నటసింహం నందమూరి బాలకృష్ణ హోస్ట్గా ఆహా ఓటీటీ వేదికగా ప్రసారమవుతున్న టాక్‌ షో 'అన్‌స్టాపబుల్‌ విత్‌ ఎన్బీకే'. ఈ షోకు ఇటీవల సినీ నటుడు, జనసేన అధినేత పవన్కల్యాణ్ వచ్చారు. త్వరలోనే ఇందుకు సంబంధించిన ఎపిసోడ్ స్ట్రీమింగ్ కానుంది. ఈ ఎపిసోడ్ను రెండు పార్ట్లుగా ప్రసారం చేయనున్నారు. ఈ ఎపిసోడ్పై అంచనాలు పెరిగిపోయాయి. దీనికి తోడు ఆహా ప్లాట్ఫామ్, 'బాప్ ఆఫ్ ఆల్ ఎపిసోడ్స్' అంటూ పవన్ ఎపిసోడ్పై అంతకంతకూ అంచనాలు పెంచుతోంది. ఈ క్రమంలో ఆహా ప్లాట్ఫామ్ పవన్కల్యాణ్ ఎపిసోడ్ పార్ట్-1 ప్రోమోను విడుదల చేసింది. దీంతో ఫ్యాన్స్ సంబరాలు చేసుకుంటున్నారు.
తాజాగా విడుదలైన ప్రోమోలో పవన్కు.. బాలయ్య ఘన స్వాగతం పలికారు. అనంతరం వారిద్దరి మధ్య జరిగిన సరదా సంభాషణలను ప్రోమోలో చూపించారు. 'ఈశ్వరా.. పవనేశ్వరా.. పవరేశ్వరా' అంటూ సరదాగా పవన్ చేయి పట్టుకున్నారు బాలకృష్ణ. దీనికి పవన్ మంచి ప్రాసలో 'నేను మీకు తెలుసు నా స్థానం మీ మనసు' అంటూ స్పాంటేనిటీ చూపించారు. ఆ తర్వాత పవన్ కల్యాణ్ను ఓ ఆట ఆడుకున్నారు బాలకృష్ణ. 'ఇప్పుడు గుడుంబా శంకర్ సినిమాలో ప్యాంట్ మీద ప్యాంట్ వేసుకున్నావ్.. అలా ప్యాంట్ వేస్తే పాతికేళ్ల వయసు తగ్గావ్ ' అంటూ ఆటపట్టించారు. ఆ తర్వాత 'మనిద్దరం మొదటి సారి ఎక్కడ కలిశామో తెలుసా' అని అడిగారు బాలయ్య. దానికి ఇద్దరూ కలిసి దిగిన ఓ ఫొటో చూపించి' నేను కుర్రాడిలా ఉన్నాను కదా' అని అన్నారు. దీనిపై పవన్ స్పందిస్తూ' ఇప్పటికీ అలాగే ఉన్నారని' అని అన్నారు. దీనికి బాలయ్య ప్రేక్షకుల వైపు చూసి కన్ను కొడుతూ నవ్వులు పూయించారు. 'త్రివిక్రమ్ నువ్వు మంచి ఫ్రెండ్స్ కదమ్మా..' అని బాలయ్య అడిగారు. పవన్ 'ఫ్రెండ్స్ అవ్వాల్సి వచ్చింది' అని నవ్వు తెప్పించారు.
బాలయ్య'సరదాగా సాయంత్రం పూట' అని దేని గురించో ప్రశ్న అడిగారు. '4 తర్వాతా లేక 6 తర్వాతా' అని పవన్ చెప్పిన సమాధానం నవ్వు తెప్పించింది. అనంతరం 'రామ్చరణ్కు నీకు క్లోజ్నెస్ ఎలా ఏర్పడింది' అని బాలయ్య అడిగారు. 'అప్పుడు నాకు వీళ్ల డ్యూటీ ఉండేది ' అని పవన్ అన్నారు. 'నాగబాబు ఉన్నాడు కదా మధ్యలో' అన్నారు బాలయ్య. దానికి పవన్'నాగబాబు అప్పుడు నిర్మాతగా ఉన్నారు కాబట్టి.. ఇంట్లో నేనొక్కడినే దొరికిపోయేవాడ్ని' అని అన్నారు. బాలయ్య స్పందిస్తూ 'అలా పిల్లల్తో క్లోజ్ అయ్యావు' అన్నారు. 'క్లోజ్ అవ్వాల్సి వచ్చింది' అని నవ్వుతూ అన్నారు పవన్. ఆ తర్వాత రామ్ చరణ్కు ఫోన్ చేసి 'నీ గుడ్ న్యూస్ మింగేసి అతడి (ప్రభాస్ని ఉద్దేశిస్తూ)గుడ్న్యూస్ చెప్పావు' అని ఇడిగారు. ఆ తర్వాత కొన్వి ఆసక్తికర విషయాలు మాట్లాడారు.
ఆ తర్వాత మెగా అల్లుడు సాయిధరమ్ తేజ్ ఎంట్రీ ఇచ్చారు. లుంగీ కట్టుకుని వచ్చిన సాయి తేజ్ను.. 'పెళ్లికి వచ్చావా' అంటూ అటపట్టించారు బాలకృష్ణ. దానిపై స్పందిస్తూ 'హార్రర్ సినిమాలకు అమ్మాయిలకు తేడా లేదు' అంటూ బాంబు పేల్చారు. ఆ తర్వాత బాలకృష్ణ తొడకొట్టమంటే.. సాయి తేజ్.. బాలయ్య తొడ కొడతా నంటూ వెళ్లి నవ్వులు పూయించారు. ఈ క్రమంలో షో ఇంటెన్సిటీని పెంచూతూ కీలకమైన ప్రశ్న సంధించారు బాలయ్య. 'ఈ పెళ్లిళ్ల గొడవ ఎంటి భయ్యా' అంటూ అడిగేశారు. అంతే ఇంటెన్స్గా 'వాళ్లు బాధ పడతారేమోన్న బాధతో.. నా విజ్ఞత సంస్కారం మాట్లాడకుండా ఆపేస్తాయంటూ.. ' గ్యాప్ ఇచ్చారు పవర్ స్టార్. ఆ తర్వాత 'ఇంత మానసిక సంఘర్షణకు గురైన పవన్ కల్యాణ్.. పవర్ స్టార్ ఎలా అయ్యాడు' అని బాలయ్య ఆసక్తి రేపే ప్రశ్న అడిగారు. దానికి 'అన్నయ్య రూమ్లోకి వెళ్లి.. పిస్టల్ తీసుకుని..' అంటూ ఆపేశారు పవన్. దీంతో షోపై ఆంచనాలు భారీ స్థాయిలో పెరిగిపోయాయి. ఈ ప్రోమో పవన్ కల్యాణ్ ఎపిసోడ్పై ఆసక్తి పెంచుతోంది. కాగా, సీజన్ 2 చివరి ఎపిసోడ్గా పవన్ కల్యాణ్ ఎపిసోడ్ ఉండే అవకాశం ఉందని సమాచారం. ఈ ఎపిసోడ్ ఫిబ్రవరి 3న స్ట్రీమింగ్ కానుంది.
- " class="align-text-top noRightClick twitterSection" data="">
