Pranitha Subhash: 'అత్తారింటికి దారేది'తో తెలుగు ప్రేక్షకుల్ని మెప్పించిన బాపుగారి బొమ్మ, నటి ప్రణీత గుడ్‌ న్యూస్ చెప్పారు. త్వరలో తాను తల్లి కాబోతున్నట్లు తెలిపారు. ఈ విషయాన్ని తెలియజేస్తూ ఇన్స్టా వేదికగా కొన్ని ఫొటోలు షేర్ చేశారు ప్రణీత. భర్తతో కలిసి దిగిన ఫొటోలు షేర్ చేసిన ఆమె.. " నా భర్త 34వ పుట్టినరోజు నాడు.. దేవతలు మాకు అద్భుతమైన బహుమతి ఇచ్చారు" అని పేర్కొన్నారు.
ప్రణీత పెట్టిన పోస్ట్‌పై పలువురు సినీ ప్రముఖులు, అభిమానులు స్పందిస్తున్నారు. ఈ జంటకు అభినందనలు చెబుతూ కామెంట్స్‌ పెడుతున్నారు. దక్షిణాదిలోనే కాకుండా బాలీవుడ్‌లోనూ ప్రణీత పలు సినిమాల్లో నటించారు. 'అత్తారింటికి దారేది', 'రభస', 'పాండవులు పాండవులు తుమ్మెద', 'బ్రహ్మోత్సవం', 'హలో గురు ప్రేమకోసమే' చిత్రాలు నటిగా ఆమెకు మంచి గుర్తింపు తెచ్చిపెట్టాయి. కరోనా సమయంలోనూ పేదల కోసం ఆమె తనవంతు సాయం చేశారు. బెంగళూరుకు చెందిన వ్యాపారవేత్త నితిన్‌ రాజుని గతేడాదిలో వివాహం చేసుకున్నారు.
ఇదీ చూడండి: దర్శకుడితో సీక్రెట్ రిలేషన్షిప్.. అబార్షన్ చేయించుకున్న నటి
