Nani Maruti new movie: నేచురల్ స్టార్ నాని వరుస సినిమాలు చేసుకుంటూ కెరీర్లో ముందుకెళ్తున్నారు. ఇటీవలే 'అంటే సుందరానికీ' చిత్రంతో ప్రేక్షకులను పలకరించారాయన. ఈ మూవీ మిశ్రమ స్పందనలను అందుకుంది. అయితే ఇప్పుడాయన మరో దర్శకుడిని లైన్లో పెట్టినట్లు తెలిసింది. తనకు గతంలో సూపర్హిట్ అందించిన మారుతీతో ఓ చిత్రం చేసేందుకు గ్రీన్సిగ్నల్ ఇచ్చారట. ఇటీవలే వీరిద్దరి మధ్య కథా చర్చలు జరిగాయని, స్టోరీ బాగుండటం వల్ల నాని పచ్చజెండా ఊపేశారని టాక్ వినిపిస్తోంది.
గతంలో వీరిద్దరి కాంబోలో వచ్చి 'భలే భలే మగాడివోయ్' సూపర్ హిట్గా నిలిచింది. 2015లో వచ్చిన ఈ చిత్రం ఫ్యామిలీ ఆడియెన్స్ను విపరీతంగా ఆకట్టుకోవడం సహా బాక్సాఫీస్ వద్ద మంచి వసూళ్లను అందుకుంది. నిజానికి ఈ చిత్రంతోనే నానికి మరింత పాపులారిటీ వచ్చింది. అందుకే తనకు ఇలాంటి మంచి హిట్ ఇచ్చిన మారుతీతో మరో మూవీ చేసేందుకు నేచురల్ స్టార్ సిద్ధమయ్యారు.
అయితే మారుతి ఈ చిత్రాన్ని త్వరలోనే ప్రారంభించాలని అనుకుంటున్నారని సమాచారం. ప్రభాస్తో ఆయన చేయాల్సిన మూవీ సెట్స్పైకి వెళ్లడానికి ఆలస్యం అవ్వనున్న నేపథ్యంలో ఈ గ్యాప్లో దీన్ని పూర్తి చేయాలని అనుకుంటున్నారట. ఇక ఆయన దర్శక్వంలో గోపిచంద్ హీరోగా తెరకెక్కిన 'పక్కా కమర్షియల్' రిలీజ్కు సిద్ధమైంది. మరోవైపు నాని.. ప్రస్తుతం 'దసరా' చిత్రంతో బిజీగా ఉన్నారు.
ఇదీ చూడండి: Heroines: అందమైన భామలు.. అదిరిపోయే యోగాసనాలు
