'బాహుబలి' సిరీస్తో పాన్ ఇండియా స్టార్గా మారిన రెబల్ స్టార్ ప్రభాస్.. ఆ తర్వాత సరైన్ హిట్ను అందుకోలేకపోయారు. అయినా ఆయన జోరేమీ తగ్గలేదు. డార్లింగ్ చేతిలో 'ఆదిపురుష్', 'సలార్', 'ప్రాజెక్ట్-కే' లాంటి భారీ ప్రాజెక్ట్లతో పాటు దర్శకులు మారుతి, సందీప్ రెడ్డి వంగతోనూ సినిమాలను కమిట్య్యారు. వీటిలో నాలుగు చిత్రాల వరకు ఏడాది వ్యవధిలోనే వరుసగా విడుదలయ్యేందుకు సిద్ధంగా ఉన్నాయి. ప్రస్తుతం శరవేగంగా చిత్రీకరణలు జరుపుకుంటున్నాయి.
అయితే ఇప్పుడు ఇవి కాకుండా ప్రభాస్కు సంబంధించి మరో కొత్త చిత్రం గురించి.. రెండు రోజులుగా జోరుగా ప్రచారం జరుగుతోంది. రీసెంట్గా 'బాహుబలి' నిర్మాతలు శోభు యార్లగడ్డ, ప్రసాద్ దేవినేనిలు(ఆర్కా మీడియా).. ప్రభాస్ను కలిసినట్లు వార్తలు వచ్చాయి. వీరి డార్లింగ్తో ఓ సినిమా కమిటైనట్లు కథనాలు వచ్చాయి. ఒకవేళ 'బాహుబలి 3' కోసం కలిశారా అనే మాటలు కూడా వినిపించాయి. కానీ ఆ డిస్కషన్స్లో రాజమౌళి లేరు. అలాగే ఆయన సమీప భవిష్యత్తులో బాహుబలి 3 చేసే అవకాశాలు కూడా కనిపించడం లేదు. ఎందుకంటే జక్కన్న ప్రస్తుతం మహేశ్తో ఓ భారీ అడ్వెంచర్ సినిమా చేయబోతున్నారు. అది పూర్తయ్యే సరికి మరో మూడేళ్లు పట్టొచ్చు. కాబట్టి జక్కన్నతో సినిమా చేయాలంటే చాలా కాలం ఆగాల్సిందే. దీంతో ప్రభాస్- బాహుబలి నిర్మాతల కొత్త చిత్రానికి దర్శకుడు ఎవరై ఉంటారా? అసలు సినిమా ఓకే అయిందా లేదా అనేది ఫ్యాన్స్లో ఉత్కంఠ కొనసాగుతోంది.
అయితే తాజాగా అందిన సమాచారం ప్రకారం ఆర్కా మీడియా వారి దృష్టిలో ఓ దర్శకుడు ఉన్నారని తెలిసింది. విలక్షణ దర్శకుడు క్రిష్తో కలిసి ప్రభాస్ హీరోగా ఓ సినిమా చేయాలని భావిస్తున్నారట. ఇప్పటికే వీరికి క్రిష్తో మంచి అనుబంధం ఉంది. గతంలో అల్లుఅర్జున్ 'వేదం' సినిమాకు శోభు, ప్రసాద్ నిర్మాణ భాగస్వాములుగా కూడా వ్యవహరించారు. అందుకే వారు క్రిష్తో కలిసి ఓ కథ కోసం కొంతకాలంగా చర్చలు జరుపుతున్నారట. అయితే ఆ స్టోరీ ఓ కొలిక్కి రాలేదు కానీ.. ఈలోగా ప్రభాస్ను కలిసి డేట్స్ ఇచ్చేలా కమిట్ చేయాలని ప్రయత్నిస్తున్నారట. ఎలాగైనా కథను వర్కౌట్ చేసి ప్రభాస్-క్రిష్ కాంబినేషన్లో సినిమా చేయడానికి ప్లాన్ చేస్తున్నారట. ప్రస్తుతం క్రిష్ కూడా.. పవన్ కళ్యాణ్‌తో కలిసి భారీ బడ్జెట్లో 'హరిహర వీరమల్లు' మూవీ చేస్తున్నారు. ఈ చిత్రం తీసిన అనుభవంతో.. ప్రభాస్‌తోనూ ఓ చారిత్రక నేపథ్యం ఉన్న కథను తెరకెక్కించాలని అనుకుంటున్నారట. అంతా అనుకున్నట్లు జరిగితే వీరి కాంబోలో ఓ మెగా ప్రాజెక్ట్ వచ్చే అవకాశముంటుంది. చూడాలి మరి ఏం జరుగుతుందో..
ఇదీ చూడండి: అమెరికాలో హీరోయిన్ లయ ఏం పని చేస్తుందో తెలుసా?
