మెగాస్టార్ చిరంజీవి వరుస సినిమాలతో దూసుకెళ్తున్నారు. ఇప్పటికే ఈ ఏడాది ఆచార్య, గాడ్ ఫాదర్ చిత్రాలతో ఆయన సందడి చేశారు. ఇదే వరుసలో ఆయన నటిస్తున్న మరో చిత్రం 'వాల్తేరు వీరయ్య'. ఇదివరకే విడుదలైన ఫస్ట్లుక్ పోస్టర్, టీజర్‌తో సినిమా అంచనాలు భారీగా పెరిగాయి. ఇక బాస్ పార్టీ సాంగ్తో ఫ్యాన్స్ పండగ చేసుకుంటున్నారు. తాజాగా ఈ సినిమా నుంచి 'భగ భగ భగ మండే.. మగ మగ మగ మగాడు వీడే..' అంటూ సాగే టైటిల్ సాంగ్ విడుదలైంది. ఇంటెన్స్ మ్యూజిక్, పవర్ ఫుల్ బీజీఎమ్తో ఉన్న ఈ పాట ఫ్యాన్స్ ఉర్రూతలూగిస్తోంది. ఈ పాటను అనురాగ్ కురకర్ణి చాలా అద్భతంగా పాడారు. హీరో క్యారక్టర్ను ఎలివేట్ చేసే విధంగా ఉంది ఈ పాట.
అయితే దీని కంటే ముందు మెగాస్టార్ చింరజీవి ఫొటోను చిత్ర యూనిట్ విడుదల చేసింది. చిరు గ్యాంగ్ లీడర్ సినిమాలోని ఓ మాస్ లుక్లో ఉన్న ఫొటోను అచ్చం అలాగే రీక్రియేట్ చేశారు. దీంతో వింటేజ్ చిరంజీవి వాల్తేరు వీరయ్యలో మల్లీ కనిపిస్తారని ఫ్యాన్స్ ఫుల్ ఖుషీ అవుతున్నారు.
ఇక, ఈ చిత్రంలో చిరంజీవి తమ్ముడి పాత్రలో మాస్ మహారాజా రవితేజ నటిస్తున్నారు. శ్రుతి హాసన్ హీరోయిన్. వైజాగ్ బ్యాక్ డ్రాప్‌తో తెరకెక్కుతున్న ఈ చిత్రాన్ని మైత్రీ మూవీ మేక‌ర్స్ బ్యాన‌ర్ నిర్మిస్తోంది. మెగా ఫ్యాన్స్‌తో పాటు సినీ ప్రేక్షకులు మెచ్చేలా దర్శకుడు బాబీ సినిమాను రూపొందిస్తున్నారు. సంక్రాంతి సందర్భంగా జనవరి 13న 'వాల్తేరు వీరయ్య' రిలీజ్ కానుంది.
- " class="align-text-top noRightClick twitterSection" data="">
