Ram charan fashion : 'ఆర్ఆర్ఆర్' సినిమాతో ప్రపంచవ్యాప్తంగా భారీ క్రేజ్ సంపాదించుకున్న మెగా పవర్ స్టార్ రామ్చరణ్ ఎవరూ ఊహించని రేంజ్కు ఎదిగారు. మెగా పవర్ స్టార్గా ఉన్న ఆయన ఒక్క సారిగా గ్లోబల్ స్టార్ రేంజ్కి ఎదిగిపోయారు. అందుకే ఇప్పుడు ఆయన ఏం మాట్లాడినా.. ఏం చేసినా అది సెన్సేషనల్ అవుతోంది. ఇక రీసెంట్గా ఆయన తండ్రిగా ప్రమోషన్ తీసుకున్న సంగతి తెలిసిందే. అయితే తాజాగా ఆయన చేసిన కామెంట్స్ ప్రస్తుతం నెట్టింట్లో బాగా ట్రెండ్ అవుతున్నాయి.
సాధారణంగా ఎవరైనా దేశ వ్యాప్తంగా ఉన్న హీరోల్లో ఎవరి ఫ్యాషన్ సెన్స్ నచ్చుతుందని అని అడిగితే.. వారు టక్కున చెప్పే పేర్లల్లో రణ్వీర్ సింగ్, షారుక్ ఖాన్, హృతిక్ రోషన్ ఉంటారు. అభిమానులు మాత్రమే కాదు ఇతర స్టార్ హీరోలు, యాక్టర్స్ కూడా దాదాపుగా వీరి పేర్లే ఎక్కువగా ప్రస్తావిస్తుంటారు. అప్పట్లో ప్రభాస్ కూడా హృతిక్ రోషన్ యాక్టింగ్, స్టైల్ నచ్చుతుందని చెప్పారు. అయితే ఇప్పుడు మెగా పవర్ స్టార్ రామ్చరణ్.. మాత్రం ఎవరూ ఊహించని పేరు చెప్పి అందరిని సర్ప్రైజ్ చేశారు.
ఇటీవలే ఓ ఇంటర్వ్యూలో యాంకర్ అడిగిన ఈ ప్రశ్నకు చెర్రీ.. బాలీవుడ్ ప్రముఖ నటుడు సైఫ్ అలీఖాన్ పేరును ప్రస్తావించారు. ఆయన ఫ్యాషన్స్ సెన్స్, స్టైల్ తనకెంతో ఇష్టమని చెర్రీ తెలిపారు. "ఓ రాజు కుటుంబంలో ఉండే ఠీవి, తేజస్సు సైఫ్లో కనపడుతుంది. ఆర్గానిక్గా కనిపిస్తారు. ఎక్కువగా హడావిడి చేసుందుకు ఆయన ప్రయత్నించరు. సింపుల్గా ఉంటారు." అని చరణ్ తెలిపారు.
అలాగే హీరోయిన్స్లో స్టార్ హీరో రణ్వీర్ సింగ్ భార్య, ప్రముఖ కథానాయిక దీపికా పదుకొణె ఫ్యాషన్ సెన్స్ అంటే తనకు చాలా ఇష్టమని పేర్కొన్నారు. అలాగే పలు విషయాల గురించి చెప్పుకొచ్చారు. ఈ విషయాలన్నింటినీ తన్మయ్ భత్ చేసిన యూట్యూబ్ ఇంటర్వ్యూలో తెలిపారు.
Saif Ali Khan Movies : ఇక సైఫ్ అలీఖాన్ గురించి ప్రత్యేకంగా చెప్పనకర్లేదు. బాలీవుడ్లో కథానాయకుడిగా, ప్రతినాయకుడిగా ఎదిగిన సైఫ్.. ఇప్పుడు టాలీవుడ్లోను వరుస ఆఫర్లతో దూసుకెళ్తున్నారు. అలా తన నటనతో ఇండస్ట్రీలో మంచి పేరు సంపాదించుకున్నారు.
'ఆదిపురుష్' సినిమాతో టాలీవుడ్లోకి ఎంట్రీ ఇచ్చిన ఆయన.. ఇప్పుడు 'దేవర'తో మరోసారి ప్రేక్షకులను పలకరించనున్నారు. ప్రస్తుతం 'దేవర' సినిమా షూటింగ్‌లో చురుగ్గా పాల్గొంటున్నారు.
Ram Charan Movies : మరోవైపు రామ్చరణ్.. ప్రస్తుతం శంకర్ దర్శకత్వంలో తెరకెక్కుతున్న 'గేమ్ ఛేంజర్' సినిమాలో నటిస్తున్నారు. పొలిటికల్ థ్రిల్లర్గా తెరకెక్కనున్న ఈ సినిమా.. ప్రస్తుతం శరవేగంగా షూటింగ్ జరుపుకుంటోంది. ఇక ఈ సినిమా వచ్చే ఏడాది వేసవికి విడుదలయ్యే అవకాశం ఉంది. ఈ సినిమా తర్వాత బుచ్చిబాబు దర్శకత్వంలో ఓ స్పోర్ట్ డ్రామాలో లీడ్ రోల్లో కనిపించనున్నారు.
