Prabhas Kannappa Movie : హీరో మంచు విష్ణు డ్రీమ్ ప్రాజెక్ట్‌గా రెడీ అవుతున్న మూవీ 'కన్నప్ప'. ఈ భారీ బడ్జెట్ చిత్రానికి ముఖేశ్ కుమార్‌ సింగ్‌ దర్శకత్వం వహిస్తున్నారు. అయితే ఈ చిత్రంలో పాన్ ఇండియా స్టార్ ప్రభాస్ నటిస్తున్నారంటూ ఆ మధ్య జోరుగా వార్తలు వచ్చిన సంగతి తెలిసిందే. ప్రభాస్ శివుడు పాత్రలో నటించనున్నారంటూ చాలా కథనాలు వచ్చాయి. గతంలో సీనియర్ నటి మధుబాల కూడా ఓ ఇంటర్వ్యూలో మాట్లాడుతూ ఈ విషయంపై స్పష్టత ఇచ్చింది.
అయితే తాజాగా 'కన్నప్ప'లో ప్రభాస్ పాత్ర ఎలా ఉంటుందో అన్న విషయంపై హీరో మంచు విష్ణు ఇంట్రెస్టింగ్ కామెంట్స్ చేశారు. సినిమాకు సంబంధించి అప్డేట్స్ ఇచ్చారు. "కన్నప్ప చిత్రీకరణ 60 శాతం వరకు కంప్లీట్ అయింది. ఈ చిత్రాన్ని ఎప్పుడు రిలీజ్ చేస్తారంటూ నార్త్ ఆడియెన్స్ కూడా అడుగుతున్నారు. ఈ ఏడాది చివర్లో 'కన్నప్ప'ను మీ ముందుకు తీసుకువచ్చేందుకు ప్రయత్నిస్తున్నాం. త్వరలోనే ఈ మూవీ గ్లింప్స్‌ను రిలీజ్ చేస్తాం. చిత్రంలో ప్రభాస్ పాత్ర చాలా అద్భుతంగా ఉంటుంది. దీనికి సంబంధించిన కంప్లీట్ డీటెయిల్స్ ఇప్పుడే చెప్పేస్తే థ్రిల్‌ ఉండదు. టైమ్ వచ్చినప్పుడు చెబుతాను. మరో నెలలో న్యూజిలాండ్‌ వెళ్లాల్సి ఉంది. మిగిలిన షూటింగ్ కూడా అక్కడే చేస్తాం. ఇంకా ఈ చిత్రంలో మా నాన్న మోహన్‌ బాబు, నా కుమారుడు అవ్రామ్‌ కూడా నటిస్తున్నారు" అని మంచు విష్ణు చెప్పారు.
ఈ చిత్రంతో మోడల్, క్లాసిక్ డ్యాన్సర్, భరత నాట్యంలో ప్రావీణ్యురాలైన ప్రీతి ముకుందన్‌(kannappa movie heroine) హీరోయిన్‌గా ఎంట్రీ ఇస్తున్నారు. అలాగే మలయాళ స్టార్ హీరో మోహన్‌లాల్‌, కన్నడ స్టార్ హీరో శివరాజ్‌కుమార్లు కూడా ముఖ్య పాత్రలు పోషిస్తున్నారు. అత్యంత భారీ బడ్జెట్‌తో పాన్ ఇండియా స్థాయిలో ఈ చిత్రాన్ని సీనియర్ నటుడు మోహన్‌ బాబు నిర్మిస్తున్నారు. రీసెంట్గా న్యూజిలాండ్‌లో ఒక షెడ్యూల్‌ పూర్తి చేసుకుని మూవీ టీమ్ భారత్‌కు తిరిగి వచ్చింది. త్వరలోనే మళ్లీ చిత్రీకరణ ప్రారంభం కానుంది.
ఈ OTTలోకే ఎన్టీఆర్ 'దేవర', బాలయ్య 'NBK 109' - పుష్ప 2, సలార్ కూడా
'మెగా 156' - కళ్లుచెదిరేలా టైటిల్ గ్లింప్స్ - రిలీజ్ డేట్ ఇదే
