌ సమకూర్చిన బ్యాక్గ్రౌండ్ స్కోర్‌ ఈ సినిమాకు హైలైట్గా ఉందట. ప్రీ ఇంటర్వెల్‌లో మాత్రం చిల్‌ అయ్యే సన్నివేశాలు ఉన్నాయని టాక్. సెకండ్ హాఫ్ పై మరింత ఆసక్తి కలిగేలా ఇంటర్వెల్ను సెట్‌ చేశారట.
ఇంటర్వెల్కు ముందు లవ్ స్టోరీ కొంచం సాధారణంగా సాగినప్పటికీ సెకండ్ హాఫ్లో ఉన్న థ్రిల్లింగ్ ఎలిమెంట్స్ ఆడియన్స్కు గూస్బంప్స్ తెప్పించేలా ఉన్నాయట. సినిమా ఆద్యంతం సస్పెన్స్ నడుస్తుందని, ఆ అంశమే ఆడియన్స్ను సినిమాకు కనెక్ట్ అయ్యేలా చేస్తుందని టాక్. ఇక ప్రీ క్లైమాక్స్ ట్విస్ట్తో పాటు బ్యాక్గ్రౌండ్ మ్యూజిక్ బాగున్నాయట.
సల్మాన్ భాయ్ వచ్చేశాడు..
బాలీవుడ్ స్టార్ సల్మాన్ ఖాన్, పొడుగు కాళ్ల సుందరి పూజా హెగ్డే నటించిన లేటెస్ట్ మూవీ 'కిసీ కా బాయ్ కిసీ కీ జాన్'. తన సొంత బ్యానర్పై సల్మాన్ తెరకెక్కించిన ఈ సినిమాకు ఫర్హాద్‌ సమ్‌జీ దర్శకత్వం వహించారు. శుక్రవారం రిలీజైన ఈ సినిమా గురించి ట్విట్టర్ వేదికగా అభిమానులు తమ అభిప్రాయాలు చెబుతున్నారు..
ఈ సినిమాకు ట్విట్టర్లో మిశ్రమ స్పందన లభిస్తోంది. సల్మాన్ ఖాన్ ఎంట్రీ, యాక్షన్ సీక్వెన్స్, మెట్రోట్విస్ట్ లాంటి ఎలిమెంట్స్ సినిమాకు హైలైట్గా ఉన్నాయని టాక్. సల్మాన్ ఈ సినిమాలో అదరగొట్టారంటూ ఫ్యాన్స్ ట్వీట్ చేస్తున్నారు. మరోవైపు సినిమా అద్భుతంగా ఉందని.. నెగెటివ్ టాక్ నమ్మొద్దంటూ పలువురు స్పందిస్తున్నారు. ఫస్ట్ హాఫ్ ఫర్వాలేదని సెకండ్ హాఫ్ మాత్రం యావరేజ్గా ఉందని అంటున్నారు.
