Nelson Dilipkumar Vettai Mannan Movie : నెట్టింట ఇప్పుడు ఎక్కడ చూసిన 'జైలర్' మేనియానే నడుస్తోంది. సూపర్ స్టార్ రజనీకాంత్ లీడ్ రోల్లో వచ్చిన ఈ మూవీ బాక్సాఫీస్ను షేక్ చేస్తూ మంచి టాక్ అందుకుంటోంది. కలెక్షన్ల పరంగానూ ఓ రేంజ్లో దూసుకెళ్తోంది. తొలి రోజు అనూహ్య కలెక్షన్స్ సాధించిన సినిమా వీకెండ్స్లోనూ అదే జోరును కొనసాగించేలా ఉంది. దీంతో ఈ చిత్ర దర్శకుడు నెల్సన్ దిలీప్ కుమార్పై అభిమానులు, సెలబ్రిటీలు ప్రసంశల జల్లును కురిపిస్తున్నారు.
2018లో నయనతార లీడ్ రోల్లో తెరకెక్కిన 'కోలమావు కోకిల' అనే సినిమాతో మెగాఫోన్ పట్టిన నెల్సన్.. ఆ తర్వాత శివ కార్తికేయన్తో 'డాక్టర్‌', దళపతి విజయ్తో 'బీస్ట్‌' సినిమాలను తెరకెక్కించారు. ఆ తర్వాత ఇప్పుడు జైలర్తో సాలిడ్ హిట్ను తన ఖాతాలోకి వేసుకున్నారు. తీసింది నాలుగు సినిమాలే అయినప్పటికీ తన సినిమాలతో ప్రేక్షకులను అలరిస్తూనే ఉన్నారు.
Vettai Mannan Movie Cast : అయితే నెల్సన్.. 'కొలమావు కోకిల' కంటే ముందే శింబు- హన్సిక కాంబోలో 'వేట్టై మన్నన్‌' అనే సినిమాను తెరకెక్కించాలనుకున్నారు. 2010లో ఈ సినిమాతోనే ఆయన ఇండస్ట్రీలోకి ఎంట్రీ ఇవ్వాల్సింది. అయితే కొంత భాగం షూటింగ్ జరుపుకున్న తర్వాత కొన్ని అనివార్య కారణాల వల్ల ఆ ప్రాజెక్ట్ సగంలోనే ఆగిపోయింది.
ఆ తర్వాత 2017లో మరోసారి ఈ సినిమాను తెరకెక్కించాలనుకున్నారు. ఇక అప్పుడు కూడా ఈ సినిమా సెట్స్పైకి వెళ్లుకుండానే ఆగిపోయింది. అయితే తాజాగా మళ్లీ ఈ సినిమాను పూర్తి చేయాలని నెల్సన్ అనుకుంటున్నారట. ఇదే విషయమై హీరో- శింబు దర్శకుడు నెల్సన్ చర్చలు జరిపారట. ఒకవేళ ఇది నిజమైతే.. ఇక హీరోయిన్ ప్లేస్లో ఎవరిని తీసుకుంటారన్న విషయం ఇప్పుడు ప్రశ్నార్థకంగా మారింది. అప్పటి హీరోయిన్ హన్సిక సంగతి ఏంటి అని ఫ్యాన్స్ అనుకుంటున్నారు.
అప్పట్లో హన్సిక-శింబు లవ్ చేసుకున్న విషయం అందికీ తెలిసిందే. అయితే ఆ తర్వాత కొన్ని కారణాల వల్ల వీరిద్దరూ విడిపోయారు. ఇక ఆ తర్వాత వీరిద్దరూ కలిసి స్క్రీన్పై కనిపించలేదు. కానీ హన్సిక హీరోయిన్గా వచ్చిన 'మహా' అనే సినిమాలో శింబు గెస్ట్ రోల్లో కనిపించారు. ఈ క్రమంలో ఈ జంట 'వేట్టై మన్నన్‌' సినిమాను కలిసి పూర్తి చేస్తారా అన్న ప్రశ్న ఇప్పుడు నెట్టింట తెగ హల్చల్ చేస్తోంది.
Jailer Director Next Movie : మరోవైపు 'జైలర్' సినిమా సక్సెస్ను అందుకున్న నెల్సన్.. ఇప్పుడు ధనుశ్తో ఓ సినిమా తీసేందుకు ప్లాన్ చేస్తున్నారట. దీంతో ఆయన నెక్స్ట్ ఏ ప్రాజెక్ట్ చేయనున్నారన్న విషయం తెలియాలంటే ఈ రెండు అప్డేట్స్పై అఫీషియల్ అనౌన్స్మెంట్ వచ్చేవరకు వేచి చూడాల్సిందే.
''జైలర్'లో పోలీస్ పాత్ర కోసం బాలకృష్ణను అనుకున్నా.. ఫ్యూచర్లో ఆయనతో సినిమా పక్కా!'
