Shyamsingha roy Oscar nominations నేచురల్స్టార్ నాని ఓ అరుదైన ఘనత సాధించేందుకు కాస్త దూరంలో ఉన్నారు. రాహుల్ సాంకృత్యాన్ దర్శకత్వంలో సాయిపల్లవితో కలిసి నటించిన సినిమా శ్యామ్సింగరాయ్. గతేడాది విడుదలైన ఈ చిత్రం భారీ విజయాన్ని అందుకుంది. ముఖ్యంగా సాయిపల్లవి నటన, గెటప్కు అభిమానులు మరింత ఫిదా అయ్యారు.
అయితే తాజగా అందుతున్న సమాచారం ప్రకారం ఈ సినిమా ఆస్కార్ నామినేషన్ రేసులో ఉందంటూ వార్తలు వస్తున్నాయి. మూడు విభాగాల్లో ఈ సినిమాను నామినేట్ చేసినట్లు తెలుస్తోంది. క్లాసికల్ కల్చరల్ డ్యాన్స్, పీరియాడిక్ ఫిల్మ్, బ్యాక్ గ్రౌండ్ స్కోర్.. మూడు విభాగాల్లో ఈ సినిమా ఎంపిక అయ్యిందని సమాచారం.
దీంతో ఈ సినిమా మరోసారి సోషల్ మీడియాలో ట్రెండ్గా మారింది. ఈ మూడు విభాగాల్లో ఏదో ఒక విభాగానికైనా అవార్డు వచ్చిందా.. టాలీవుడ్ ఖ్యాతి మరో మెట్టు ఎక్కుతుందని అభిమానులు ఆశిస్తున్నారు. నాని, సాయిపల్లవికి కంగ్రాట్స్, ఆల్ ది బెస్ట్ అంటూ కామెంట్స్ పెడుతున్నారు. సినిమాకు అవార్డు రావాలని కోరుకుంటున్నారు. ఇటీవలే ఆస్కార్ బరిలో ఎన్టీఆర్ నిలిచినట్లు కూడా వార్తలు వచ్చాయి. 'ఆర్ఆర్ఆర్'లో ఆయన నటనకుగాను ఉత్తమ నటుడు అవార్డు దక్కే అవకాశాలు ఉన్నాయంటూ ప్రచారం సాగింది. కాగా, నాని ప్రస్తుతం 'దసరా' సినిమాలో నటిస్తున్నారు.
ఇదీ చూడండి: ఆ ఆదివాసి నటికి 50ఏళ్ల తర్వాత ఆస్కార్ క్షమాపణ, ఏం జరిగిందంటే
