'బింబిసార' హిట్తో ఫుల్ జోష్ మీదున్నారు నందమూరి కల్యాణ్ రామ్. చాలా రోజుల తర్వాత భారీ హిట్ కొట్టాడం వల్ల.. ఆయన కెరీర్కు మళ్ళీ బూస్ట్ ఇచ్చింది. ఇప్పటికే ఈ సినిమాకి సీక్వెల్ కూడా ప్రకటించారు. త్వరలో అది ప్రారంభం కానుంది. అయితే దీనితో పాటే పలు చిత్రాలను కూడా ఆయన లైన్లో పెట్టారు.
బింబిసారలో ద్విపాత్రాభినయంతో ఆకట్టుకున్న ఆయన ఈ సారి త్విపాత్రాభియనంతో అలరించనున్నారు. మైత్రి మూవీ మేకర్స్ నిర్మాణంలో కొత్త దర్శకుడు రాజేంద్ర రెడ్డి దర్శకత్వంలో ఈ సినిమా తెరకెక్కుతుంది. తాజాగా ఈ సినిమా టైటిల్ అండ్ ఫస్ట్ లుక్ను రిలీజ్ చేశారు. 'అమిగోస్' అనే డిఫరెంట్ టైటిల్ను ఖరారు చేశారు. ఇందులో రామ్ లుక్ కూడా డిఫరెంట్గా స్టైలిష్గా ఉంది. అలాగే ఈ చిత్ర రిలీజ్ డేట్ను కూడా ప్రకటించారు. వచ్చే ఏడాది ఫిబ్రవరి 10న రిలీజ్ చేయనున్నట్టు తెలిపారు.
ఈ పోస్టర్ చాలా ఆసక్తికరంగా ఉంది. పోస్టర్ను చూస్తుంటే కళ్యాణ్ రామ్ మూడు భిన్న గెటప్లలో కనిపించనున్నారని అర్థమవుతోంది. "నీలాంటి వాళ్ళని ఇంకొకరిని చూస్తే నువ్వు చచ్చిపోతావని వాళ్ళు చెప్పారు" అని పోస్టర్పై క్యాప్షన్ రాసుకొచ్చారు. దీంతో ఈ ఫస్ట్ లుక్ పోస్టర్ చాలా సినిమాపై ఆసక్తిని రేకెత్తించింది.
ఇండియన్ 2 కొత్త పోస్టర్.. అగ్ర కథానాయకుడు, విశ్వనటుడు కమల్‌హాసన్‌ ప్రధాన పాత్రలో నటిస్తోన్న చిత్రం 'ఇండియన్ -2'. సోమవారం ఆయన పుట్టినరోజు పురస్కరించుకుని చిత్ర దర్శకుడు శంకర్‌ సరికొత్త పోస్టర్ షేర్‌ చేశారు. ఇందులో కమల్‌ వృద్ధుడి గెటప్‌లో కనిపించారు. ఆయన లుక్ ఆకట్టుకునేలా ఉంది. పవర్‌ఫుల్‌ కథాంశంతో రూపుదిద్దుకుంటోన్న ఈ సినిమాలో కాజల్‌ కథానాయిక. ప్రస్తుతం ఈ సినిమా చిత్రీకరణ దశలో ఉంది.
ఆకట్టుకునేలా 'బుట్టబొమ్మ' అనికా సురేంద్రన్‌, అర్జున్‌ దాస్‌, సూర్య, వశిష్ఠ ప్రధాన పాత్రధారులుగా నటిస్తోన్న ఫీల్‌గుడ్‌ చిత్రం 'బుట్టబొమ్మ' . సితార ఎంటర్‌టైన్‌మెంట్స్‌ పతాకంపై ఈ సినిమా తెరకెక్కుతోంది. సోమవారం ప్రముఖ దర్శకుడు త్రివిక్రమ్‌ శ్రీనివాస్‌ పుట్టినరోజు పురస్కరించుకుని చిత్ర నిర్మాణ సంస్థ ‘బుట్టబొమ్మ’ టీజర్‌ను విడుదల చేసింది. గ్రామీణ వాతావరణం నేపథ్యంలో సిద్ధమైన ఈ టీజర్‌ ఆకట్టుకునేలా ఉంది.
- " class="align-text-top noRightClick twitterSection" data="">
ఇదీ చూడండి: అతడితో రిలేషన్షిప్.. ఎట్టకేలకు జాన్వీ నిజం ఒప్పుకుందిగా!
