నేచురల్ స్టార్ నాని, కీర్తి సురేశ్ జంటగా నటిస్తున్న లేటెస్ట్ మూవీ 'దసరా'. ఇప్పటికే టీజర్తో పాటు మూవీ పోస్టర్లతో ఈ సినిమాపై భారీ అంచనాలను పెట్టేసింది మూవీ టీమ్. దీంతో ఫ్యాన్స్ అందరూ ట్రైలర్ అప్డేట్ కోసం ఎంతగానో ఎదురుచూస్తున్న సమయంలో ఓ గుడ్ న్యూస్ చెప్పింది మూవీ టీమ్. ట్రైలర్ రిలీజ్ డేట్ను అనౌన్స్ చేసింది. ఇక హీరో నాని కూడా 'జాతర షురూ' అంటూ ట్రైలర్ అప్డేట్ ఉన్న ఓ పోస్టర్ను తన ట్విట్టర్ ఖాతాలో షేర్ చేశారు.
అందులో రావణాసురుడి భారీ విగ్రహానికి నిప్పంటుకుంటుండగా దాని ఎదుట చేతిలో రెండు గొడ్డళ్లు పట్టుకుని ఊర మాస్ లుక్లో నాని నిల్చుని ఉన్నారు. ఇక అదే పోస్టర్లో ట్రైలర్ మార్చి 14న రిలీజవ్వనున్నట్లు రాసి ఉంది. అయితే ఏ టైమ్లో రిలీజవుతుందో అనే విషయాన్ని మేకర్స్ ఇంకా తెలియజేయలేదు. ఇక ఈ పోస్టర్ను చూసిన అభిమానులు ట్రైలర్ ఎప్పుడెప్పుడు వచ్చేస్తుందా అంటూ ఎదురు చూస్తున్నారు.
-
Jaathara shuru 🔥
— Nani (@NameisNani) March 11, 2023 " class="align-text-top noRightClick twitterSection" data="
Trailer on 14th March. #DasaraOnMarch30 pic.twitter.com/1keRv4zbmT
">Jaathara shuru 🔥
— Nani (@NameisNani) March 11, 2023
Trailer on 14th March. #DasaraOnMarch30 pic.twitter.com/1keRv4zbmTJaathara shuru 🔥
— Nani (@NameisNani) March 11, 2023
Trailer on 14th March. #DasaraOnMarch30 pic.twitter.com/1keRv4zbmT
ప్రస్తుతం ఈ సినిమా ప్రమోషన్లలో బిజీగా ఉన్నారు నేచురల్ స్టార్ నాని. ఇది ఆయన మొదటి పాన్ ఇండియా సినిమా కావడం వల్ల అభిమానుల్లో భారీ అంచనాలు పెరిగిపోయాయి. ఆయన కూడా సినిమా ప్రమోషన్లను దగ్గరుండి చూసుకుంటూ ఇటు సౌత్తో పాటు అటు నార్త్లోనూ పలు ఇంటర్వ్యూలు ఇస్తూ మంచి క్రేజ్ సంపాదించుకున్నారు. ఇక సినిమాలోని పాటలు కూడా నెట్టింట తెగ వైరలవుతున్నాయి. ఇప్పటి వరకు రిలీజైన మూడు పాటలకు మ్యూజిక్ లవర్స్ నుంచి మంచి రెస్పాన్స్ వస్తోంది. టీజర్ అయితే మరో లెవెల్లో ఉంది. వీటన్నింటి వల్ల ఈ సినిమాకు మరింత హైప్ పెరిగింది.
ఇక సినిమా విషయానికి వస్తే.. కొత్త డైరెక్టర్ శ్రీకాంత్ ఓదెల దర్శకత్వంలో తెరకెక్కుతోంది. పాన్ ఇండియా లెవెల్లో రిలీజయ్యేందుకు సిద్ధంగా ఉన్న ఈ సినిమాలో నేచురల్ స్టార్ నాని సరసన కీర్తి సురేష్‌ నటిస్తున్నారు. కాగా మరో కీలక పాత్రలో కన్నడ నటుడు దీక్షిత్ శెట్టి నటించారు. ఇక తమిళ స్టార్ సముద్రఖనితో పాటు సాయి కుమార్, జరీనా వహాబ్లు కీలక పాత్రలు పోషించారు. శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి నిర్మిస్తున్న ఈ సినిమాకు సంతోష్ నారాయణ్ మ్యూజిక్ అందించగా.. తెలుగు, తమిళం, కన్నడ, మలయాళం, హిందీ భాషల్లో మార్చి 30న విడుదల కానుంది.
