NTR Upcoming Projects : యంగ్ టైగర్ ఎన్టీఆర్ నటిస్తున్న 'దేవర' నుంచి వచ్చిన రెండు భాగాల లేటెస్ట్ అప్డేట్ అభిమానుల్లో సరికొత్త ఉత్సాహాన్ని నింపింది. దర్శకుడు కొరటాల శివ ఓ స్పెషల్ వీడియోతో ఈ విషయాన్ని అధికారికంగా చెప్పారు. 2024 ఏప్రిల్ 5న మొదటి భాగం రానున్నట్లు మరోసారి క్లారిటీ ఇచ్చారు.
అయితే దేవర మొదటి భాగం షూటింగ్ కంప్లీట్ అయ్యాక ఎన్టీఆర్ 'వార్ 2' షూటింగ్కు డేట్స్ ఇస్తారని తెలిసింది. 2024 ప్రారంభం నుంచి ఆ చిత్రానికి సమయం కేటాయిస్తారట. మరోవైపు 'కేజీయఫ్' ఫేమ్ ప్రశాంత్ నీల్తో కూడా ఎన్టీఆర్ ఓ సినిమాను లైన్లో పెట్టిన సంగతి తెలిసిందే. కాబట్టి ఈ సినిమా కూడా 2024లోనే చేయాల్సి ఉంటుంది. అంటే 2024 లో ఎన్టీఆర్ 'వార్ 2'తో పాటుగా ప్రశాంత్ నీల్ సినిమా కోసం పని చేస్తారని తెలుస్తుంది. ఇక ప్రశాంత్ నీల్ సినిమా తర్వాత 'దేవర 2' కోసం.. ఎన్టీఆర్ రంగంలోకి దిగే అవకాశం ఉంటుంది. కొరటాల శివకు డేట్స్ ఇచ్చే ఆలోచనలో ఉన్నారట. 'దేవర 2' తర్వాత అరవింద సమేత కాంబో దర్శకుడు త్రివిక్రమ్తో కలిసి పనిచేయనున్నారని టాక్ వినిపిస్తోంది. ఇది సెట్స్పైకి వెళ్లేసరకి 2025 పట్టొచ్చు.
ఇకపోతే ఎన్టీఆర్తో కలిసి పనిచేసేందుకు బాలీవుడ్ దర్శకులు కూడా ఎంతో ఆసక్తిగా ఉన్నారని తెలిసింది. 'వార్ 2'తో ఇప్పటికే అయాన్ ముఖర్జీ ఎన్టీఆర్ను డైరెక్ట్ చేయనున్నారు. 'వార్ 2'లో తారక్ ది నెగిటివ్ షేడ్స్ ఉన్న పాత్ర అని తెలిసింది. ఎలాంటి పాత్ర అయినా సరే తన మార్క్ యాక్టింగ్తో ఎన్టీఆర్ మెప్పించగలరు. దీంతో ఆయనకు బాలీవుడ్లో మరిన్ని అవకాశాలు రావొచ్చు. అయితే తారక్ తనకున్న ఛాయిన్ ఆధారంగా సౌత్ దర్శకులతోనా లేదా నార్త్ డైరెక్టర్స్తో చేస్తారా అనేది చూడాలి.
ఇలా దేవర 1, వార్ 2, ప్రశాంత్ నీల్తో సినిమా, దేవర 2, ఆ తర్వాత త్రివిక్రమ్.. ఎన్టీఆర్ సినిమాల లైనప్ భారీగానే ఉంది. అయితే వీటిలో ఏది ముందు ఏది వెనక్కి అన్నది ఇప్పుడెంత మాట్లాడుకున్న.. అవి సెట్స్ మీద వెళ్లాక డిసైడ్ అవుతుంది. ఎన్టీఆర్ కూడా ఎక్కడ తగ్గకుండా వరుస సినిమాలతో కెరీర్లో మరింత పీక్ స్టేజ్కు వెళ్లాలని గట్టిగా ఫిక్స్ అయ్యారు.
NTR Devara Update : రెండు పార్ట్లుగా NTR 'దేవర'.. డైరెక్టర్ కొరటాల శివ వీడియో రిలీజ్
Janhvi Kapoor Hyderabad House : హైదరాబాద్లో ఇల్లు కొన్న 'దేవర' బ్యూటీ.. వామ్మో ఎన్ని కోట్లంటే?
