Music Director Tweet: 'ఆర్ఆర్ఆర్' సినిమా తర్వాత.. డైరెక్టర్ శంకర్ దర్శకత్వంలో హీరో రామ్చరణ్ నటిస్తున్న 'RC 15' చిత్రంపై అంచనాలు భారీగా ఉన్నాయి. మెగా అభిమానులు ఈ చిత్రం కోసం ఎంతగానో ఎదురుచూస్తున్నారు. ప్రస్తుతం శరవేగంగా చిత్రీకరణ జరుపుకుంటున్న ఈ సినిమాలో కియారా హీరోయిన్గా నటిస్తున్నారు.
అయితే గత కొద్దిరోజులుగా 'RC 15' సినిమా విడుదలపై పలు రూమర్స్ వైరల్ అవుతున్నాయి. ఈ నేపథ్యంలో 'RC 15' మూవీకి బాణీలు అందిస్తున్న తమన్.. ట్విట్టర్ వేదికగా ఇంట్రెస్టింగ్ పిక్ షేర్ చేశారు. మ్యూజిక్ రికార్డింగ్లో భాగంగా రామ్ చరణ్తో కలిసి ఉన్న ఫొటోను ట్వీట్ చేశారు. ''RC 15'లో భాగంగా నా సోదరుడు రామ్చరణ్తో కలిసి పనిచేశాను. ఇదొక అద్భుతమైన రోజు. అలాగే 'గాడ్ ఫాదర్' అక్టోబర్ 5న వచ్చేస్తున్నాడు' అంటూ రాసుకొచ్చారు. ఒక్క ట్వీట్తో తమన్ రెండు సినిమాల అప్డేట్స్ ఇవ్వడంతో మెగా ఫ్యాన్స్ ఫుల్ ఖుషీ అవుతున్నారు.
డైరెక్టర్ శంకర్ తెరకెక్కిస్తున్న 'RC 15' రాజకీయ నేపథ్యంలో తెరకెక్కుతున్నట్లుగా తెలుస్తోంది. ఇందులో చరణ్ ద్విపాత్రాభినయం చేయనున్నారని టాక్ వినిపిస్తోంది. శ్రీవెంకటేశ్వర బ్యానర్పై దిల్రాజు ఈ చిత్రాన్ని నిర్మిస్తున్నారు. ఈ సినిమా తర్వాత చెర్రీ.. డైరెక్టర్లు ప్రశాంత్ నీల్, గౌతమ్ తిన్ననూరితో ప్రాజెక్ట్స్ చేయనున్నట్లు సమాచారం.
ఇవీ చదవండి: 'ఆ సినిమా వల్ల భారీగా నష్టపోయా.. ఆరేళ్ల పాటు చొక్కా కూడా కొనకుండా అప్పులు తీర్చా'
త్వరలో పెళ్లి పీటలెక్కనున్న తెలుగు అందం! స్టార్ డైరెక్టర్తో ఏడడుగులు!!
