టాలీవుడ్ రౌడీ బాయ్ విజయ్ దేవరకొండ, స్టార్ హీరోయిన్ సమంత నటిస్తున్న కొత్త చిత్రం 'ఖుషి'. 'నిన్ను కోరి', 'మజిలీ' ఫేం దర్శకుడు శివ నిర్వాణ.. ఈ చిత్రాన్ని డైరెక్ట్ చేస్తున్నారు. మైత్రీ మూవీ మేకర్స్ బ్యానర్పై నవీన్ యేర్నేని, రవిశంకర్ యలమంచిలి నిర్మిస్తున్నారు. ఇటీవల విజయ్ దేవరకొండ బర్త్డే సందర్భంగా ఈ సినిమాలోని మొదటి పాటను విడుదల చేశారు మేకర్స్. 'నా రోజా నువ్వే..' అంటూ సాగే ఈ పాట మ్యూజిక్ లవర్స్ను ఆకట్టుకునేలా ఉంది. ఈ పాటను మొత్తం ఐదు భాషల్లో విడుదల చేశారు. ఇందులో సమంతతో పాటు విజయ్ న్యూ లుక్స్తో అదిరిపోయారంటూ ఫ్యాన్స్ సంబరపడిపోతున్నారు. ఈ పాటను ఓ క్రేజీ కాన్సెప్ట్తో రాశారు. ఈ పాట లిరిక్స్.. మణిరత్నం తీసిన సినిమా పేర్లతో సాగుతాయి. దీంతో 'నా రోజా నువ్వే..' సాంగ్ను తెగ ఎంజాయ్ చేస్తున్నారు ఫ్యాన్స్. అయితే, తాజాగా ఈ సినిమా క్లైమాక్స్కు సంబంధించి మరో వార్త సోషల్ మీడియాలో చక్కర్లు కొడుతోంది. అదేంటంటే..
ఈ సినిమాలో సమంత ఓ ముస్లిం యువతిగా కనిపిస్తోంది. విజయ్, ఈ ముస్లిం యువతి మధ్య జరిగిన ప్రేమ కథే ఈ సినిమా అని టాక్. అయితే, ఖుషి క్లైమాక్స్పై రకరకాల ఊహాగానాలు వినబడుతున్నాయి. హీరో, హీరోయిన్ ఇద్దరిలో ఒకరు చనిపోతారట. ఈ సినిమా క్లైమాక్స్ గుండెను హత్తుకునేలా ఉంటుందని తెలుస్తోంది. ఎవరు ఎప్పుడు చనిపోతారో తెలియదు.. అందుకోసం జీవించినంత కాలం ఆనందంగా జీవించాలనే మెసేజ్తో ఈ సినిమా ముగుస్తుందని చర్చ జరుగుతోంది. అయితే, సినిమా దాదాపు మొత్తం ఫ్లాష్బ్యాక్ మోడ్లో ఉంటుందని తెలుస్తోంది.
ఈ సినిమా రెండు నెలల ముందే విడుదల కావాల్సింది. కానీ సమంత అనారోగ్య సమస్యల కారణంగా చిత్రీకరణ ఆలస్యమైంది. ఈ కారణంగా ఖుషి రిలీజ్‌ను సెప్టెంబర్‌కు పోస్ట్‌ పోన్‌ చేశారు మేకర్స్. తెలుగుతో పాటు తమిళ, కన్నడ, మలయాళ, హిందీ భాషల్లో ఈ సినిమా సెప్టెంబర్ 1న ప్రపంచ వ్యాప్తంగా గ్రాండ్గా విడుదల కానుంది. ఈ మూవీకి మాలీవుడ్ యంగ్ మ్యూజిక్ డైరెక్టర్ హేషామ్ అబ్దుల్ వాహాబ్ స్వరాలు సమకూరుస్తున్నారు. మరాఠీ నటుడు సచిన్ ఖేడేకర్, జయరామ్, మురళీ శర్మ, అలీ, లక్ష్మీ, రోహిణి, రాహుల్ రామకృష్ణ, వెన్నెల కిశోర్, శరణ్య ప్రదీప్ శ్రీకాంత్ అయ్యంగార్ తదితరులు కీలక పాత్రల్లో నటిస్తున్నారు.
