Mangalavaram teaser : 'ఆర్ఎక్స్100' కాంబో దర్శకుడు అజయ్ భూపతి-హీరోయిన్ పాయల్ రాజ్పుత్ కలిసి చేస్తున్న తాజా చిత్రం 'మంగళవారం'. ఇప్పటికే టైటిల్ అండ్ ఫస్ట్ లుక్ పోస్ట్తో సినిమాపై ఆసక్తిని రేకెత్తించిన మూవీటీమ్.. ఇప్పుడు తాజాగా 'ఫియర్ ఇన్ ఐస్' కళ్లలో భయం అనే పేరుతో టీజర్ను రిలీజ్ చేసి ఆ ఆసక్తిని మరింత పెంచేసింది.
ఈ టీజర్ ఆద్యంతం చాలా ఆసక్తిగా, ఉత్కంఠభరితంగా కొనసాగింది. పొలాల మధ్య సీతాకోకచిలుకలు గుండ్రంగా ఎగరడంతో ప్రారంభమైన ఈ ప్రచార చిత్రంలో మొదటగా ఓ అమ్మవారి ఆలయాన్ని చూపించారు. దాంతో పాటే టీజర్ ప్రతి షాట్లోనూ అందరి కళ్లనే హైలైట్ చేస్తూ వారందరూ భయంతో పైకి చూస్తున్నట్లుగా చూపించారు. మధ్య మధ్యలో పాయల్కు సంబంధించిన కొన్ని ప్రత్యేక షాట్స్ను చూపించి సస్పెన్స్ క్రియేట్ చేశారు. అందులో ఆమెను బోల్డ్ అండ్ సీరియస్, ఎమోషనల్గా చూపించారు. అయితే ఆమె పాత్ర ఏంటనేది రివీల్ చేయకుండా సస్పెన్స్లో పెట్టారు.
ఇంకా ఈ ప్రచార చిత్రంలో ఎవరో ఓ వ్యక్తి ముఖానికి అమ్మవారి మాస్క్ వేసుకుని ఉన్నట్లు రెండు మూడు షాట్లో చూపించడం చాలా ఆసక్తిగా ఉంది. ఈ పాత్ర చుట్టే కథ తిరుగుతుందేమో అనిపిస్తోంది. చివరికి కూడా అమ్మవారి విగ్రహాన్ని, మాస్క్ను మరోసారి చూపించి ప్రచార చిత్రాన్ని ముగించారు. కానీ ఆ వ్యక్తి ఎవరనేది మాత్రం అస్సలు రివీల్ చేయలేదు. అలానే ప్రారంభంలో గుంపుగా ఉన్న సీతాకోకా చిలుకలను చూపించగా.. చివర్లో ముగించేటప్పుడు కూడా బ్యాక్గ్రౌండ్లో ఓ పెద్ద సీతాకోక చిలుక పోస్టర్ను చూపించారు.
అయితే ఈ టీజర్ మొత్తం ఒక ఎత్తైతే.. 'కాంతార' ఫేమ్ బి అజనీశ్ లోక్నాథ్ అందించిన బ్యాక్గ్రౌండ్ మ్యూజిక్ మరో ఎత్తు. అదే ఈ ప్రచార చిత్రానికి హైలైట్గా నిలిచింది. ఈ బ్యాక్గ్రౌండ్ స్కోర్ వింటుంటే గూస్బంప్స్ వచ్చేలా ఉన్నాయి. అదో తెలియని ఉత్కంఠత, భయాన్ని పుట్టిస్తోంది. మొత్తంగా కథను రివీల్ చేయలేదు కానీ.. ఈ చిత్రం విలేజ్ బ్యాక్గ్రౌండ్లో సాగే ఓ సస్పెన్స్ యాక్షన్ థ్రిల్లర్ అని మూవీటీమ్ అంటోంది.
'ఆర్ఎక్స్100', 'మహా సముద్రం' సినిమాల తర్వాత మూడో చిత్రంగా ఈ 'మంగళవారం'ని తెరకెక్కిస్తున్నారు డైరెక్టర్ అజయ్ భూపతి. 'ఆర్ఎక్స్100' సూపర్ హిట్ అవ్వగా.. 'మహా సముద్రం' ఆకట్టుకోలేకపోయింది. ఇక ఈ మంగళవారం మాత్రం ఎక్స్పెక్టేషన్స్ను పెంచేసింది. ఈ సినిమా చిత్రీకరణ దాదాపుగా పూర్తి అయినట్లు తెలిసింది. ఇక ఈ చిత్రంలో పాయల్ రాజ్ పుత్తో పాటు అజయ్ ఘోష్, లక్ష్మణ్, చైతన్య కృష్ణ తదితరులు నటిస్తున్నారు. ఈ సినిమా దక్షిణాది భాషల్లో విడుదల కానుంది.
- " class="align-text-top noRightClick twitterSection" data="">
ఇదీ చూడండి :
