NTR 30 Title Name : 'ఆర్ఆర్ఆర్' చిత్రంతో అంతర్జాతీయ స్థాయిలో గుర్తింపు పొందారు యంగ్ టైగర్ ఎన్టీఆర్. తన నటన, డ్యాన్స్తో ప్రపంచవ్యాప్తంగా అభిమానులను సంపాదించుకున్నారు. ఎన్టీఆర్ ప్రస్తుతం స్టార్ డైరెక్టర్ కొరటాలి శివతో కలిసి భారీ పాన్ ఇండియా యాక్షన్ చిత్రం 'ఎన్టీఆర్ 30'లో నటిస్తున్నారు. అయితే దీనికి సంబంధించి ఓ ఆసక్తికరమైన అప్డేట్ బయటకు వచ్చింది. ఈ సినిమాకు ఓ పవర్ఫుల్ టైటిల్ను దర్శకుడు కొరటాల శివ ఫిక్స్ చేసినట్లుగా వార్తలు నెట్టింట్లో తెగ వైరల్ అవుతున్నాయి. అనేక పేర్లను పరిశీలించిన తర్వాత చివరకు ఈ చిత్రానికి 'దేవర' అనే టైటిల్ను ఖరారు చేసినట్లు పెద్దఎత్తున్న ఊహాగానాలు వినిపిస్తున్నాయి. ఈ పేరుకు సినిమా నిర్మాతలు సహా హీరో ఎన్టీఆర్ కూడా ఓకే చెప్పినట్లు సమాచారం. ఈ విషయాన్ని అధికారికంగా ఎన్టీఆర్ పుట్టినరోజైన మే20న వెల్లడించనున్నట్లు ప్రచారం జరుగుతోంది. సినిమా టైటిల్తో పాటు ఫస్ట్ లుక్ పోస్టర్ను కూడా చిత్రబృందం రిలీజ్ చేయనున్నట్లు టాక్. మరి ఇవన్నీ నిజమా కాదా అని తెలియాలంటే ఎన్టీఆర్ బర్త్డే వరకు ఆగాల్సిందే.
ఇక 'ఎన్టీఆర్ 30' విషయానికొస్తే..ఈ సినిమాను సుధాకర్ మిక్కిలినేని, కల్యాణ్ రామ్ సంయుక్తంగా నిర్మిస్తున్నారు. బాలీవుడ్ బ్యూటీ జాన్వీ కపూర్ హీరోయిన్గా నటిస్తోంది. స్టార్ యాక్టర్ సైఫ్‌ అలీ ఖాన్‌ విలన్ పాత్రలో నటిస్తున్నారు. మ్యూజిక్ డైరెక్టర్ అనిరుధ్ స్వరాలు సమకూరుస్తున్నారు. ఈ సినిమాను మరింత బెస్ట్గా తీర్చిదిద్దేందుకు హాలీవుడ్ స్థాయిలో టెక్నిషియన్లను కూడా తీసుకున్నారు నిర్మాతలు. అయితే ఈ సినిమాలో ఎన్టీఆర్ కాస్త డిఫరెంట్ లుక్లో కనిపించనున్నారట. ఇందుకోసం ప్రముఖ హేర్ డ్రెస్సర్ అలీమ్ హ‌కీమ్ను నియమించుకున్నారని ప్రచారం. ఇప్పటికే ఎన్టీఆర్, కొరటాల కాంబినేషన్లో వచ్చిన 'జనతా గ్యారేజ్' పెద్ద హిట్గా నిలిచింది. దీంతో రాబోయే చిత్రంపై భారీ అంచనాలనే పెట్టుకున్నారు ఫ్యాన్స్.
రామోజీ ఫిల్మ్ సిటీలో షూటింగ్!
'ఎన్టీఆర్ 30' ఇప్పటికే రెండు షెడ్యూళ్ల చిత్రీకరణను పూర్తి చేసుకుంది. తాజాగా ప్రముఖ పర్యటక ప్రదేశం రామోజీ ఫిల్మ్ సిటీలో ఈ సినిమాకి సంబంధించి తదుపరి షెడ్యూల్ను ఖరారు చేశారు మూవీ మేకర్స్. దీంట్లో భాగంగా ఎన్టీఆర్‌పై భారీ యాక్షన్ సీన్లను షూట్ చేయనున్నట్లు సమాచారం. అన్నీ అనుకున్న ప్రకారం జరిగితే ఈ సినిమాను 2024 ఏప్రిల్ 5న విడుదల చేయనున్నట్లు చిత్ర బృందం ఇప్పటికే ప్రకటించింది.
కీలక పాత్రలో సీనియర్ స్టార్ హీరో!
ఈ సినిమాలోని ఓ కీలక పాత్ర కోసం ఓ సీనియర్ స్టార్ హీరోను ఎంపిక చేయనున్నట్లు తెలుస్తోంది. అయితే ఆ నటుడు ఎవరా అనేది తెలియాలి. కాగా, ఈ సినిమాలో మరో హీరోయిన్గా అనన్య పాండే కూడా నటించనుందని ఇండస్ట్రీలో ప్రచారం జరుగుతోంది.
