Most Anticipated Indian Movies of 2023 : సినీ ఇండస్ట్రీలో రోజుకో కొత్త సినిమా రూపుదిద్దుకుంటుంది. అగ్ర తారల నుంచి అప్కమింగ్ స్టార్స్ వరకూ అందరూ తమ సినిమాలతో థియేటర్లలో సందడి చేస్తుంటారు. అయితే అందులో కొన్ని మాత్రమే ఆడియెన్స్ అంచనాలను మ్యాచ్ చేయగా.. మరికొన్ని మాత్రం బాక్సాఫీస్ వద్ద నిరాశగానే మిగులుతున్నాయి. అయినప్పటికీ సినీతారలు ఏ మాత్రం తగ్గకుండా వరుస సినిమాలతో అభిమానుల ముందుకొస్తున్నారు. రావడమే కాకుండా హిట్ టాక్ అందుకుని దూసుకెళ్తున్నారు. అలా గతేడాది వచ్చిన 'కాంతార', 'ఆర్ఆర్ఆర్' నుంచి ఈ ఏడాది వచ్చిన 'జైలర్' వరకు అన్ని సినిమాలు సెన్సేషన్ క్రియేట్ చేసినవే. ఈ క్రమంలో ఇప్పుడు మరిన్ని సినిమాలు ప్రేక్షకులను అలరించేందుకు సిద్ధంగా ఉన్నాయి. అవేంటో ఓ సారి చూసేద్దామా..
కొత్త దర్శకుడితో 'కోథా' రాజు..
King Of Kotha Release Date : 'సీతారామం' సినిమాలో రామ్ అనే సాప్ట్ క్యారెక్టర్తో ఆడియెన్స్ను ఆకట్టుకున్న మలయాళ స్టార్ దుల్కర్ సల్మాన్.. తాజాగా యాక్షన్లోకి దిగిపోయారు. 'కింగ్ ఆఫ్ కోథా' అనే సినిమాలో ఆయన ఓ గ్యాంగ్స్టర్ కొడుకుగా కనిపించనున్నారు. అభిలాష్ జోషీ అనే కొత్త దర్శకుడు ఈ సినిమా ద్వారా ఇండస్ట్రీలోకి ఎంట్రీ ఇవ్వనున్నారు. కమర్షియల్ ఎంటర్టైనర్గా తెరకెక్కనున్న ఈ సినిమా ఆగస్ట్ 24న థియేటర్లలో విడుదల కానుంది.
- " class="align-text-top noRightClick twitterSection" data="">
'టోబీ'.. ఆద్యంతం ఆసక్తికరం..
Toby Release Date : కన్నడ స్టార్ రాజ్ బి శెట్టి నటించిన లేటెస్ట్ మూవీ 'టోబీ'. 'గరుడ గమన వృషభ వాహన', '777 చార్లి' లాంటి సినిమాలతో మంచి గుర్తింపు పొందిన కన్నడ నటుడు రాజ్ బి. శెట్టి ఈ సినిమాలో లీడ్ పాత్రలో కనిపించారు. అంతే కాకుండా ఈ సినిమాకు ఆయన సహా రచయితగా కూడా పని చేశారు. బసిల్‌ దర్శకత్వం వహించిన ఈ సినిమా ఆగస్టు 25న విడుదల కానుంది. గోపాలకృష్ణ దేశ్‌పాండే, రాజ్ దీపక్‌ శెట్టి, సంయుక్త హర్నాడ్‌ ఈ సినిమాలో కీలక పాత్రలు పోషించగా.. తాజాగా విడుదలైన టీజర్ కూడా సోషల్ మీడియాలో సెన్సేషన్ సృష్టిస్తూ ఆద్యంతం ఆకట్టుకుంది.
- " class="align-text-top noRightClick twitterSection" data="">
'జవాన్'.. అక్కడ -ఇక్కడ..
Jawan Release Date : 'పఠాన్' సినిమాతో యావత్ ఇండియాను షేక్ చేసిన బాలీవుడ్ బాద్షా షారుక్ ఖాన్.. ఇప్పుడు 'జవాన్'గా ఆడియెన్స్ ముందుకు రానున్నారు. తమిళ దర్శకుడు అట్లీ తెరకెక్కిస్తున్న ఈ యాక్షన్ ఎంటర్టైనర్లో నయనతార , విజయ్‌ సేతుపతి, ప్రియమణి లాంటి స్టార్స్ కీలక పాత్రలు పోషిస్తున్నారు. తాజాగా విడుదలైన హిందీ ప్రివ్యూ కూడా మంచి క్రేజ్ సంపాదించుకోగా..ఈ సినిమా సెప్టెంబర్ 10న పాన్ ఇండియా లెవెల్లో ప్రేక్షకుల ముందుకు రానుంది.
- " class="align-text-top noRightClick twitterSection" data="">
డార్లింగ్ ఫ్యాన్స్కు నీల్ ట్రీట్..
Salaar Release Date : పాన్ ఇండియా స్టార్ ప్రభాస్ ప్రస్తుతం వరుస సినిమాలతో బిజీగా ఉన్నారు. ఈ క్రమంలో పలు భారీ ప్రాజెక్ట్స్కు సైన్ చేసిన ఆయన త్వరలో 'సలార్' అనే యాక్షన్ థ్రిల్లర్‌ మువీతో ఆడియెన్స్ను పలకరించనున్నారు. 'కేజీయఫ్' దర్శకుడు ప్రశాంత్ నీల్ తెరకెక్కిస్తున్న ఈ సినిమాలో ప్రభాస్ సరసన శ్రుతి హాసన్ నటిస్తుండగా.. పృథ్వీరాజ్ సుకుమారన్, జగపతి బాబు, మధు గురుస్వామి, ఈశ్వరీ రావు, శ్రీయా రెడ్డి, రామచంద్రరాజు, టీను ఆనంద్ లాంటి స్టార్స్ కీలక పాత్రలు పోషిస్తున్నారు. రవి బస్రూర్ ఈ సినిమాకు సంగీతాన్ని అందిస్తున్నారు. హోంబలే ఫిలింస్‌ పతాకంపై తెరకెక్కుతున్న ఈ సినిమా సెప్టెంబర్ 28న పాన్ ఇండియా లెవెల్లో గ్రాండ్గా రిలీజ్ కానుంది.
- " class="align-text-top noRightClick twitterSection" data="">
యాక్షన్ కింగ్తో దళపతి ఫైట్..
Leo Release Date : తమిళ స్టార్ హీరో దళపతి విజయ్‌ లీడ్ రోల్లో తెరకెక్కుతున్న లేటెస్ట్ మూవీ 'లియో'. లోకేశ్ కనగరాజ్ దర్శకత్వంలో రూపొందుతున్న ఈ యాక్షన్ థ్రిల్లర్‌ మూవీలో యాక్షన్ కింగ్ అర్జున్, బాలీవుడ్ స్టార్ సంజయ్ దత్, ప్రియా ఆనంద్, మన్సూర్ అలీఖాన్‌, మలయాళ నటి శాంతి మాయాదేవి, గౌతమ్ వాసు దేవ్‌మీనన్‌, మాథ్యూ థామస్‌, మిస్కిన్‌, సాండీ ఇతర కీలక పాత్రల్లో నటిస్తున్నారు. యాక్షన్ జానర్‌లో రూపొందుతున్న ఈ సినిమా దసరా సందర్భంగా అక్టోబర్ 19న వరల్డ్ వైడ్గా థియేటర్లలో గ్రాండ్గా రిలీజ్ కానుంది.
- " class="align-text-top noRightClick twitterSection" data="">
రవితేజకు ఇది ఫస్ట్ టైం..
Tiger Nageswara Rao Release Date : ఇటీవలే విడుదలైన 'రావణాసుర'లో విలన్ షేడ్స్ ఉన్న పాత్ర పోషించి అందరినీ మెప్పించారు మాస్ మహారాజ రవితేజ. ఇప్పుడు ఆయన 'టైగర్ నాగేశ్వరరావు'గా వెండితెరపై కనిపించేందుకు సిద్ధమౌతున్నారు. ఆయన కెరీర్లో ఇదే తొలి బయోపిక్‌. 70స్లో పేరు మోసిన స్టూవర్ట్‌పురం గజదొంగ టైగర్ నాగేశ్వరరావు జీవితకథగా రూపొందుతున్న ఈ సినిమా అక్టోబర్ 20న థియేటర్లలో సందడి చేయనుంది.
'టైగర్'లో ఆయన ఇంపార్టెంట్ గురూ..
Tiger 3 Release Date : 'కిసీ కా భాయ్ కిసీకి జాన్' సినిమాతో ఆడియెన్స్ ముందుకొచ్చిన బాలీవుడ్ కండల వీరుడు సల్మాన్ ఖాన్.. త్వరలో 'టైగర్ 3' సినిమాతో థియేటర్లలో సందడి చేయనున్నారు. మనీశ్ శర్మ దర్శకత్వం వహిస్తున్న ఈ సినిమాలో కత్రినా కైఫ్, ఇమ్రాన్ హష్మీ కీలక పాత్రలు పోషిస్తున్నారు. ఇక ఈ సినిమాలో షారుక్ ఖాన్ కూడా ఓ కీ రోల్లో కనిపించనున్నారని టాక్. భారీ అంచనాలతో తెరకెక్కుతున్న ఈ సినిమా నవంబర్ 10న విడుదలకు సిద్ధం కానుంది.
- " class="align-text-top noRightClick twitterSection" data="">
బీస్ట్ మోడ్లో రణ్బీర్ కపూర్
Animal Movie Release Date : టాలీవుడ్ దర్శకుడు సందీప్ రెడ్డి వంగా బాలీవుడ్లో తెరకెక్కిస్తున్న తాజా చిత్రం 'అనిమల్'. రణ్బీర్ కపూర్ లీడ్ రోల్లో రూపొందుతున్న ఈ సినిమాలో రష్మిక మందన్న , అనిల్ కపూర్, బాబీ డియోల్‌ కీలక పాత్రలు పోషించారు. క్రైమ్ అండ్ యాక్షన్ థ్రిల్లర్‌గా రానున్న ఈ సినిమా డిసెంబర్ 1న పాన్ ఇండియా లెవెల్లో రిలీజయ్యేందుకు రెడీ అవుతోంది.
'కెప్టెన్ మిల్లర్' వచ్చేస్తున్నారు..
Captain Miller Release Date : కోలీవుడ్ స్టార్ హీరో ధనూశ్ ఇటీవలే 'సార్' సినిమాతో ప్రేక్షకులను అలరించారు. భారీ అంచనాల నడుమ తెరకెక్కిన ఈ సినిమా బాక్సాఫీస్ ముందు కాసుల వర్షం కురిపించింది. ఇక ఈ మూవీ తర్వాత వరుస సినిమాలతో బిజీగా ఉన్న ఈ స్టార్ హీరో.. తాజాగా 'కెప్టెన్ మిల్లర్'గా తెరపై కనిపించనున్నారు. జి.శరవణన్‌, సాయి సిద్ధార్థ్‌ నిర్మిస్తున్న ఈ సినిమాకు అరుణ్‌ మాథేశ్వరన్‌ దర్శకత్వం వహిస్తున్నారు. ఇక ఈ సినిమాలో ధనుశ్ సరసన ప్రియాంక అరుల్‌ మోహన్‌ నటిస్తుండగా.. సందీప్ కిషన్‌, శివరాజ్‌ కుమార్ కీలక పాత్రలు పోషిస్తున్నారు. పాన్ ఇండియా లెవెల్లో తెరకెక్కుతున్న ఈ సినిమా డిసెంబర్ 15న థియేటర్లలోకి రానుంది.
ఆ స్టార్ హీరోయిన్తో షారుక్..
Dunki Release Date : 'జవాన్'తో ఈ ఏడాది సెప్టెంబర్లో ప్రేక్షకుల ముందుకు రానున్న స్టార్ హీరో షారుక్ ఖాన్.. మరోసారి తన సినిమాతో థియేటర్లలో సందడి చేసేందుకు సిద్ధమౌతున్నారు. రాజ్ కుమార్ హిరాణీ దర్శకత్వంలో తెరకెక్కుతున్న 'డుంకీ' అనే సినిమాలో తాప్సీ సరసన నటిస్తున్నారు. భారీ అంచనాల నడుమ ఈ డిసెంబర్ 22న విడుదలకు సిద్ధం కానుంది.
'సైంధవ్'గా రానున్న వెంకీ మామ..
Saindhav Movie Release Date : టాలీవుడ్ స్టార్ హీరో విక్టరీ వెంకటేశ్‌ లీడ్ రోల్లో నటిస్తున్న తాజా చిత్రం 'సైంధవ్'. శ్రద్ధా శ్రీనాథ్, రుహానీ శర్మ, ఆండ్రియా జెర్మియా లాంటి స్టార్స్ కీలక పాత్రలు పోషిస్తున్న ఈ సినిమా డిసెంబర్ 23 థియేటర్లలో రిలీజ్ కానుంది.
ప్రభాస్ 'సలార్'కు పోటీగా మరో సంచలన దర్శకుడి మూవీ కన్ఫామ్.. సెన్సేషన్ అవుతుందా?
