Premam Director Health : మలయాళ ఇండస్ట్రీ బెస్ట్‌ లవ్ స్టోరీస్ మూవీస్లో ప్రేమమ్ చిత్రం ఒకటి. నివీన్ పౌలీ, సాయిపల్లవి, అనుపమ పరమేశ్వరన్‌ కలిసి నటించిన ఈ చిత్రం తెలుగు ప్రేక్షకులకు కూడా బాగా కనెక్ట్ అయింది. 2015లో విడుదలైన ఈ సినిమా బాక్సాఫీస్ వద్ద సూపర్ డూపర్‌ క్లాసిక్ హిట్గా నిలిచింది. యూత్‌కు బాగా కనెక్ట్ అయింది. ఈ చిత్రాన్ని తెరకెక్కించింది డైరెక్టర్ అల్ఫోన్స్ పుత్రెన్. సినిమా ఫీల్ గుడ్ మూవీగా అద్భుతంగా ఉండటం వల్ల.. ప్రతి ఒక్కరు అల్ఫోన్స్ వర్క్కు ఫిదా అయిపోయారు. అయితే ఆయన ఆ మధ్య అనారోగ్య సమస్యలతో బాధపడుతున్నట్లు వార్తలు వచ్చిన సంగతి తెలిసిందే. పూర్తిగా బక్కచిక్కిపోయి నెరిసిన గడ్డంతో ఎవరూ గుర్తుపట్టనంతగా మారిపోయారు. అనంతరం ఆయన ఆరోగ్యం గురించి మళ్లీ ఎటువంటి సమాచారం అందలేదు.
Premam Director Good Bye To Movies : తాజాగా ఆయన ఓ షాకింగ్ పోస్ట్ పెట్టారు. సినిమా కెరీర్కు గుడ్ బై చెప్పబోతున్నట్లు తెలిపారు. తాను అనారోగ్య సమస్యలతో బాధపడుతున్నట్లు స్పష్టత ఇచ్చారు. "నేను నా సినిమా థియేటర్ కెరీర్ను ఆపేస్తున్నాను. ఆటిసమ్ స్పెక్ట్రమ్ డిస్ ఆర్డర్తో బాధపడుతున్నాను. నేను ఎవరికీ బర్డెన్గా ఉండాలనుకోవడం లేదు. సాంగ్, వీడియోస్, షార్ట్ ఫిల్మ్స్ వరకు మాత్రం చేస్తాను. ఓటీటీ కంటెంట్ చేస్తాను. నిజానికి సినిమాను బంద్ చేయాలని లేదు. కానీ వేరే అవకాశం లేదు. నేను చేయలేని పని గురించి ప్రామిస్లు చేయలేను. ఆరోగ్యం బలహీనంగా ఉన్నప్పుడు జీవతంలో ఇంటర్వెల్ పంచ్ లాంటి ట్విస్ట్ ఇలా ఎదురౌతుంది" అంటూ రాసుకొచ్చారు.
ఈ పోస్ట్ ఆయన చేసిన వెంటనే సోషల్ మీడియాలో ఫుల్ వైరల్గా మారిపోయింది. కానీ ఈ పోస్ట్ను అల్ఫోన్స్ వెంటనే డిలీట్ చేశారు. కానీ దాన్ని అప్పటికే అందరూ చూసేశారు. మరి ఎందుకు పోస్ట్ పెట్టి.. తీసేశారో తెలియలేదు. కాగా, అల్ఫోన్స్.. 'నేరమ్' చిత్రంతో అరంగేట్రం చేశారు. ఇందులో నివిన్ పౌలీ, నజ్రియా, బాబీ సింహా నటించారు. ఈ చిత్రం తమిళంలో కూడా రిలీజై మంచి ప్రశంసలను అందుకుంది. అనంతరం ఆయన చేసిన 'ప్రేమమ్' చిత్రంతో ఒక్కసారిగా వెలుగులోకి వచ్చారు. ఇది సూపర్ క్లాసిక్ హిట్గా నిలిచింది. అనంతరం 'అవియల్' అనే షార్ట్ ఫిల్మ్ చేశారు. ప్రేమమ్ తర్వాత ఏడేళ్లు గ్యాప్ ఇచ్చి 'గోల్డ్' చిత్రంతో ప్రేక్షకుల ముందుకు వచ్చారు. కానీ ఇది ఆశించిన స్థాయిలో ఆకట్టుకోలేదు. ఈ ఏడాది తమిళంలో 'గిఫ్ట్' అనే షార్ట్ ఫిల్మ్ చేశారు.
Pindam Movie Teaser : 'ది స్కేరియస్ట్ ఫిల్మ్'.. ఉత్కంఠ రేకెత్తిస్తూ.. భయపెట్టేలా టీజర్..
This week movie Releases : ఈ వారం థియేటర్/ఓటీటీలో 13 సినిమాలు.. నవ్విస్తూనే భయపెట్టేలా!
