Maheshbabu voice for Acharya movie: మెగాస్టార్ చిరంజీవి కథానాయకుడిగా కొరటాల శివ దర్శకత్వంలో తెరకెక్కిన చిత్రం 'ఆచార్య'. రామ్‌చరణ్‌ కీలక పాత్ర పోషిస్తున్నారు. కాజల్‌, పూజా హెగ్డే కథానాయికలు. అన్ని కార్యక్రమాలు పూర్తి చేసుకున్న ఈ సినిమా ఏప్రిల్‌ 29న ప్రేక్షకుల ముందుకు రానుంది. అయితే ఈ సినిమా గురించిన ఓ ఆసక్తికరమైన వార్త ప్రస్తుతం నెట్టింట్లో చక్కర్లు కొడుతోంది. ఈ మూవీలో సూపర్స్టార్ మహేశ్బాబు గళం వినిపించనుందని తెలిసింది. ఈ సినిమా కథ మహేశ్ వాయిస్ ఓవర్తోనే మొదలవుతుందట! ప్రస్తుతం సోషల్మీడియాలో ఇదే హాట్టాపిక్.
మరి ఇది ఎంత వరకు నిజమో తెలియదుగానీ.. ఈ వార్త తెలుసుకున్న మెగాఫ్యాన్స్, మహేశ్ ఫ్యాన్స్ తెగ సంబరపడిపోతున్నారు. 'మెగాసూపర్ ట్రీట్' అంటూ సోషల్మీడియాను హోరెత్తిస్తున్నారు. ఒకవేళ నిజంగానే మహేశ్ కనుక 'ఆచార్య'కు వాయిస్ ఓవర్ ఇస్తున్నట్లు మూవీటీమ్ అధికారికంగా ప్రకటిస్తే అభిమానుల ఆనందం మరింత రెట్టింపు అవుతుంది. వారి సంతోషానికి అవధులు లేకుండా పోతాయి. కాగా.. ఈ మూవీ నుంచి ఇప్పటికే విడుదలైన ట్రైలర్‌, పాటలకు మంచి స్పందన వస్తోంది. మణిశర్మ స్వరాలు సమకూరుస్తున్న ఈ చిత్రాన్ని మ్యాట్నీ ఎంటర్‌టైన్‌మెంట్స్‌, కొణిదెల ప్రొడక్షన్‌ కంపెనీ సంయుక్తంగా నిర్మిస్తున్నాయి.
KGF 2 hindi collections Record: ప్రస్తుతం సినిమా కబుర్లు చెప్పుకొనే ఏ ఇద్దరి నోట విన్నా 'కేజీయఫ్‌2' సంగతులే. రాఖీభాయ్‌గా యశ్ నటన, ప్రశాంత్‌ నీల్‌ టేకింగ్‌ సినిమాను మరో స్థాయిలో నిలబెట్టాయి. పాన్‌ ఇండియా సినిమాగా విడుదలైన ఈ చిత్రం బాలీవుడ్‌లోనూ రికార్డులు తిరగరాస్తోంది. విడుదలైన వారం రోజుల్లో హిందీ వెర్షన్లో ఏకంగా రూ.250కోట్లను సాధించి రికార్డు సృష్టించింది. బాలీవుడ్లో అత్యంత వేగంగా రూ.250కోట్లు కొల్లగొట్టిన తొలి సినిమాగా నిలిచింది. రిలీజ్ అయిన మొదటి రోజు(రూ.53.95కోట్లు), రెండో రోజు(రూ.46.79), మూడో రోజు(రూ.42.90), నాలుగో రోజు(50.35), ఐదో రోజు(25.57), ఆరో రోజు(19.14), ఏడో రోజు(రూ.16.35) కోట్లతో వసూళ్ల సునామీని సృష్టించింది. అంతకుముందు విడుదలైన 'ఆర్ఆర్ఆర్'కు హిందీ వెర్షన్కు రూ.250కోట్లు సాధించడానికి దాదాపు మూడు వారాలు పట్టగా.. 'బాహుబలి 2'కు ఎనిమిది రోజులు, ఆమిర్ ఖాన్ 'దంగల్'కు పది రోజులు పట్టింది.
ఇదీ చూడండి: విజయ్‌ దేవరకొండ-సమంత సినిమా షురూ.. టైటిల్ ఇదే!
