Salaar Prabhas Fight Scene : పాన్ఇండియా స్టార్ ప్రభాస్ లీడ్ రోల్లో.. స్టార్ డైరెక్టర్ ప్రశాంత్ నీల్ దర్శకత్వంలో తెరకెక్కుతున్న సాలిడ్ యాక్షన్ మూవీ 'సలార్' పార్ట్-1. ఇటీవలే ఈ యాక్షన్ థ్రిలర్కు సంబంధించిన చిత్ర యూనిట్.. 'ది మోస్ట్ వైలెంట్ మెన్.. కాల్డ్ వన్ మెన్.. ది మోస్ట్ వైలెంట్' పేరుతో విడుదల చేసిన టీజర్.. సోషల్మీడియాలో సంచలనం సృష్టించింది.
Salaar Teaser : "సింపుల్ ఇంగ్లీష్‌.. నో క‌న్ఫ్యూజ‌న్‌... లయన్, చీతా, టైగ‌ర్‌, ఎలిఫెంట్ వెరీ డేంజ‌ర‌స్‌.. బ‌ట్ నాట్ ఇన్ జురాసిక్ పార్క్. బికాజ్ ఇన్ ద‌ట్ పార్క్.. దేర్ ఈజ్ ఏ..(సింహం.. చిరుత.. పులి.. ఏనుగు.. చాలా ప్రమాదం.. కానీ, జురాసిక్ పార్క్‌లో కాదు.. ఎందుకుంటే ఆ పార్కులో...) అంటూ సీనియర్ నటుడు టీనూ ఆనంద్‌ డైలాగ్‌తో టీజర్ ఓ రేంజ్లో ఉందని చెప్పొచ్చు. అయితే ఆ సమయంలో టీనూ చుట్టూ ఇంటర్నేషనల్ మాఫియా గ్యాంగ్ ఉంది.
- " class="align-text-top noRightClick twitterSection" data="">
Salaar Prabhas Fight : అయితే ఆ గ్యాంగ్తోనే ప్రభాస్ భీకర ఫైట్ చేయనున్నట్లు తెలుస్తోంది. ఆ తర్వాత నేరస్థులతో డీల్ చేయనున్నారట. ప్రస్తుతం ఈ విషయం సోషల్మీడియాలో తెగ చక్కర్లు కొడుతోంది. దీంతో ఫ్యాన్స్ ఖుషీ అవుతున్నారు. మూవీ బ్లాక్ బస్టర్ హిట్ కావడం పక్కా అని అంటున్నారు. యాక్షన్ సీన్స్తో ప్రభాస్ దుమ్ముదులుపుతాడని చర్చించుకుంటున్నారు. దీని బట్టి చూస్తుంటే ప్రశాంత్ నీల్ పెద్ద స్కెచ్ వేసినట్లు తెలుస్తోంది. యాక్షన్ ఎంటర్‌టైనర్‌గా రాబోతున్న 'సలార్' మూవీలో ఎన్నో హైలైట్లు ఉండబోతున్నాయని ఇప్పటికే చిత్ర యూనిట్ చెప్పింది.
Salaar Cast : 'బాహుబలి' తర్వాత వచ్చిన 'సాహో', 'రాధేశ్యామ్', 'ఆదిపురుష్' వంటి మూడు సినిమాలు ప్రభాస్ అభిమానులకు నిరాశ మిగిల్చాయి. కమర్షియల్గా బాక్సాఫీస్ ముందు వసూళ్ల మోత మోగించినా.. అవి పాజిటివ్ మౌత్ టాక్ను దక్కించుకోలేకపోయాయి. దీంతో ఫ్యాన్స్ అంతా 'సలార్' సినిమాపైనే భారీగా ఆశలు పెట్టుకున్నారు. ఇందులో ప్రభాస్ సరసన శ్రుతి హాసన్ హీరోయిన్గా నటిస్తోంది. ఆమె ఆద్య అనే జర్నలిస్ట్గా కనిపించనుందట. మలయాళం స్టార్ హీరో పృథ్వీరాజ్ సుకుమారన్, సీనియర్ నటుడు జగపతి బాబు ప్రతినాయకులుగా కనిపిస్తున్నారు. ఇక శ్రియారెడ్డితో పాటు మరికొంతమంది ఇతర నటులు ముఖ్య పాత్రల్లో నటిస్తున్నారు.
