Rajamouli Kamalhassan: సినీప్రియుల్లో జోష్ను నింపే వార్త మరొకటి ప్రస్తుతం జోరుగా ప్రచారం సాగుతోంది. ఎన్టీఆర్తో చేయబోయే భారీ యాక్షన్ డ్రామా సినిమాలో ఓ కీలక పాత్ర కోసం యూనివర్సల్ స్టార్ కమల్హాసన్ను సంప్రదించాలని దర్శకుడు ప్రశాంత్ నీల్ భావిస్తున్నట్లు ఇటీవలే వార్తలు వచ్చాయి. ఆ రోల్ మూవీకే హైలైట్గా నిలవనుందని మాట్లాడుకున్నారు. అయితే ఇప్పుడు దర్శకధీరుడు రాజమౌళి కూడా కమల్ను కలిసేందుకు ప్రయత్నిస్తున్నట్లు తెలిసింది. జక్కన్న తన తర్వాతి సినిమాను సూపర్స్టార్ మహేశ్బాబుతో చేయనున్నారు. 'ఎస్ఎస్ఎమ్బీ29'గా రూపొందనున్న ఈ మూవీలో ఓ ప్రత్యేక పాత్రను కమల్హాసన్ మాత్రమే చేయగలరని రాజమౌళి భావిస్తున్నారట. అందుకోసం యూనివర్సల్ స్టార్ను సంప్రదించాలని ప్రయత్నాలు చేస్తున్నట్లు సమాచారం. ఆఫ్రికన్ జంగిల్ బ్యాక్డ్రాప్లో అడ్వంచరస్ థ్రిల్లర్గా ఈ సినిమా రూపొందనుందని ఇటీవలే కథనాలు వచ్చాయి.
ఒకవేళ ప్రశాంత్ నీల్, రాజమౌళి తెరకెక్కించబోయే సినిమాల్లో కమల్హాసన్ నటిస్తే సినిమాపై అంచనాలు తారాస్థాయికి చేరిపోతాయి. అభిమానుల ఆనందానికి అవధులు లేకుండా పోతాయి. మరి ఏం జరుగుతుందో చూడాలి. కాగా, కమల్ త్వరలోనే 'విక్రమ్' సినిమాతో ప్రేక్షకుల ముందుకు రానున్నారు. ఇందులో స్టార్ హీరోలు సూర్య, విజయ్ సేతుపతి, ఫహద్ ఫాజిల్ కీలక పాత్రలు పోషించడం విశేషం.
ఇదీ చూడండి: వారికి లీగల్ నోటీసులు పంపిన ధనుష్.. రూ.10కోట్లు కట్టాలంటూ!
