ప్రముఖ నిర్మాత దిల్రాజు నిర్మాణ సారథ్యంలో కోలీవుడ్ స్టార్ విజయ్ హీరోగా.. వంశీ పైడిపల్లి దర్శకుడిగా ఓ సినిమా రానున్న విషయం తెసిసిందే. దిల్రాజు ప్రతిష్ఠాత్మకంగా భావిస్తున్న ఈ సినిమాకు సంబంధించి అప్డేట్ వచ్చింది. ఈ సినిమాలో హీరోయిన్ను ఖరారు చేసింది నిర్మాణ సంస్థ. విజయ్ సరసన నేషనల్ క్రష్.. రష్మికను ఎంపిక చేసినట్లు ప్రకటించింది. ఈ సినిమాలో ఎంపిక కావడం వల్ల రష్మిక జాక్పాట్ కొట్టిందనే చెప్పాలి. ఇప్పటికే చేతి నిండా సినిమాలతో బిజీగా ఉన్న రష్మిక.. మరో పెద్ద సినిమా తన ఖాతాలో వేసుకుంది. అలాగే ఈ సినిమాకు ప్రముఖ సంగీత దర్శకుడు ఎస్ఎస్ థమన్ను ఎంపిక చేశారు దిల్రాజు. ఈ సినిమా విజయ్ 66వది కావడం గమనార్హం.
డేంజరెస్ థియేటర్ కష్టాలు: పీవీఆర్, ఐనాక్స్ థియేటర్లు డేంజరెస్ చిత్రాన్ని ప్రదర్శించేందుకు అంగీకరించడం లేదని ఆ చిత్ర దర్శకుడు రాంగోపాల్ వర్మ ట్వీట్ చేశారు. స్వలింగసంపర్కుల నేపథ్యంగా సినిమా తీయడమే ఇందుకు కారణమని భావిస్తున్నట్లు వర్మ తెలిపారు. స్వలింగ సంపర్కం తప్పు కాదని సుప్రీంకోర్టు సెక్షన్ 377 ప్రకారం ఉత్తర్వులు జారీ చేసిందని, సెన్సార్ బోర్డు కూడా అభ్యంతరం తెలుపలేదని వర్మ పేర్కొన్నారు. పీవీఆర్, ఐనాన్స్ సంస్థలు స్వలింగ సంపర్కులకు వ్యతిరేకంగా ప్రవర్తిస్తూ మానవ హక్కులను కించపరుస్తున్నాయని వర్మ వ్యాఖ్యానించారు. ఈ విషయంలో స్వలింగ సంపర్కులతోపాటు ప్రతి ఒక్కరు ఐనాక్స్, పీవీఆర్ సంస్థల తీరును వ్యతిరేకించాలని వర్మ కోరారు. ఈ నెల 8న డేంజరెస్ తెలుగు, తమిళ, హిందీ, కన్నడ భాషల్లో విడుదల కానుంది.
ఏప్రిల్ 14న: ప్రముఖ దర్శకుడు రాంగోపాల్ వర్మ నిర్మాతగా మారి నిర్మించిన యాక్షన్ థ్రిల్లర్ వెబ్ సిరీస్ 'దహనం'. ఏప్రిల్ 14 నుంచి ఎంఎక్స్ ప్లేయర్ ఓటీటీలో ప్రసారం కానుంది. ఈ సందర్భంగా చిత్ర బృందంతో కలిసి హైదరాబాద్ లో వర్మ దహనం విశేషాలను వెల్లడించారు. ఓ కమ్యునిస్టు నేత హత్య, గొరిల్లా తరహా పోరాటం నేపథ్యంగా ఈ వెబ్ సిరీస్ ఉంటుందని రామ్‌ గోపాల్‌వర్మ తెలిపారు. ప్రేక్షకుల స్పందన కోసం ఎదురుచూస్తానన్నారు. నైనా గంగూలీ, అభిషేక్ దుహాన్, అభిలాష్ చౌదరి ప్రధాన పాత్రల్లో నటించగా అగస్త్యమంజు దర్శకత్వం వహించారు.
