Raviteja Eagle Movie : మాస్ మహారాజ రవితేజ లీడ్ రోల్లో తెరకెక్కిన లేటెస్ట్ మూవీ 'టైగర్ నాగేశ్వరరావు'. దసరా కానుకగా ప్రేక్షకుల ముందుకు వచ్చిన ఈ సినిమా రెండు భారీ సినిమాలతో పోటీగా రంగంలోకి దిగింది. ఓ వైపు గట్టి పోటీ ఉన్నప్పటికీ ఈ సినిమా భారీ అంచనాల నడుమ ఈ చిత్రం విడుదలైంది. అయితే ఆశించిన స్థాయిలో టాక్ అందుకోలేకపోయింది. దీంతో ప్రస్తుతం ఈ సినిమా మిక్స్డ్ టాక్తో థియేటర్లలో నడుస్తోంది. ఈ క్రమంలో అటు మూవీ టీమ్తో పాటు రవితేజ ఫ్యాన్స్ కూడా నిరాశకు లోనవుతున్నారు. ముఖ్యంగా ఇది రవితేజ తొలి పాన్ ఇండియా సినిమా కావడం వల్ల అభిమానులు మరింత ఆందోళన చెందుతున్నారు.
మరోవైపు ఈ చిత్రం తర్వాత రవితేజ మరో భారీ ప్రాజెక్ట్ షూటింగ్లో నిమగ్నమైపోయారు. కార్తిక్ ఘట్టమనేని తెరకెక్కిస్తున్న 'ఈగల్' సినిమాలో ఆయన కీలక పాత్ర పోషిస్తున్నారు. తాజాగా ఈ మూవీ రిలీజ్ డేట్ను మేకర్స్ రివీల్ చేశారు. వచ్చే ఏడాది సంక్రాంతికి ఈ సినిమా విడుదల కానున్నట్లు వెల్లడించారు. అయితే అప్పుడు కూడా ఈ చిత్రానికి భారీ కాంపిటిషన్ ఉంది. ఇండస్ట్రీలోని కొన్ని భారీ సినిమాలు సంక్రాంతికి రంగంలో దిగేందుకు ప్లాన్ చేస్తున్నాయి. దీంతో దసరాలాగే ఈ పండుగకు కూడా పలు సినిమాలు క్లాష్ అయ్యే సూచనలు కనిపిస్తున్నాయి.
2024 Sankranthi Release Movies : సూపర్ స్టార్ మహేశ్ బాబు 'గుంటూరు కారం', విజయ్ దేవరకొండ 'ఫ్యామిలీ స్టార్' లాంటి చిత్రాలు సంక్రాంతి రేస్కు సిద్ధమయ్యాయి. దీంతో సందిగ్ధంలో పడ్డ ఈగల్ టీమ్ ఈ చిత్ర విడుదల తేదీని వాయిదా వేసే ఆలోచనలో ఉన్నట్లు రూమర్స్ వచ్చాయి. కానీ వాటన్నింటికీ ఫుల్ స్టాప్ పెట్టిన మూవీ టీమ్ ఈ సంక్రాంతికి బరిలో దిగుతున్నట్లు అఫీషియల్ అనౌన్స్మెంట్ ఇచ్చింది.
అయితే గత కొంత కాలంగా రవితేజకు సాలిడ్ హిట్ పడటం లేదు. 'ధమాకా', ' క్రాక్' మినహా, 'రావణాసుర','రామారావు ఆన్ డ్యూటీ', 'ఖిలాడి', 'టచ్ చేసి చూడు', 'నేల టిక్కెట్టు' లాంటి సినిమాలు బాక్సాఫీస్ వద్ద ఆశించిన స్థాయిలో ఫలితాలు అందుకోలేకపోయాయి. దీంతో 'ఈగల్' సినిమా అయినా భారీ హిట్ సాధించి రవితేజను మళ్లీ ఫామ్లోకి వచ్చేలా చేయాలని ఫ్యాన్స్ ఆశిస్తున్నారు.
- " class="align-text-top noRightClick twitterSection" data="">
Ravi Teja Silpa shetty : మాస్ మహారాజాతో శిల్పాశెట్టి డ్యాన్స్.. స్టెప్పులు అదిరిపోయాయి బాసూ!
Ravi Teja New Movie RT4GM : రవితేజ - గోపిచంద్ కాంబో రిపీట్.. కీలక పాత్రలో ఆ డైరెక్టర్ ఫిక్స్
