Telugu Best 7 Movies to Watch on Hotstar : ఇప్పుడంతా ఓటీటీల ట్రెండ్ నడుస్తోంది. కొత్త, పాత అనే తేడాలేకుండా సినిమాలన్నీ ఓటీటీ(OTT) ట్రాక్ ఎక్కేస్తున్నాయి. ఒకప్పుడు ప్రేక్షకులను అలరించిన చిత్రాలు కూడా.. ఇప్పుడు ఓటీటీ వేదికగా సత్తా చాటుతున్నాయి. అలంటి వాటిలో టాప్లో ఉన్న ఒక 7 చిత్రాలను ఇప్పుడు చూద్దాం.
1. కంచె (2015) : మెగా ప్రిన్స్ వరుణ్తేజ్, ప్రగ్యా జైస్వాల్ హీరో హీరోయిన్స్గా తెరకెక్కిన సినిమా కంచె. ఇందులో రెండు కథలు పారలాల్గా సాగుతుంటాయి. ఓవైపు సెకండ్ వరల్డ్ వార్.. మరోవైపు గ్రామాల్లోని సామాజిక కట్టుబాట్లను సమన్వయం చేస్తూ చూపించాడు దర్శకుడు. మనుషులంతా ఒక్కటే అనే నేపథ్యంతో సాగిన ఈ చిత్రం.. థియేటర్లో మంచి విజయం సాధించింది. ఈ చిత్రం.. ఓటీటీలో సైతం జనాలను అలరిస్తోంది. లక్షలాదిగా ప్రేక్షకులు వీక్షించారు. చూస్తూనే ఉన్నారు.
2. ఆనంద్ (2004) : ఇది నిజంగా మంచి కాఫీలాంటి చిత్రమే. తన కుటుంబం వల్ల రూప (కమలినీ ముఖర్జీ)కు కలిగిన ఇబ్బంది కారణంగా.. ఆమెకు దగ్గరై ఆమెను ప్రేమిస్తుంటాడు ఆనంద్(రాజా). ఈ క్రమంలో వారి మధ్య సాగే సన్నివేశాలు అలరిస్తాయి. తెలుగులో వచ్చిన ఫీల్ గుడ్ మూవీస్లో "ఆనంద్" తప్పకుండా ఉంటుంది. ఇప్పటికీ క్లాసిక్ మూవీగా అలరిస్తూనే ఉంది.
3. మీకు మాత్రమే చెప్తా (2019) : "మీకు మాత్రమే చెప్తా" ఇదొక రొమాంటిక్ కామెడీ చిత్రం. ఈ సినిమాలో తరుణ్ భాస్కర్, వాణి భోజన్ ప్రధాన పాత్రల్లో నటించారు. అప్పటికే వివాహమైన మహిళతో ప్రేమలో పడే యువకుడి కథే ఈ చిత్రం. దర్శకుడు తనదైన రీతిలో చిత్రాన్ని తెరకెక్కించాడు. థియేటర్లో కన్నా.. ఓటీటీలో ఈ మూవీకి ఆదరణ పెరిగింది.
4. ప్రతి రోజూ పండగే (2019) : ఈ ఆధునిక జీవితంలో అందరూ కెరియర్ మీద ఫోకస్ చేస్తూ.. కుటుంబ బాంధవ్యాలను గాలికి వదిలేస్తున్నారని చెప్పే చిత్రమిది. ఇలాంటి ఓ కుటుంబాన్ని నిలబెట్టడానికి ప్రయత్నిస్తాడు కథానాయకుడు. సాయి ధరమ్ తేజ్ హీరోగా తెరకెక్కిన ఈ చిత్రం.. చక్కటి కుటుంబ కథా చిత్రంగా మిగిలిపోయింది.
5. ఉయ్యాల జంపాలా (2013) : నిత్యం గిల్లికజ్జాలతో పోట్లాడుకునే చిన్ననాటి స్నేహితులు.. చివరకు ప్రేమికులుగా ఒక్కటయ్యే చిత్రమిది. రాజ్తరుణ్, అవికాగోర్ హీరో హీరోయిన్లుగా చక్కటి నటనను కనబరిచారు. ఈ చిత్రం చూస్తే.. అందరికీ ఫస్ట్ లవ్ గుర్తుకు వస్తుందంటే అతిశయోక్తి కాదు. ఎప్పటికీ ఈ చిత్రం అలరిస్తూనే ఉంటుంది.
6. ఆరెంజ్ (2010) : ప్రేమకథా చిత్రాల్లో సరికొత్త ట్రెండ్ క్రియేట్ చేసిన చిత్రం ఆరెంజ్. ప్రేమ అనేది ఎప్పుడూ ఒకేవిధంగా ఉండదు.. కాలం గడిచిపోతున్న కొద్దీ.. ప్రేమ తరిగిపోతుంది అన్నదే ఈ సినిమా కాన్సెప్ట్. దీనివల్ల అనివార్యంగా జంటలు కలిసి కాపురం చేస్తాయి తప్ప, మునపటి ప్రేమ ఉండదు అని చెప్పాడు దర్శకుడు. అప్పటి వరకూ ప్రేమంటే ప్రాణం అనే చిత్రాలు చూసి ప్రేక్షకులకు ఈ కాన్సెప్ట్ రుచించలేదు. అందుకే.. థియేటర్లో ఫ్లాప్ అయ్యింది. కానీ.. మారిన కాల పరిస్థితుల ప్రభావమో ఏమోకానీ.. ఓటీటీటీలో తెగ చూసేస్తున్నారు.
7. నువ్వా నేనా (2012) : ఇదొక రొమాంటిక్ కామెడీ చిత్రం. అల్లరి నరేష్, శర్వానంద్, శ్రియా శరణ్ ప్రధాన పాత్రలలో నటించారు. హీరోయిన్ను ఆకట్టుకునేందుకు హీరోలిద్దరూ వేసే వేశాలు అలరిస్తాయి. మరి, ఈ చిత్రాలు మీరు చూశారా..? ఏదైనా చిత్రం చూడలేదు అనుకుంటే.. అవకాశం ఉంటే చూసేయండి.
September OTT Movies : సెప్టెంబర్లో సినిమాల సందడి.. ఇందులో మీ ఫెవరెట్ మూవీ ఉందా ?
