రాజమౌళి తెరకెక్కించిన ఆర్ఆర్ఆర్ సినిమా ఇండియన్ ఆడియెన్స్తో పాటు హాలీవుడ్ దిగ్గజ దర్శకులను సైతం ఆకట్టుకుంది. జేమ్స్ కామెరాన్, స్పీల్ బర్గ్ లాంటి టాప్ డైరెక్టర్స్ కూడా ఈ చిత్రాన్ని ప్రశంసించారు. అలా ఇంత వరకూ ఏ ఇండియన్ చిత్రం సాధించలేని ఘనతలను ఆర్ఆర్ఆర్ అంతర్జాతీయ వేదికలపై అందుకుంటోంది. ఇప్పటికీ ఈ మూవీ హీరోలు, డైరెక్టర్కు, మిగితా టెక్నిషియన్స్కు ఏదో ఒక గౌరవం లభిస్తూనే ఉంది. ఈ క్రమంలోనే తాజాగా మెగా పవర్ స్టార్ రామ్ చరణ్కు అరుదైన గౌరవం దక్కింది.
అదేంటంటే.. ఇప్పటికే ఈ చిత్రం ఆస్కార్ రేస్లో దూసుకుపోతున్న సంగతి తెలిసిందే. రీసెంట్గా నాటు నాటు సాంగ్ ఆస్కార్ బెస్ట్ ఒరిజినల్ సాంగ్ విభాగంలో నామినేట్ అయింది. అలాగే ఈ చిత్రం ఆస్కార్ నామినేషన్తో పాటు గోల్డెన్ గ్లోబ్, క్రిటిక్స్ ఛాయిస్ అవార్డులను కూడా ముద్దాడింది. ఈ క్రమంలోనే తాజాగా హెచ్సీఏ ప్రదానం చేయనున్న అవార్డు నామినేషన్స్కు ఎంపికైంది. ఈ వేడుకలో రామ్చరణ్ ప్రజెంటర్గా వ్యవహరించనున్నారు. మార్చి 12న ఈ ఆస్కార్ వేడుకలు, ఫిబ్రవరి 24న ఈ హెచ్సీఏ అవార్డుల ప్రదానోత్సవం జరుగనుంది.
దీంతో చరణ్ రీసెంట్గా.. ఆస్కార్ ప్రమోషన్స్ సహా ప్రతిష్టాత్మకమైన హెచ్సీఏ అవార్డ్స్ కోసం అమెరికా వెళ్లారు. హాలీవుడ్ మీడియాతో తనదైన స్టైల్లో ముచ్చటిస్తూ ఆకట్టుకుంటున్నారు. అయితే అక్కడ ఆయనకు ఓ అరుదైన గౌరవం దక్కింది. ప్రపంచ ప్రఖ్యాత టెలివిజన్ ప్రోగ్రామ్ టాక్ షో గుడ్ మార్నింగ్ అమెరికాలో ఆయన పాల్గొన్నారు. ఈ ఘనత అందుకున్న తొలి తెలుగు హీరోగా రామ్ చరణే కావడం విశేషం. భారత సమయం ప్రకారం ఈ షో నేడు(ఫిబ్రవరి 22)న రాత్రి 11.30 గంటలకు ప్రసారం కానుంది. ఆర్ఆర్ఆర్ సినిమాకు సంబంధించిన షూటింగ్ ఎక్స్ పీరియన్స్తో పాటు కెరీర్కు సంబంధించిన పలు ఆసక్తికర విషయాలను ఈ షోలో చరణ్ మాట్లాడినట్లు తెలుస్తోంది.
ఇదీ చూడండి:
అమెరికా పర్యటనలో రామ్చరణ్.. కాళ్లకి చెప్పులు లేకుండానే..
రామ్ చరణ్ సాంగ్కు రణ్బీర్ కపూర్ స్టెప్పులు.. వీడియో సూపర్!
