ప్రభాస్ 'ప్రాజెక్ట్​ కె'లో విలన్​గా కమల్​హాసన్​.. షాకింగ్ రెమ్యునరేషన్​!

ప్రభాస్ 'ప్రాజెక్ట్​ కె' సినిమాకు సంబంధించిన సర్​ప్రైజ్ న్యూస్​ ఒకటి సోషల్​మీడియాలో చక్కర్లు కొడుతోంది. ఇందులో యూనివర్సల్​ స్టార్​ కమల్​హాసన్​ విలన్​గా కనిపించే అవకాశాలు ఉన్నాయని అంటున్నారు. ఆ వివరాలు..

Project K Movie Updates : పాన్​​ ఇండియా స్టార్​ ప్రభాస్ హీరోగా నటిస్తున్న సినిమాల్లో 'ప్రాజెక్ట్ కె' ఒకటి. మహానటి ఫేమ్ నాగ అశ్విన్ దర్శకత్వం వహిస్తున్నారు. ఈ సినిమా షూటింగ్ శరవేగంగా సాగుతుంది. థర్డ్​ వరల్డ్ వార్​(మూడో ప్రపంచ యుద్ధం) నేపథ్యంలో సైన్స్‌ ఫిక్షన్‌ కథాంశంతో సూపర్‌ హీరో మూవీగా ఈ సినిమా తెరకెక్కనుందని సమాచారం. ఇప్పటికే ఈ చిత్రంలో ప్రభాస్​తో పాటు బాలీవుడ్ స్టార్స్​ అమితాబ్‌ బచ్చన్‌, దీపికా పదుకొణె, దిశా పటానీ వంటి వారు కీలక పాత్రలు పోషిస్తున్నారు. అయితే ఇప్పుడీ చిత్రంలో మరో బడా స్టార్ జాయిన్​ అవ్వబోతున్నట్లు ప్రచారం మొదలైంది. అదేంటంటే.. ఈ చిత్రంలో యూనివర్సల్​ స్టార్​ కమల్ హాసన్ విలన్​గా నటించబోతున్నారట. దీనికోసం ఆయన రూ.150 కోట్ల భారీ పారితోషికాన్ని తీసుకోబోతున్నట్లు కథనాలు వస్తున్నాయి. ప్రస్తుతం ఈ విషయం సోషల్​మీడియాలో చక్కర్లు కొడుతోంది. మరి ఇందులో నిజమెంతో తెలియదు గానీ సినీ ప్రియులు మాత్రం సర్​ప్రైజ్ అవుతున్నారు. ప్రస్తుతం కమల్ హాసన్ హీరోగా 70ఏళ్ల వయసులోనూ హీరోగా పీక్ స్టేజ్​లో ఉన్నారు.

Kamalhassan new project : ఆయన రీసెంట్​గా నటించిన యాక్షన్ ఎంటర్​టైనర్, గ్యాంగ్​స్టర్​ మూవీ​ 'విక్రమ్' బాక్సాఫీస్​ సూపర్​ హిట్​గా నిలిచింది. దాదాపు రూ.500 కోట్ల వసూళ్లు సాధించి రికార్డుకెక్కింది. ప్రస్తుతం ఆయన సౌత్ ఇండియన్ స్టార్​ డైరెక్టర్ శంకర్​తో కలిసి భారీ సినిమా 'ఇండియన్ 2' చేస్తున్నారు. ఇది కూడా శరవేగంగా షూటింగ్​ జరుపుకుంటోంది. ఇంకొన్ని సినిమాలను లైన్​లో పెడుతున్నారు. అలా కెరీర్ పీక్​ స్టేట్​లో హీరోగా నటిస్తున్న సమయంలో నిజంగానే కమల్​.. ఈ నెగటివ్ రోల్​కు ఒప్పుకున్నారా లేదా? అనేది క్లారిటీ రావాల్సి ఉంది. మరి ఈ వార్తపై మేకర్స్ స్పష్టత ఇస్తారో లేదో చూడాలి.

ప్రభాస్ 'ప్రాజెక్ట్​ కె'లో విలన్​గా కమల్​హాసన్​

Project K News : కాగా, శరవేగంగా షూటింగ్ జరుపుకుంటున్న ఈ ప్రాజెక్ట్ కే చిత్రం రెండు భాగాలుగా రిలీజ్ కానుంది. వచ్చే ఏడాది ప్రారంభంలో సినిమా రిలీజ్ కానుంది. ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. ఇప్పటికే రిలీజైన పోస్టర్స్​, మేకింగ్​ వీడియోస్​ మూవీపై ఆసక్తిని రేకెత్తిస్తున్నాయి. ఇకపోతే ఈ భారీ చిత్రంలో సుదీర్ఘమైన ఐదు యాక్షన్‌ బ్లాకులు ఉన్నట్లు సమాచారం. మునుపెన్నడు చూడని అతిపెద్ద భారీ యాక్షన్‌ థ్రిల్లర్‌గా 'ప్రాజెక్ట్ కె'ను తెరకెక్కించనున్నారట. ఇప్పటివరకు ఇండియన్ సిల్వర్ స్క్రీన్​పై ఇలాంటి కాన్సెప్ట్​తో ఒక్క సినిమా కూడా రాలేదని.. సినిమా రిలీజయ్యాక ప్రేక్షకులు గతంలో ఎన్నడూ కలుగని థియేట్రికల్ అనుభూతిని దీని ద్వారా పొందుతారని మేకర్స్ అంటున్నారు.

ఇదీ చూడండి :