Director Krish Webseris: వెండితెరపై చెప్పలేని కొన్ని కథల్ని ప్రేక్షకులకు చూపించడానికి వెబ్సిరీస్లు ఇప్పుడు చక్కటి మార్గంగా మారిపోయాయి. ఈ సిరీస్లకు ఆదరణ పెరుగుతుండటం వల్ల అగ్రదర్శకులు.. వీటిని రూపొందించేందుకు ఆసక్తి చూపుతున్నారు. ఇప్పుడా జాబితాలోకి దర్శకుడు క్రిష్ జాగర్లమూడి కూడా చేరారు. ఇప్పటికే ఆయన '9 అవర్స్' వెబ్సిరీస్కు షో రన్నర్గా వ్యవహరించారు. అయితే ఇప్పుడు తాజాగా ఓ వెబ్సిరీస్ను స్వయంగా తెరకెక్కించే ప్రయత్నాలు చేస్తున్నారని తెలిసింది. ఉమెన్ సెంట్రిక్ వెబ్సిరీస్ను రూపొందించాలని ఆలోచిస్తున్నారట. వ్యభిచారం చేసే వాళ్ల జీవితాల చుట్టూ ఈ కథ ఉంటుందని సమాచారం. ఒకవేళ ఇదే కనుక నిజమైతే క్రిష్ రూపొందించే తొలి వెబ్సిరీస్ ఇదే అవుతుంది. ప్రస్తుతం ఆయన.. పవర్స్టార్ పవన్కల్యాణ్తో 'హరిహర వీరమల్లు' సినిమా చేస్తున్నారు. ఈ చిత్ర కొత్త షెడ్యూల్ షూటింగ్ త్వరలోనే ప్రారంభంకానుంది.
Prabhas Koratala siva movie: టాలీవుడ్లో మంచి క్రేజ్ ఉన్న దర్శకులలో కొరటాల శివ ఒకరు. హిట్రైటర్గా మంచిపేరున్న ఆయన్ను దర్శకుడిని చేసింది 'మిర్చి'. ప్రభాస్ సరికొత్త స్టైల్లో చూపించి అభిమానులను ఆకట్టుకున్నారు. అయితే ఆ తర్వాత వీరిద్దరి కాంబోలో సినిమా రాలేదు. మరోవైపు ప్రభాస్కు 'బాహుబలి' తర్వాత సరైన్ హిట్ తగలలేదు. దీంతో కొరటాల-ప్రభాస్ కాంబోలో మరో మిర్చి లాంటి సినిమా పడాలని ఆశిస్తున్నారు. ఈ క్రమంలోనే ఫ్యాన్స్కు కిక్నిచ్చే వార్త సోషల్మీడియాలోకి ఎంట్రీ ఇచ్చింది. డార్లింగ్-కొరటాల కాంబోలో సినిమా ఉండబోతుందని, త్వరలోనే దీనిపై క్లారిటీ రానుందని కథనాలు వస్తున్నాయి. నిజానికి ఎన్టీఆర్ సినిమా తర్వాత అల్లుఅర్జున్, రామ్చరణ్లతో కొరటాల మూవీ చేస్తారని ఆ మధ్య వార్తలొచ్చాయి. కానీ అవి ఫైనల్ అవ్వలేదట. దీంతో ప్రభాస్ను లైన్లో పెట్టాలని కొరటాల ప్రయత్నిస్తున్నారని టాక్ వినిపిస్తోంది.
ఇదీ చూడండి: పవర్ఫుల్గా 'అల్లూరి' టీజర్.. హృదయాన్ని హత్తుకుంటున్న 'సీతారామం' సాంగ్
