సూపర్ స్టార్ రజినీకాంత్ తనయ ఐశ్వర్య దర్శకత్వంలో రూపొందనున్న తమిళ సినిమా 'లాల్ సలామ్'. ఈ చిత్ర షూటింగ్ మంగళవారం చెన్నైలో ఘనంగా ప్రారంభమైంది. దీనికి సంబంధించిన పోస్టర్ను ట్విట్టర్ వేదికగా విడుదల చేసింది చిత్ర బృందం. విష్ణు విశాల్, విక్రాంత్ నటిస్తున్న ఈ చిత్రం.. ఈ ఏడాదే విడుదల కానుంది. దీనిని లైకా ప్రొడక్షన్స్ సంస్థ నిర్మిస్తోంది. ఈ చిత్రానికి ప్రముఖ సంగీత దర్శకుడు ఆస్కార్ అవార్డ్ గ్రహీత ఏఆర్ రెహ్మాన్ సంగీతం అందించనున్నారు. ఇప్పటికే దీనికి సంబంధించిన వివరాలను గతేడాది నవంబరులో ట్విట్టర్ ద్వారా పంచుకున్నారు రెహ్మాన్. అయితే ఈ సినిమాకి సంబంధించిన మరిన్ని వివరాలు త్వరలోనే వెల్లడించనుంది చిత్ర యూనిట్.
ఇకపోతే ఈ సినిమాలో తలైవా రజినీకాంత్ కూడా ఓ అతిథి పాత్రను పోషించనున్నారట. సూపర్స్టార్ రజినీకాంత్ ప్రస్తుతం నెల్సన్ దిలీప్కుమార్ డైరెక్షన్లో రూపొందుతున్న 'జైలర్' సినిమా షూటింగ్లో బిజీగా ఉన్నారు. ఈ మూవీ చిత్రీకరణ తర్వాతే తలైవా 'లాల్ సలామ్' షూటింగ్కు సమయం కేటాయించనున్నారట. కొత్త పోస్టర్‌లో తెల్లటి యూనిఫారంలో ఉన్న పురుషుల గుంపు బ్యాక్గ్రౌండ్లో ఉన్న మంటల్లో పోరాడుతున్నట్లు కనిపిస్తోంది. అయితే సినిమా కథాంశమేంటో పూర్తిగా తెలియనప్పటికీ.. క్రికెట్ ఆధారంగానే ఈ 'లాల్ సలామ్' సినిమా ఉంటుందని సమాచారం. అయితే మొదటి షెడ్యూల్‌ చిత్రీకరణ వారం రోజుల పాటు జరగనుందని సమాచారం. ప్రస్తుతం తమిళనాడులో సెలబ్రిటీ క్రికెట్ లీగ్లో జరుగుతోంది. 'లాల్ సలామ్'లో నటిస్తున్న కొందరు నటీనటులు కూడా ఈ లీగ్లో ఆడుతున్నారు. వారు ఈ మ్యాచ్లు ఆడటానికి వీలుగా వారాంతంలో షూటింగ్ను పక్కన పెట్టనున్నారు.
ఇకపోతే ఈ సినిమాకి సంబంధించి ఓ ఇంట్రెస్టింగ్ ఫ్యాక్ట్ సోషల్ మీడియాలో చక్కర్లు కొడుతోంది. జీవిత రాజశేఖర్ ఇందులో రజనీకాంత్ సోదరి పాత్రలో నటించనున్నారని ఇండస్ట్రీలో టాక్ వినిపిస్తోంది. ఇదే నిజమైతే సుదీర్ఘ కాలం తర్వాత జీవిత రాజశేఖర్ మళ్లీ నటిగా స్క్రీన్ ముందుకు రానున్నారు.
మరోవైపు ఏడేళ్ల విరామం తర్వాత 'లాల్ సలామ్'తో తిరిగి మెగాఫోన్ పట్టనున్నారు ఐశ్వర్య. కొరియెగ్రాఫర్ల జీవిత ప్రయాణాన్ని చూపిస్తూ ఈమె 'సినిమా వీరన్' అనే పేరుతో ఓ డాక్యుమెంటరిని డైరెక్ట్ చేశారు. ఆమె మాజీ భర్త, హీరో ధనుష్, వై రాజా వైలు కలిసి నటించిన '3', బ్లాక్ బస్టర్ సినిమాకు ఐశ్వర్య దర్శకత్వం వహించారు.
