'కన్నప్ప' ఫస్ట్ పోస్టర్ రిలీజ్ - వీఎఫ్​ఎక్స్​లో విష్ణు లుక్ అదుర్స్​!

Kanappa First Poster : మంచు విష్ణు సొంత బ్యానర్​పై రూపొందుతున్న సినిమా కన్నప్ప. ఈ సినిమాను డైరెక్టర్ ముకేశ్ కుమార్ తెరకెక్కిస్తున్నారు. గురువారం ఈ సినిమా ఫస్ట్​పోస్టర్​ను రిలీజ్ చేసింది మూవీయూనిట్. మరి మీరు పోస్టర్ చూశారా?

Kanappa First Poster : టాలీవుడ్ హీరో, 'మా' అధ్యక్షుడు మంచు విష్ణు డ్రీమ్ ప్రాజెక్ట్​గా తెరకెక్కుతున్న చిత్రం 'కన్నప్ప'. ఈ సినిమాకు ముఖేశ్ కుమార్ సింగ్.. దర్శకత్వం వహిస్తున్నారు. మంచు మోహన్ బాబు భారీ బడ్జెట్​తో 24 ఫ్రేమ్స్ ఫ్యాక్టరీ బ్యానర్​పై పాన్​ ఇండియా లెవెల్​లో నిర్మిస్తున్నారు. కాగా, గురువారం (నవంబర్ 23) హీరో విష్ణు పుట్టినరోజు సందర్భంగా.. మూవీ నుంచి ఫస్ట్​ పోస్టర్​ను రిలీజ్ చేశారు.

• Step into the world of 𝐊𝐚𝐧𝐧𝐚𝐩𝐩𝐚 where the journey of an atheist Warrior to becoming Lord Shiva’s ultimate devotee comes to life🏹@kannappamovie @24framesfactory @avaentofficial@ivishnumanchu @themohanbabu @Mohanlal @NimmaShivanna #Prabhas#Kannappa🏹 #HarHarMahadevॐ pic.twitter.com/kRbebbZdbH

  — Vishnu Manchu (@iVishnuManchu) November 22, 2023 " class="align-text-top noRightClick twitterSection" data="

  Step into the world of 𝐊𝐚𝐧𝐧𝐚𝐩𝐩𝐚 where the journey of an atheist Warrior to becoming Lord Shiva’s ultimate devotee comes to life🏹@kannappamovie @24framesfactory @avaentofficial@ivishnumanchu @themohanbabu @Mohanlal @NimmaShivanna #Prabhas#Kannappa🏹 #HarHarMahadevॐ pic.twitter.com/kRbebbZdbH

  — Vishnu Manchu (@iVishnuManchu) November 22, 2023

  ">

  Step into the world of 𝐊𝐚𝐧𝐧𝐚𝐩𝐩𝐚 where the journey of an atheist Warrior to becoming Lord Shiva’s ultimate devotee comes to life🏹@kannappamovie @24framesfactory @avaentofficial@ivishnumanchu @themohanbabu @Mohanlal @NimmaShivanna #Prabhas#Kannappa🏹 #HarHarMahadevॐ pic.twitter.com/kRbebbZdbH

  — Vishnu Manchu (@iVishnuManchu) November 22, 2023

ఇక కన్నప్ప సినిమా ప్రస్తుతం రెగ్యులర్ షూటింగ్ జరుపుకుంటున్నట్లు తెలుస్తోంది. ఇటీవల న్యూజిలాండ్​లో ఓ కీలక షెడ్యూల్​లో యాక్షన్ సీన్స్​ తెరకెక్కించారు. హీరో విష్ణు కలల ప్రాజెక్ట్ కావడం వల్ల.. ఎక్కడ కూడా రాజీ పడకుండా నిర్మాత మోహన్ బాబు ఈ సినిమాను రూపొందిస్తున్నారు. ఈ సినిమాకు పరుచూరి గోపాలకృష్ణ, బుర్రా సాయి మాధవ్, తోట ప్రసాద్ ఈ సినిమాకు రచయితలుగా వ్యవహరిస్తుండగా.. మణిశర్మ, మలయాళ మ్యూజిక్​ డైరెక్టర్​ స్టీఫెన్ దేవాసి సంగీతం అందిస్తున్నారు.

ప్రభాస్ - నయనతార! అయితే ఈ సినిమాలో రెబల్ స్టార్ ప్రభాస్, సౌత్ లేడీ సూపర్​స్టార్ నయనతార కీలక పాత్రల్లో నటిస్తున్నారు. వీరిద్దరూ శివపార్వతులుగా స్ర్కీన్​పై కనిపించనున్నట్లు టాక్. వీరితోపాటు సినిమాలో.. కన్నడ హీరో శివరాజ్‌కుమార్‌, మలయాళీ మెగాస్టార్ మోహల్‌, శరత్ కుమార్ తదితరులు నటించనున్నారు. అయితే బాలీవుడ్ బ్యూటీ నపూర్ సనన్ ఈ సినిమాలో నటించాల్సి ఉండగా.. పలు కారణాల వల్ల ఆమె ఈ ప్రాజెక్ట్​ నుంచి తప్పుకున్నారు.

కథేంటంటే : 'మహాకవి ధూర్జటి రాసిన శ్రీకాళహస్తీశ్వర మహత్యంలోని భక్తకన్నప్ప చరిత్రను ఆదర్శంగా తీసుకుని ఈ సినిమాను రూపొందిస్తున్నాం. కన్నప్ప వృత్తాంతం 2వ శతాబ్దంలో జరిగింది, ప్రస్తుతం ఇక్కడి పరిసరాల్లో సినిమా తీయడం వీలుకాదు. అందుకోసం ఈ చిత్రం నిర్మాణానికి ఆర్నెళ్లపాటు న్యూజిలాండ్‌కు వెళ్తున్నాం. కన్నప్ప భక్తిని, ఆయన గొప్పతనాన్నీ నేటి తరానికి తెలియజేయాలనే సంకల్పంతో పాన్‌ ఇండియా రేంజ్​లో ఈ చిత్రాన్ని రూపొందిస్తున్నాం. భారీ బడ్జెట్‌తో... అత్యున్నత సాంకేతిక ప్రమాణాలతో సిద్ధం చేస్తున్నాం' అని హీరో విష్ణు ఇదివరకు ఓ సందర్భంలో చెప్పారు.