PawanKalyan Ustaad : రీసెంట్గా 'బ్రో' చిత్రంతో అభిమానులను, సినీ ప్రియులను అలరించిన పవర్ స్టార్ పవన్ కల్యాణ్.. ప్రస్తుతం మరో మూడు సినిమాలతో ఆడియెన్స్ను పలకించేందుకు రెడీగా ఉన్నారు. వాటిలో ఒకటి 'ఉస్తాద్ భగత్ సింగ్'. హరీశ్ శంకర్‌ డైరెక్షన్లో ఈ సినిమా రూపొందుతోంది. అయితే ఈ సినిమాకు సంబంధించి అప్డేట్స్ కోసం అభిమానులు ఎంతో ఆసక్తిగా ఎదురుచూస్తున్నారు. తాజాగా ఓ అదిరిపోయే అప్డేట్ బయటకు వచ్చింది. పవన్ కల్యాణ్కు సంబంధించిన ఫొటో ఒకటి సోషల్ మీడియాలో సందడి చేస్తోంది. ఈ క్రమంలో ustaadbhagat singh అనే హ్యాష్ట్యాగ్ నెట్టింట తెగ ట్రెండ్ అవుతోంది.
వాస్తవానికి పవన్ కల్యాణ్, ఆర్ట్‌ డైరెక్టర్‌ ఆనంద్ సాయి మంచి స్నేహితులన్న విషయం చాలా మందికి తెలిసిందే. ఆయనే ఈ కొత్త ఫొటోనూ పోస్ట్ చేశారు. 'ఉస్తాద్ భగత్ సింగ్' మూవీసెట్స్లో పవన్‌తో కలిసి నడుస్తున్న ఫొటోను షేర్ చేశారు. దీంతో ఒక్కసారిగా #UstaadBhagatSingh ట్రెండింగ్‌లోకి వచ్చేసింది. ఇక 'ఈ ఫొటో ఎప్పుడు తీయించుకున్నారు?', 'ఈ షెడ్యూల్ ఎన్ని రోజులు చేస్తారు', అంటూ నెట్టింట అభిమానులు ఈ ఫొటోపై కామెంట్ల వర్షం కురిపిస్తున్నారు. ఏదేమైనా ఎలాంటి సమాచారం లేకుండా పవన్ ఫొటో బయటకు వచ్చే సరికి అభిమానుల దిల్ ఒక్కసారిగా ఖుష్ అయిపోంది.
ఇక పవన్ - హరీశ్‌శంకర్‌ల కాంబోలో తొలిసారి 'గబ్బర్‌ సింగ్' సినిమా థియేటర్లలో సందడి చేసింది. సుమారు 11 ఏళ్ల తర్వాత వీరిద్దరూ 'ఉస్తాద్ భగత్ సింగ్' కోసం మరోసారి చేతులు కలిపారు. ఇందులో పవన్ సరసన శ్రీలీల నటిస్తున్నారు. ప్రస్తుతం పవన్ దీనితో పాటు 'ఓజీ', 'హరిహరవీరమల్లు' సినిమాల్లోనూ నటిస్తున్నారు. మరోవైపు 'ఓజీ' షూటింగ్ శరవేగంగా జరుగుతోంది. ఇందులో పవన్‌కు జోడీగా ప్రియాంక అరుళ్‌ మోహన్‌ మెరవనున్నారు. తమన్‌ ఈ సినిమాకు సంగీతాన్ని అందిస్తున్నారు. ఇక 'హరిహరవీరమల్లు' లేటెస్ట్ అప్డేట్ అయితే ఇంకా ఏం రాలేదు. దీంతో ఈ అప్డేట్ కోసం ఫ్యాన్స్ ఎదురుచూస్తున్నారు. ఇక పవన్ కల్యాణ్ లేటెస్ట్ మూవీ 'బ్రో' సినిమా ఓటీటీ విడుదలకు రంగం సిద్ధమైంది. ప్రముఖ ఓటీటీ సంస్థ నెట్‌ఫ్లిక్స్‌ వేదికగా ఆగస్టు 25 నుంచి ఈ సినిమా స్ట్రీమ్ కానుంది.
పవన్ మళ్లీ ఏమైంది.. థాయ్లాండ్కు పవర్స్టార్.. కన్ఫ్యూజన్లో 'ఉస్తాద్' - 'ఓజీ' రిలీజ్!
