హీరోయిన్ సమంత ప్రధాన పాత్రలో నటించిన తాజా చిత్రం 'శాకుంతలం'. గుణశేఖర్ దర్శకత్వంలో తెరకెక్కిన ఈ పౌరాణికం సినిమా బాక్సాఫీస్ వద్ద డిజాస్టర్గా నిలిచింది. దీనికి నీలిమ గుణ(గుణశేఖర్ కూతురు)తో పాటు దిల్రాజు నిర్మాతలుగా వ్యవహరించారు. అయితే ఈ సినిమా ఫ్లాప్ అవ్వడంపై దిల్రాజు స్పందించారు. తన 25ఏళ్ల కెరీర్‌లో ఈ రిజల్ట్ పెద్ద జర్క్‌ అని అన్నారు. తాజాగా ఓ యూట్యూబ్‌ ఛానల్‌కు ఇచ్చిన ఇంటర్వ్యూలో దిల్రాజు ఈ వ్యాఖ్యలను చేశారు.
"నా 25 ఏళ్ల సినీ నిర్మాణ కెరీర్‌లో 'శాకుంతలం' పెద్ద జర్క్‌ ఇచ్చింది. ఆడియెన్స్ ఇచ్చిన తీర్పును స్వాగితిస్తున్నా. ఈ సినిమాను నేను నమ్మాను. ఆడియెన్స్కు నచ్చితే వారు ఆదరిస్తారు. ఒకవేళ వారికి నచ్చలేదంటే నా జడ్జిమెంట్‌ తప్పని భావిస్తాను. ఆ మిస్టేక్ ఎలా, ఎక్కడ జరిగిందో ఒకసారి చెక్‌ చేసుకుని ముందుకు వెళ్తాను. 'శాకుంతలం'లో నా జడ్జిమెంట్‌ తప్పు అయింది. నా సుదీర్ఘ కెరీర్‌లో 50కు పైగా సినిమాలను నిర్మించాను. వాటిలో డిజాస్టర్గా నిలిచినవి ఓ నాలుగైదు మాత్రమే ఉంటాయి. 'శతమానంభవతి' సినిమా సమయంలో యూఎస్‌లో ఒకరోజు ముందుగానే ప్రీమియర్ వేశాం. అక్కడ అందరికీ నచ్చింది. 'శాకుంతలం'ను నాలుగు రోజులు ముందే షో ప్రదర్శించాం. మిక్స్డ్ టాక్ వచ్చింది. ఇక శుక్రవారం మార్నింగ్‌ షో అవ్వగానే పరిస్థితి అర్థమైపోయింది. ఫస్డ్ డే ఆడియెన్స్‌తో కలిసి సినిమా చూస్తే.. సినిమా ఆడుతుందో లేదో ఓ క్లారిటీ వచ్చేస్తుంది. కొన్నిసార్లు కొంతమందికి నచ్చి, మరికొంతమందికి నచ్చకపోవచ్చు. అలా డివైడ్‌ టాక్ రావొచ్చు. ఎక్కువ మందికి ఆ చిత్రం నచ్చలేదంటే అది ఫ్లాప్ అనే అర్థం. అలాగే డిస్ట్రిబ్యూటర్స్‌ నుంచి కూడా ఎలాంటి ఫోన్ కాల్స్ రావడం లేదంటే అర్థం చేసుకుంటాను. శుక్రవారం అయిపోతే ఇక ఆ సినిమా రిజల్ట్ గురించి ఆలోచిండం వదిలేస్తా. శనివారం నుంచి కొత్త సినిమాలపై పూర్తి ఫోకస్ పెడతా. మిస్టేక్స్ రిపీట్ అవ్వకుండా తర్వాతి ప్రాజెక్టులను ఒకటికి రెండుసార్లు చెక్‌ చేసుకుంటాను" అని దిల్రాజు చెప్పుకొచ్చారు.
తమిళ హిట్ సినిమా '96' తెలుగు రీమేక్ విషయంలోనూ తన అంచనా తప్పైందని నిర్మాత దిల్రాజు గుర్తుచేసుకున్నారు. "ఆ సినిమాను అల్లు అర్జున్‌, నాని సహా ఇంకొంతమందికి చూపిస్తే చాలా బాగుందని చెప్పారు. అయితే ఆ సమయంలో కరోనా కారణంగా ఆ చిత్రాన్ని ఓటీటీలో ఎక్కువ మంది వీక్షించేశారు. ఆ తర్వాత 'జాను' రిలీజైంది. అయితే '96' చూసిన ఫీల్‌ను ఈ సినిమాతో ఆస్వాదించలేకపోయారు ప్రేక్షకులు. అలా 'జాను', 'జెర్సీ' సినిమాల విషయంలో నాకు అర్థమైంది ఏంటంటే.. ఓటీటీలో వచ్చేసిన తర్వాత ఏ చిత్రాన్ని రీమేక్ చేయకూడదని. కానీ ఈ రెండు సినిమాల గురించి అప్పటికే నిర్ణయం తీసుకోవడం వల్ల వెనక్కి వెళ్లలేకపోయాం. ప్రస్తుతం రామ్‌చరణ్‌తో 'గేమ్‌ ఛేంజర్‌' చేస్తున్నా. దీని తర్వాత ఎన్టీఆర్‌, ప్రభాస్‌లతో సినిమా చేస్తాను. అయితే.. వాళ్ల ప్రాజెక్టులు పూర్తైన తర్వాతే మా బ్యానర్లో సినిమా ఉంటుంది" అని దిల్రాజు పేర్కొన్నారు.
- " class="align-text-top noRightClick twitterSection" data="">
ఇదీ చూడండి: అఖిల్ 'ఏజెంట్'-'పొన్నియిన్ సెల్వన్ 2'.. తొలి రోజు కలెక్షన్స్ ఎంతంటే?
