Nagachaitanya-Kritishetty: టాలీవుడ్లో క్యూట్ కపుల్ అనగానే గుర్తొచ్చేది నాగచైతన్య- సమంత. కానీ వీరిద్దరూ గతేడాది విడాకులు తీసుకుని అభిమానులకు షాక్ ఇచ్చారు. ఆ తర్వాత నుంచి వరుసగా సినిమాల్లో నటిస్తూ కెరీర్లో ముందుకెళ్తున్నారు. ఈ క్రమంలోనే 'లవ్స్టోరీ', 'బంగార్రాజు'తో ఫామ్లో ఉన్న చైతూ.. తమిళ దర్శకుడు వెంకట్ ప్రభుతో సినిమా చేయనున్నారని వార్తలొచ్చాయి. అయితే ఇటీవలే 'ఎన్వీ22' పేరుతో దీన్ని అధికారికంగా ప్రకటించారు. తాజాగా ఈ సినిమా ప్రారంభోత్సవ వేడుకను జరుపుకుంది. హీరోయిన్గా కృతిశెట్టిని ఎంపిక చేసినట్లు తెలిపారు మేకర్స్. దీంతో పాటే లెజెండరీ మ్యూజిక్ డైరెక్టర్ ఇళయరాజా, యువన్ శంకర్ రాజా సంగీతం అందిస్తున్నట్లు తెలిపారు. ఈ వేడుకలో ముహూర్తపు సన్నివేశానికి దర్శకుడు బోయపాటి క్లాప్ కొట్టారు. ఈ కార్యక్రమంలో విలక్షణ నటుడు రానా, తమిళ హీరో శివకార్తికేయన్ సందడి చేశారు. తెలుగు, తమిళ భాషల్లో రూపొందనున్న ఈ సినిమాను శ్రీనివాస సిల్వర్ స్క్రీన్ బ్యానర్ పై ప్రవీణ్ కుమార్ నిర్మిస్తున్నారు. కాగా, ఇప్పటికే చైతూ-కృతిశెట్టి.. నాగార్జున నటించిన 'బంగార్రాజు' సినిమాలో జంటగా నటించారు. ఇందులో వీరి కెమిస్ట్రీ తెలుగు ప్రేక్షకుల్ని బాగా ఆకట్టుకుంది.
కాగా, చైతూ నటించిన 'లాల్సింగ్ చద్ధా', 'థ్యాంక్యూ' సినిమాలకు విడుదలకు సిద్ధంగా ఉన్నాయి. కృతిశెట్టి.. త్వరలోనే 'ది వారియర్', 'మాచర్ల నియోజకవర్గం' చిత్రాలతో ప్రేక్షకులను పలకరించనుంది. 'ఆ అమ్మాయి గురించి మీకు చెప్పాలి'లో నటిస్తోంది.
ఇదీ చూడండి: ఆ దర్శకుడికి క్షమాపణలు చెప్పిన రామ్.. ఎందుకంటే?
