Mahesh Babu Shahrukh Khan : బాలీవుడ్ బాద్ షా షారుక్ ఖాన్, సూపర్ స్టార్ మహేశ్ బాబు మధ్య ఎక్స్ లో జరిగిన సరదా సంభాషణ సినీ ప్రియులను ఆకట్టుకుంటోంది. షారుక్ ఖాన్ నటించిన జవాన్ చిత్రాన్ని తన కుటుంబంతో కలిసి చూడాలనుకుంటున్నట్లు మహేశ్ బాబు ఎక్స్ లో ట్వీట్ చేశారు. జవాన్ విజవయవంతం కావాలని కోరుకుంటున్నట్లు తెలిపారు. మహేశ్ బాబు ట్వీట్ పై స్పందించిన షారూక్ ఖాన్.... థాంక్యూ సో మచ్ మై ఫ్రెండ్ అంటూ రిట్వీట్ చేశారు. జవాన్ తప్పకుండా మహేశ్ కు నచ్చుతుందని ఆశాభావం వ్యక్తం చేశారు. అలాగే మహేశ్ ఎప్పుడు జవాన్ చూడాలనుకుంటున్నారో చెబితే అప్పుడే తాను కూడా మహేశ్ తో కలిసి సినిమాకు వస్తానని షారుక్ ట్విట్టర్ లో పేర్కొన్నారు. మహేశ్ కుటుంబానికి అభినందనలు తెలిపారు. కాగా జవాన్ రేపు ప్రపంచవ్యాప్తంగా ప్రేక్షకుల ముందుకు రాబోతుంది.
ఇకపోతే షారుక్ - మహేశ్ బాబు మధ్య మంచి స్నేహబంధం ఉందన్న సంగతి చాలా మంది సినీ ప్రియులకు తెలిసిన విషయమే. గతంలో 'బ్రహ్మోత్సవం' షూటింగ్ సమయంలోనూ షారుక్ సెట్స్కు వెళ్లి మహేశ్‌ను కలిశారు. వీరిద్దరు కలిసి కాసేపు సరదాగా కబుర్లు చెప్పుకున్నారు. దీనికి సంబంధించిన ఫొటోలు కూడా అప్పట్లో సోషల్మీడియాలో తెగ చక్కర్లు కొట్టాయి.
ఇక జవాన్ సినిమా విషయానికి వస్తే.. కోలీవుడ్ డైరెక్టర్ అట్లీ - షారుక్ కాంబోలో భారీ యాక్షన్‌ ఎంటర్‌టైనర్గా ఈ సినిమా రూపొందింది. ఈ చిత్రంలో షారుక్ రా ఆఫీసర్గా, పోలీస్ అధికారిగా, హైజాక్ చేసే వ్యక్తిలా, తండ్రి కొడుకులుగా.. ఇలా దాదాపు 7 గెటెప్స్‌లో కనిపించనున్నారని ట్రైలర్ చూస్తే అర్థమవుతోంది. కోలీవుడ్ స్టార్ హీరోయిన్ నయనతార ఇన్వెస్టిగేటివ్ ఆఫీసర్గా, ప్రియమణి ఓ కీలక పాత్రలో, మరో స్టార్ హీరోయిన్ దీపికా పదుకొణె అతిథి పాత్రలో సందడి చేయనున్నారు. ఇప్పటికే విడుదలైన ప్రచార చిత్రాలు కూడా సినిమాపై మంచి హైప్ను క్రియేట్ను చేశాయి. అలాగే ఈ చిత్రంలో హిందీ వెర్షన్లో సంజయ్‌ దత్‌ , తమిళ వెర్షన్లో విజయ్‌ దళపతి, తెలుగులో అల్లు అర్జున్ ఓ కీలక పాత్ర పోషించిన్నట్లు ప్రచారం సాగుతోంది.
- " class="align-text-top noRightClick twitterSection" data="">
'అల్లు అర్జున్ సినిమాలు చూసి జవాన్లో నటించా'
Mahesh Babu Son Gautham : గౌతమ్ గొప్ప మనసు.. సోషల్మీడియాలో ఇప్పుడిదే ట్రెండింగ్.. ఏం చేశాడో తెలుసా?
