Nikhil siddharth spy movie : యంగ్ హీరో నిఖిల్ నటించిన యాక్షన్ ఎంటర్టైనర్ సినిమా 'స్పై'. పాన్ ఇండియా స్థాయిలో మరో రెండు రోజుల్లో రిలీజ్ కానుంది. అయితే అడ్వాన్స్ బుకింగ్స్ ఏ స్థాయిలో జరుగుతున్నాయో క్లారిటీగా తెలీదు కానీ.. మొదటి రోజు పాజిటివ్ మౌత్ టాక్తో కలెక్షన్లు ఊపందుకుంటాయనే నమ్మకం మాత్రం మూవీటీమ్లో కనిపిస్తోంది. తెలుగులో ఈ చిత్రం రిలీజ్ రోజు.. శ్రీవిష్ణు సామజవరగమన మాత్రమే పోటీగా ఉంది. కాబట్టి 'స్పై' చిత్రానికి వచ్చే టెన్షన్ ఏమీ లేదు. ఇప్పటికే ఎలాగో 'ఆదిపురుష్' స్లో అయిపోయింది.
ఇక నార్త్లో విషయానికొస్తే.. అక్కడ బాలీవుడ్ యంగ్ హీరో కార్తిక్ ఆర్యన్ నటించిన 'సత్యప్రేమ్ కి కథ' సినిమా కూడా స్పై రోజునే(జూన్ 29) రిలీజ్ కానుంది. కాబట్టి అక్కడ కాస్త పోటీ నెలకొంది. అయినప్పటికీ ఇప్పటికే 'కార్తికేయ 2'తో నిఖిల్ అక్కడ కూడా ఆడియెన్స్లో గుర్తింపును తెచ్చుకున్న సంగతి తెలిసిందే. కాబట్టి నిఖిల్ సినిమా చూసేందుకు అక్కడి వాళ్లు రెడీగానే ఉన్నట్లు తెలుస్తోంది.
ఈ 'స్పై' చిత్రానికి బిజినెస్ బాగానే జరిగినట్లు తెలిసింది. ప్రపంచవ్యాప్తంగా థియేటర్ హక్కులను రూ.17.50కోట్లకు విక్రయించినట్టు సమాచారం అందింది. అంటే బ్రేక్ ఈవెన్ టార్గెట్ రూ.19కోట్లు. నిఖిల్ కెరీర్లో ఇదే హైయెస్ట్ బ్రేక్ ఈవెన్ టార్గెట్. ఆంధ్రాలో రూ. 6 కోట్లు, నైజాంలో రూ. 5 కోట్లు, సీడెడ్ రూ.2 కోట్లు, ఓవర్సీస్లో రూ.1.75కోట్లు, ఇతర రాష్ట్రాలు రూ.70 లక్షలకు విక్రయించారని బయట లెక్కలు వస్తున్నాయి. అయితే ఈ చిత్రానికి కలిసి వస్తున్న సానుకూలంశాలు చాలానే ఉన్నాయి. మొదటిది ఈ సినిమా రిలీజ్ డేట్. 29న బక్రీద్ పండగ. నేషనల్ హాలిడే. ఆ తర్వాత మూడు రోజుల లాంగ్ వీకెండ్. ఇక నెలలోని చివరి శనివారం కావడం వల్ల బ్యాంకుల లాంటి ప్రభుత్వ రంగ సంస్థలకు సెలవులు ఉంటాయి. ఇక రిలీజ్ రోజు పాజిటివ్ టాక్ వస్తే చాలు.. తక్కువ సమయంలోనే అనుకున్న టార్గెట్ కలెక్షన్లను దక్కించుకోవచ్చు. చూడాలి మరి ఏం జరుగుతుందో..
- " class="align-text-top noRightClick twitterSection" data="">
spy movie story : 'స్పై' చిత్ర కథ విషయానికొస్తే.. నేతాజీ సుభాష్‌ చంద్రబోస్‌ జీవితానికి సంబంధించి ఎప్పుడూ వినని అంశాలను ఈ చిత్రంలో చూపించబోతున్నట్లు అంటున్నారు నిఖిల్. ఆర్యన్ రాజేశ్‌, ఐశ్వర్య మేనన్‌, సన్యా ఠాకూర్‌ ఇతర కీలక పాత్రల్లో నటించారు. ప్రముఖ ఎడిటర్‌ గ్యారీ బి.హెచ్‌ దర్శకత్వం వహించారు. కె.రాజశేఖర్‌రెడ్డి కథను సమకూర్చడంతో పాటు, ఈడీ ఎంటర్‌టైన్‌మెంట్స్‌ బ్యానర్పై స్వయంగా నిర్మించారు.
ఇదీ చూడండి :
నిఖిల్ చేతిలో 'సెంగోల్'.. ఈ యంగ్ హీరో టార్గెట్ వారేనా!
'స్వాతంత్ర్యం ఒకరిచ్చేది కాదు.. లాక్కోవాలి'.. బోస్ మాటలతో నిఖిల్ 'స్పై' ట్రైలర్.. రానా స్పెషల్ రోల్
