Balakrishna surgey: నందమూరి బాలకృష్ణ ప్రస్తుతం వరుస సినిమాలతో బిజీగా ఉన్నారు. గోపిచంద్ మలినేని దర్శకత్వంలో ఓ యాక్షన్ ఫిల్మ్ చేస్తున్న ఆయన త్వరలోనే ఫన్ డైరెక్టర్ అనిల్ రావిపూడితో ఓ చిత్రం చేయనున్నారు. అయితే ఇటీవలే భుజానికి శస్త్రచికిత్స చేయించుకున్న ఆయనకు తాజాగా మరో శస్త్రచికిత్స నిర్వహించినట్లు ప్రస్తుతం జోరుగా ప్రచారం సాగుతోంది. దీనికి సంబంధించిన ఫొటో కూడా నెట్టింట్లో వైరల్గా మారింది. గత కొద్ది రోజులుగా బాలయ్య మోకాలి నొప్పితో బాధపడుతున్నారని, అందుకే సర్జరీ కూడా చేయించుకున్నారని కథనాలు వస్తున్నాయి. అయితే ఈ వార్తలో ఎటువంటి నిజం లేదని ఆయన ప్రతినిధులు తెలిపారు. ఆయన కేవలం రెగ్యులర్ చెకప్ కోసం మాత్రమే హాస్పిటల్కు వెళ్లారని చెప్పారు. మంగళవారం ఆయన సారథి స్టూడియోస్లో గోపిచంద్ మలినేనితో చేస్తున్న సినిమా షూటింగ్లో పాల్గొన్నట్లు వెల్లడించారు. అవాస్తవాలను ప్రచారం చేయొద్దని కోరారు.
కాగా, మైత్రీ మూవీ మేకర్స్‌ పతాకంపై యాక్షన్ ఎంటర్టైన్మెంట్గా గోపిచంద్-బాలయ్య సినిమా తెరకెక్కుతోంది. నవీన్‌ యెర్నేని, వై.రవిశంకర్‌ నిర్మాతలు. శ్రుతిహాసన్‌ కథానాయిక. వరలక్ష్మీ శరత్కుమార్ కీలక పాత్ర పోషించగా.. కన్నడ నటుడు దునియా విజయ్ ప్రతినాయకుడిగా కనిపించనున్నారు.
ఇదీ చూడండి: అప్పుడు అవమానం జరిగింది.. చాలా బాధ పడ్డా: చిరు
