NTR Oscar : జూనియర్ ఎన్టీఆర్కు మరో అరుదైన గౌరవం దక్కింది. ఆర్ఆర్ఆర్ చిత్రంతో ఆస్కార్ వేదికపై సందడి చేసిన తారక్... అదే అకాడమీ ఆఫ్ మోషన్ పిక్చర్స్ లో కొత్త సభ్యుడిగా ఎంపికయ్యారు. ఈ విషయాన్ని అకాడమీ అధికారికంగా ప్రకటించింది. అంకితభావం కలిగిన నటీనటుల్లో తారక్ కూడా ప్రపంచవ్యాప్తంగా ఎంతో మందిని ఆకర్షించారని, తెరపై వారి హావభావాలతో ఎందరో అభిమానులు సొంతం చేసుకున్నట్లు అకాడమీ వెల్లడించింది. అద్భుతమైన నటనతో పాత్రలకు ప్రాణం పోసిన గొప్ప నటీనటులు తమ యాక్టర్స్ బ్రాంచ్ లోకి ఆహ్వానిస్తున్నట్లు పేర్కొంది. తారక్ తోపాటు మరో నలుగురు హాలీవుడ్ నటులకు అకాడమీ కొత్త సభ్యులుగా చేర్చుకుంది. ఈ విషయం తెలుసుకున్న ఎన్టీఆర్ అభిమానుల్లో ఎనలేని ఉత్సాహాం నెలకొంది.
"అంకితభావం కలిగిన ఈ నటీనటులు ప్రపంచవ్యాప్తంగా ఎంతోమందిని ఆకర్షించారు. తెరపై వారి హావభావాలతో ఎందరో అభిమానులను సొంతం చేసుకున్నారు. అద్భుతమైన నటనతో పాత్రలకు ప్రాణం పోశారు. అలాంటి గొప్ప నటీనటులను 'యాక్టర్స్ బ్రాంచ్'లోకి ఆహ్వానిస్తున్నాం" అని అకాడమీ రాసుకొచ్చింది.
ఇక ఎన్టీఆర్ సినిమాల విషయానికొస్తే.. ఆయన ప్రస్తుతం దేవర(NTR Devara Movie) అనే భారీ బడ్జెట్ సినిమా చేస్తున్నారు. కొరటాల శివ ఈ చిత్రానికి దర్శకత్వం వహిస్తున్నారు. ఈ చిత్రం రెండు భాగాలుగా రానున్నట్లు ఇటీవలే అనౌన్స్ చేశారు. తొలి భాగం వచ్చే ఏడాది ఏప్రిల్‌ 5న థియేటర్లలో ప్రేక్షకుల ముందుకు రానుంది. సినిమాలో ఎన్టీఆర్ సరసన బాలీవుడ్ హాట్ బ్యూటీ జాన్వీకపూర్‌ నటిస్తోంది. ఈమెకు ఇదే తొలి తెలుగు చిత్రం కావడం విశేషం. బాలీవుడ్ స్టార్ హీరో సైఫ్ అలీఖాన్ విలన్‌గా నటిస్తున్నారు.
NTR War 2 Movie : ఈ చిత్రం ఎన్టీఆర్.. బాలీవుడ్ స్టార్ హీరో హృతిక్‌ రోషన్‌తో కలిసి వార్‌2లో నటించనున్నారు. త్వరలోనే ఈ సినిమా సెట్స్లో అడుగుపెట్టనున్నారు. ఇది కూడా పూర్తైన తర్వాత కేజీయఫ్ ఫేమ్ ప్రశాంత్ నీల్తో(NTR Prasanth Neel film) కలిసి ఓ భారీ యాక్షన్ ఎంటర్టైనర్ సినిమా చేయనున్నారు.
NTR Chandrababu : 'ఏపీ రాజకీయాలపై ఎన్టీఆర్ అందుకే స్పందించలేదేమో'.. రాజీవ్ కనకాల
