బింబిసార చిత్రంపై ప్రశంసలు ఎన్టీఆర్ ప్రశంసలు కురిపించారు. 'బింబిసార' రాజు పాత్రకు తన సోదరుడు కల్యాణ్‌రామ్‌ తప్ప మరెవరూ సరైన న్యాయం చేయలేరని నటుడు ఎన్టీఆర్ అన్నారు. ప్రేక్షకుల నుంచి 'బింబిసార'కు వస్తోన్న స్పందనపై తాజాగా తారక్‌ ట్వీట్ చేశారు. ఈ సినిమాని తొలిసారి చూసినప్పుడు తామెలాంటి అనుభూతిని పొందామో.. ప్రేక్షకులూ అదే ఆనందాన్ని పొందుతున్నారని పేర్కొన్నారు.
"బింబిసార' సినిమా గురించి గొప్ప విషయాలు వింటున్నా. కల్యాణ్ రామ్ అన్నా.. ఈ సినిమాలో రాజుగా నిన్ను ఎవరూ భర్తీ చేయలేరు. వశిష్ఠ.. తొలి ప్రయత్నంలోనే అద్భుతంగా ఈ చిత్రాన్ని తెరకెక్కించావు. ఇక, ఈ చిత్రానికి కీరవాణి గారే వెన్నెముక. ఆయన అందించిన స్వరాలు అద్భుతంగా ఉన్నాయి" అని చిత్రబృందం మొత్తానికి ఎన్టీఆర్ అభినందనలు తెలిపారు. టైమ్‌ ట్రావెల్‌ నేపథ్యంలో రూపుదిద్దుకున్న చిత్రంలో కల్యాణ్‌రామ్‌ రెండు విభిన్నమైన లుక్స్‌లో కనిపించారు. సంయుక్తా మేనన్‌, కేథరిన్‌ కథానాయికలుగా అలరించారు.
- " class="align-text-top noRightClick twitterSection" data="">
ఇదీ చూడండి : కమల్ ఫ్యాన్స్కు గుడ్న్యూస్.. మళ్లీ సెట్స్పైకి భారతీయుడు-2.. RC15 షూట్కు బ్రేక్!
