Lal Salaam Teaser : తమిళ సూపర్ స్టార్ రజనీకాంత్ కుమార్తె ఐశ్వర్య తెరకెక్కిస్తున్న సినిమా 'లాల్ సలామ్'. ప్రముఖ నిర్మాణ సంస్థ లైకా ప్రొడక్షన్స్ బ్యానర్పై ఈ సినిమా రూపొందుతోంది. రజనీకాంత్ ఈ సినిమాలో అతిథి పాత్రలో కనిపించనున్నారు. ఆయితే ఆదివారం దీపావళి సందర్భంగా చిత్రబృందం.. సినిమా టీజర్ విడుదల చేసింది. టీజర్ రిలీజైన గంటల్లోనే యూట్యూబ్లో మిలియన్ వ్యూస్తో దూసుకుపోతోంది. మరి మీరు ఈ టీజర్ చూశారా?
టీజర్ ప్రారంభంలో ఒక చిన్న గ్రామాన్ని చూపించారు. అక్కడ క్రికెట్ పోటీలో రెండు జట్లు హోరాహోరీగా తలపడతాయి. ఇరు జట్ల సభ్యులు.. భారత్ - పాకిస్థాన్ మ్యాచ్ రేంజ్లో ఎమోషన్స్ చూయిస్తారు. అంటే ఈ రెండు వర్గాల మధ్య ఏవో తగాదాలున్నట్లు అర్థమౌతోంది. వీరి గొడవలను పరిష్కరించేందుకు తలైవా రజనీకాంత్ (మొయిదీన్ భాయ్‌).. రంగంలోకి దిగుతాడు. మరి ఈ సమస్య మొయిదీన్ భాయ్‌ ఎలా పరిష్కరిస్తాడు? సినిమాలో కీలక పాత్ర చేస్తున్న విష్ణు విశాల్కు ఈ సంఘటనకి ఎలా లింక్ కుదిరిందనేది తెరపై చూడాల్సిందే
'లాల్ సలామ్'.. బాలీవుడ్ బ్లాక్బస్టర్ 'కై పొ చే (Kai Po Che)' సినిమాకు రీమేక్గా 'లాల్ సలామ్' రూపొందుతున్నట్లు టాక్ వినిపిస్తోంది. ఈ సినిమాలో విష్ణు విశాల్, విక్రాంత్‌ సంతోష్‌ ప్రధాన పాత్రల్లో నటిస్తున్నారు. ముఖ్యంగా రజనీ.. మొయిదీన్ భాయ్‌ అనే స్పెషల్ రోల్ చేయడం వల్ల ప్రేక్షకుల్లో అంచనాలు అమాంతం పెరిగాయి. అలాగే ఈ చిత్రంలో టాలీవుడ్ సీనియర్ హీరో రాజశేఖర్ సతీమణి జీవిత నటిస్తున్నారు. ఆమె దాదాపు 33 ఏళ్ల తర్వాత వెండితెర పై కనిపించనున్నారు. ఈ సినిమా తమిళ్ సహా.. తెలుగు, హిందీ, కన్నడ, మలయాళ భాషల్లో తెరకెక్కుతోంది.
- " class="align-text-top noRightClick twitterSection" data="">
Thalaiva 170 : మరోవైపు రజనీ ఇటీవల 'జైలర్' సినిమాతో సూపర్ సక్సెస్ అందుకున్నారు. ఈ జోష్లో ఆయన మరో రెెండు సినిమాలను ఓకే చేశారు. ప్రస్తుతం ఆయన.. టీజే జ్ఞానవేల్ దర్శకత్వంలో తెరకెక్కుతున్న 'తలైవా 170' (వర్కింగ్ టైటిల్) సినిమా షూటింగ్లో బిజీగా ఉన్నారు.
