Sarkaruvaaripaata trailer record: సుపర్స్టార్ మహేశ్బాబు నటిస్తున్న తాజా చిత్రం 'సర్కారు వారి పాట'. మే 12న చిత్రం విడుదల కానుంది. ఈ నేపథ్యంలోనే మే 2న ట్రైలర్ విడుదల చేసిన చిత్రబృందం. ఇప్పుడీ ఈ ప్రచార చిత్రం యూట్యూబ్ను షేక్ చేస్తోంది. విడుదలైన 19 గంటల్లోనే.. 25 మిలియన్ వ్యూస్ను క్రాస్ చేసి రికార్డు సృష్టించింది. యూట్యూబ్లో నెం.1 స్థానంలో ట్రెండ్ అవుతోంది. అంతకుముందు 'రాధేశ్యామ్'(24 గంటల్లో 23.20 మిలియన్ వ్యూస్) పేరిట ఉన్న రికార్డును బద్దలుకొట్టింది. దీంతో రాధేశ్యామ్ రెండో స్థానానికి పడిపోగా.. ఆచార్య(21.86), బాహుబలి 2(21.81), ఆర్ఆర్ఆర్(20.45), కేజీఎఫ్ 2 తెలుగు డబ్(19.38) తర్వాతి స్థానాల్లో ఉన్నాయి. ఇక విడుదలైన ఈ ట్రైలర్లో మహేశ్ క్లాస్‌ అండ్ మాస్ లుక్స్‌, ఆయన చెప్పిన డైలాగ్స్‌ అభిమానులను హుషారెత్తించేలా ఉన్నాయి. ఈ ప్రచార చిత్రంలో చూపించిన సన్నివేశాల్ని బట్టి యాక్షన్‌, కామెడీ, లవ్‌.. ఇలా అన్ని రకాల ఎమోషన్స్‌తో సినిమా రూపొందినట్టు తెలుస్తోంది.
ప్రీ రిలీజ్ ఈవెంట్కు సన్నాహాలు.. ఈ చిత్ర ప్రీ రిలీజ్ ఈవెంట్ నిర్వహించేందుకు మూవీటీమ్ ప్లాన్ చేస్తున్నట్లు తెలిసింది. ఈ నెల 7వ తేదీన హైదరాబాద్లోని యూసఫ్గూడ పోలీస్ గ్రౌండ్స్లో నిర్వహిస్తారని సమాచారం. చీఫ్ గెస్ట్గా ఎవరు రాబోతున్నారో ఇంకా వివరాలు తెలియలేదు. త్వరలోనే దీనిపై అధికార ప్రకటన వచ్చే అవకాశముంది. కాగా, ఈ సినిమాను పరశురామ్‌ తెరకెక్కించగా.. కీర్తి సురేశ్‌ హీరోయిన్గా నటించింది. నవీన్‌ యెర్నేని, వై. రవిశంకర్‌, రామ్‌ ఆచంట, గోపీచంద్‌ ఆచంట సంయుక్తంగా నిర్మించారు. తమన్‌ సంగీతం అందించారు.
- " class="align-text-top noRightClick twitterSection" data="">
ఇదీ చూడండి: 'సర్కారు వారి 'ట్రైలర్'' వచ్చేసింది.. మహేశ్కు మరో మాస్ హిట్!!
