Kushi Movie Trailer : రౌడీ హీరో సెన్సేషనల్ స్టార్ విజయ్ దేవరకొండ- స్టార్ హీరోయిన్ సమంత కలిసి నటించిన చిత్రం కంప్లీట్ లవ్ స్టోరీ 'ఖుషి'. శివ నిర్వాణ దర్శకత్వం వహించారు. ఇటీవలే షూటింగ్ను పూర్తి చేసుకున్న ఈ సినిమా.. సెప్టెంబర్‌ 1న రిలీజ్కు రెడీ అయింది(kushi movie release date). విడుదల తేదీ దగ్గరపడడంతో ప్రమోషన్స్లో జోరు పెంచిన మూవీటీమ్.. సినిమా ట్రైలర్‌ను తాజాగా రిలీజ్ చేసింది. ఓ ఈవెంట్ను గ్రాండ్గా నిర్వహించి.. 2 నిమిషాల 41 సెకన్లు ఉన్న ఈ ప్రచార చిత్రాన్ని విడుదల చేసింది.
'దీనమ్మ కశ్మీర్ సేమ్ రోజా సినిమాలా ఉంది' అనే డైలాగ్తో ప్రారంభమైన ఈ ప్రచార చిత్రం ఆద్యంతం ఆకట్టుకునేలా ఉంది. 'మీ గురించి తెలియదు కానీ బేగమ్ మాత్రం డైరెక్ట్ స్వర్గ్ సే ఆయే హై' అంటూ విజయ్ దేవరకొండ హిందీ-తెలుగు కలిపి మాట్లాడటం కాస్త ఫన్నీగా అనిపించింది. ఇక ఈ ప్రచార చిత్రంలో 'అర్జున్ రెడ్డి' డైలాగ్ 'అది నా పిల్ల' అంటూ అనడం బాగుంది. ఈ క్రమంలోనే ఓ ట్విస్ట్.. హీరోయిన్ బేగమ్ కాదు బ్రహ్మిణ్ అని చెప్పడం ఆ తర్వాత లవ్ స్టోరీ ఎంతో కూల్గా సాగడం చూపించారు.
అయితే జాతకాల వల్ల ఇరు కుటంబంలోని వాళ్లు హీరోహీరోయిన్ పెళ్లి కుదరకపోవడం, దీంతో ఇంట్లో వాళ్లని కాదని ఇద్దరూ పెళ్లి చుసుకోని జీవినం సాగించడం, ఆ తర్వాత అనుకోని కారణాల వల్ల సాఫీగా సాగుతున్న జీవితంలో గొడవలు ఎదురవ్వడం వంటివి చూపించారు. ఈ క్రమంలోనే 'పెళ్లంటేనే చావురా' అని రాహుల్ రామకృష్ణ అనడం, భర్త అంటే ఎలా ఉండాలో ఈ సమాజానికి చూపిస్తా అంటూ విజయ్ అనడం మంచి ఇంట్రెస్టింగ్గా ఉంది. మరి చివరికి చిత్రంలో విజయ్-సమంత కలిశారా లేదా అన్నది తెరపై చూడాల్సిందే..
- " class="align-text-top noRightClick twitterSection" data="">
Kushi Movie Director 2023 : ఇప్పటికే ఈ సినిమా నుంచి రిలీజైన పోస్టర్స్, మూడు మెలోడీ సాంగ్స్ అభిమానులను, సినీ ప్రియులను బాగా ఆకట్టుకున్నాయి. ముఖ్యంగా మ్యూజిక్ లవర్స్ అయితే ఈ సాంగ్స్‌ను అస్సలు వదలట్లేదు. సోషల్మీడియాలో ఎక్కడ చూసిన ఇవే వినిపిస్తున్నాయి. ఇప్పటికే విజయ్, సమంత కలిసి గతంలో నాగ్ అశ్విన్ తెరకెక్కించిన 'మహానటి' చిత్రంలో జంటగా కనిపించి ఆకట్టుకున్నారు. ఇప్పుడు 'ఖుషి' చిత్రంలో రిలీజైన పోస్టర్స్, సాంగ్స్ ద్వారా.. వీరిద్దరి స్క్రీన్ ప్రెజెన్స్ చాలా బాగుందని కొనియాడుతున్నారు. వీరిద్దరి పెయిర్ ఎంతో క్యూట్గా ఉందని కామెంట్లు చేస్తున్నారు. ఈ చిత్రాన్ని 'మజిలీ', 'నిన్ను కోరి'తో ఇప్పటికే తన టాలెంట్ను ప్రూవ్ చేసుకున్న శివ నిర్వాణ తెరకెక్కిస్తున్నారు. ఈ రెండు సినిమాలు బాక్సాఫీస్ వద్ద అటు కథ పరంగా మనసుల్ని తాకాయి. కమర్షియల్గానూ వసూళ్లను అందుకున్నాయి. దీంతో ఇప్పుడు ఆయన నుంచి రానున్న మరో లవ్ స్టోరీ కావడంతో 'ఖుషీ'పై మంచి అంచనాలు నెలకొన్నాయి.
ఇకపోతే విజయ్ దేవరకొండ చివరిసారిగా 'లైగర్' సినిమాతో ఆడియెన్స్ను పలకరించారు. పాన్ ఇండియా లెవల్లో వచ్చిన ఈ చిత్రం డిజాస్టర్గా నిలిచింది. అలాగే సమంత 'శాకుంతలం' కూడా అట్టర్ ఫ్లాప్ అయింది. దీంతో వీరిద్దరూ ప్రస్తుతం ఫ్లాప్లో ఉన్నారు. ఇక వీరిద్దరూ గట్టి కమ్బ్యాక్ ఇవ్వాలంటే ఖుషి సినిమా భారీగా హిట్ అందుకోవాల్సిందే. అందుకే ఈ జంట.. ఈ సినిమాపై గట్టిగానే ఆశలు పెట్టుకున్నారు.
ఇదీ చూడండి :
బ్రేక్ తర్వాత సమంత చేయబోయే మొదటి పని ఇదేనటా... ఆబ్బో ప్లానింగ్ బాగానే ఉందిగా!
సమంత మళ్లీ 'ఖుషి' ఖుషీ.. గ్రాండ్గా వెల్కమ్ చెప్పిన విజయ్ దేవరకొండ!
