Kamal Hasan New Movie: 'విక్రమ్' చిత్రంతో ఘన విజయం అందుకున్నారు సూపర్ స్టార్ కమల్ హాసన్. ఆ ఉత్సాహంతో వరుస సినిమాలకు ఓకే చెబుతున్నారు. ప్రస్తుతం ఆయన దిగ్గజ దర్శకుడు శంకర్ తెరకెక్కిస్తున్న భారతీయుడు-2 చిత్రంలో నటిస్తున్నారు. ఇప్పుడు అందరి కళ్లు ఆయన రాబోయే సినిమాలపై పడింది. కాగా, శంకర్ సినిమా అయ్యాక కమల్.. మలయాళ దర్శకుడు నారాయణన్ డైరెక్షన్లో చేయనున్నారు. వీటితో పాటు తమిళ బిగ్బాస్కు వ్యాఖ్యాతగా కూడా వ్యవహరిస్తున్నారు.
తాజాగా మరో చిత్రానికి కూడా కమల్ హాసన్ పచ్చజెండా ఊపినట్లు తెలుస్తోంది. అజిత్‌ హీరోగా 'నేర్కొండ పార్వై', 'వలిమై' వంటి హిట్ చిత్రాలను తెరకెక్కించిన దర్శకుడు హెచ్‌ వినోద్‌.. ఇటీవలే కమల్కు కథ వినిపించినట్లు సమాచారం. కమల్ కూడా గ్రీన్ సిగ్నల్ ఇచ్చారని టాక్ నడుస్తోంది. ఒక యాక్షన్ గేమ్‌ నేపథ్యంలో ఈ సినిమా కథ సాగుతుందని కోలీవుడ్‌ వర్గాల్లో టాక్ వినిపిస్తోంది.
ఇవీ చదవండి : వీరయ్య నుంచి బాలయ్య దాకా రాబోయే సినిమాల రిలీజ్ డేట్స్ ఇవే
ఫుల్ ఫన్, రొమాంటిక్గా 'ఊర్వశివో రాక్షసివో' ట్రైలర్.. 'హరోం హర' అంటున్న హీరో సుధీర్ బాబు
