Kalki 2898 AD Release Date : పాన్ ఇండియా స్టార్ ప్రభాస్ లీడ్ రోల్లో తెరకెక్కుతున్న లేటెస్ట్ మూవీ 'కల్కి 2898 ఏడీ'. వైజయంతి మూవీస్ బ్యానర్లో రూపొందుతున్న ఈ సినిమాకు 'మహానటి' ఫేమ్ నాగ్ అశ్విన్ దర్శకత్వం వహించారు. భారీ బడ్జెట్ సైన్స్ ఫిక్షన్ మూవీగా ప్రేక్షకుల ముందుకొస్తున్న ఈ సినిమాపై అభిమానుల్లో భారీ అంచనాలే ఉన్నాయి. ప్రభాస్, దీపికా పదుకుణె, అమితాబ్ బచ్చన్, కమల్ హాసన్, దిశా పటానీ లాంటి స్టార్స్ ఈ సినిమాలో కీలక పాత్రల్లో కనిపించి ప్రేక్షకుల్లో ఆసక్తి పెంచారు. ఇప్పటికే కామిక్ కాన్ వేదికగా విడుదల చేసిన గ్లింప్స్ వీడియో ఇప్పటికే దేశ విదేశాల్లో రికార్డులు సృష్టిస్తోంది. ఇందులో ప్రభాస్ లుక్స్తో పాటు పలు అంశాలను చిత్రీకరించిన తీరు ఆడియెన్స్ను ఎంతగానో ఆకట్టుకుంది. దీంతో ఈ సినిమా ఎప్పుడెప్పుడు రిలీజవుతుందా అంటూ అందరూ ఎదురుచూస్తున్న తరుణంలో మూవీ యూనిట్ ఓ షాకింగ్ న్యూస్ను ఇచ్చేలా ఉందని సినీ వర్గాలు గుసుగసలాడుతున్నాయి. మూవీని అనుకున్న సమయం కంటే ఇంకా ఆలస్యంగానే రిలీజ్ చేస్తారనే టాక్ నెట్టింట తెగ వినిపిస్తోంది. దీంతో అభిమానులు ఆందోళన వ్యక్తం చేస్తున్నారు.
సినిమా అప్పుడేనా ?
Project K Release Date : అప్పట్లో ఈ సినిమాను సంక్రాంతి కానుకగా జనవరి 12న రిలీజ్ చేయనున్నట్లు చిత్ర యూనిట్ ప్రకటించింది. అయితే ఉన్నట్టుండి ఇప్పుడు విడుదల తేదీను మార్చే ఆలోచనల్లో ఉన్నారట. ఈ క్రమంలో అనుకున్న తేదీ కంటే మరో నాలుగు నెలలకు పోస్ట్ పోన్ చేయాలని చూస్తున్నారట. అందుకే జనవరిలో కాకుండా ఈ సినిమాను మే నెలలో రిలీజ్ చేయాలని ప్లాన్ చేస్తున్నారట. తేదీ కూడా మే 9గా ఫిక్స్ చేసినట్లు సమాచారం. అయితే ఈ విషయంపై ఎటువంటి అధికారిక సమాచారం రాలేదు.
స్టోరీ అదేనా?
Project K Story : అమెరికాలోని కామిక్కాన్ వేదికగా తాజాగా సినిమాకు సంబంధించిన ఓ పార్ట్ను కామిక్ వెర్షన్లో రిలీజ్ చేశారు. దీన్ని చూస్తుంటే కథ మొత్తం ఇట్టే అర్థమైపోతోందని నెటిజన్లు అంటున్నారు. వివిధ యుగాల్లో దుష్ట‌శిక్ష‌ణ కోసం శ్రీ మ‌హా విష్ణువు అనేక అవతారాలు ఎత్తారు. అందులో భాగంగానే కలియుగం అంతంలో కల్కిగా అవతారంగా కనిపిస్తారని పురాణాలు చెబుతున్నాయి. ఈ నేపథ్యంలోనే ఈ 'కల్కి 2898 ఏడీ' తెరకెక్కిందని తెలుస్తోంది. ప్రపంచాన్ని దుష్టశక్తి ఆవహించినపుడు ప్రభాస్ ప్రపంచాన్ని కాపాడే ఆశాకిరణం కల్కి లా వస్తారని గ్లింప్స్ వీడియోలో చూపించారు. ప్రపంచాన్ని జ‌యించ‌డానికి ఆధునిక ఆయుధాల‌ను సంపాదించుకోవాల‌ని దుష్ట‌శ‌క్తులు ప్ర‌య‌త్నిస్తుంటాయి. వారిని కల్కి ఎలా అడ్డుకుంటున్నాడ‌న్న‌ది ఈ మూవీ కథ అని సమాచారం. సుమారు రూ.600 కోట్లతో తెరకెక్కిస్తున్న ఈ సినిమా. ఇండియాలో అత్యధిక భారీ బడ్జెట్ తో రూపొందుతున్న సినిమాల్లో ఒకటిగా పేరుందుతోంది.
- " class="align-text-top noRightClick twitterSection" data="">
