Jr Ntr Tag Name : యంగ్ టైగర్ ఎన్టీఆర్ నటిస్తున్న లేటెస్ట్ మూవీ 'దేవర'. 'ఆర్ఆర్ఆర్' లాంటి భారీ పాన్ ఇండియా హిట్ తర్వాత దేవర అనే పవర్ ఫుల్ టైటిల్ అండ్ సబ్జెక్ట్లో తారక్ నటిస్తుండటం వల్ల చిత్రంపై భారీ ఆశలు నెలకొన్నాయి. ప్రస్తుతం ఈ సినిమా షూటింగ్ శరవేగంగా జరుగుతోంది. అయితే ఎన్టీఆర్ ఈ సినిమాతో తన యంగ్ టైగర్ ట్యాగ్ లైన్ను మార్చుకున్నారు.
వివరాల్లోకి వెళితే. ఆచార్య లాంటి డిజాస్టర్ తర్వాత దర్శకుడు కొరటాల శివ - ఈ దేవరను డైరెక్ట్ చేస్తున్నారు. ఎలాగైనా హిట్ కొట్టాలన్న కసితో తెరకెక్కిస్తున్నారు. అయితే తాజాగా దేవర మూవీ గ్లింప్స్(Devara Glimpse) రిలీజ్ అయింది. ఈ గ్లింప్స్ కూడా సినిమా పై అంచనాలను రెట్టింపు చేసింది. హై ఓల్టేజ్ యాక్షన్ ఎంటర్టైనర్గా తెరకెక్కుతున్న ఈ చిత్ర గ్లింప్స్తో ఫ్యాన్స్ ఫుల్ ఖుషీ అయిపోయారు. ఈ వీడియోలో తారక్ చెప్పిన డైలాగ్, లుక్ విపరీతంగా ఆకట్టుకున్నాయి. అయితే ఈ గ్లింప్స్లో అభిమానులు, నెటిజన్లు ఒకటి గుర్తించారు. అదే యంగ్ టైగర్ ఎన్టీఆర్ ట్యాగ్ లైన్ మారడం. మ్యాన్ ఆఫ్ మాసెస్గా ఎన్టీఆర్ ట్యాగ్ లైన్ పడింది. ఇప్పటివరకు మ్యాన్ ఆఫ్ మాసెస్గా ఎన్టీఆర్ను కేవలం పిలిచేవారు. కానీ ఈ సారి అఫీషియల్గా స్క్రీన్పై వేయడం విశేషం. ఈ పవర్ ఫుల్ ట్యాగ్ అభిమానులకు బాగా నచ్చేసింది.
అలా రీసెంట్గా పుష్ప చిత్రంతో అల్లు అర్జున్ ఐకానిక్ స్టార్గా మారిపోతే ఇప్పుడు దేవర సినిమాతో ఎన్టీఆర్ మ్యాన్ ఆఫ్ మాసెస్గా మారిపోయారు. ఇకపోతే ఈ దేవర చిత్రంలో ఎన్టీఆర్ సరసన బాలీవుడ్ హీరోయిన్ జాన్వీ కపూర్ నటిస్తోంది. బాలీవుడ్ స్టార్ యాక్టర్ సైఫ్ అలీ ఖాన్ ఎన్టీఆర్కు దీటుగా పవర్ ఫుల్ విలన్గా నటిస్తున్నారు. అనిరుధ్ మ్యూజిక్ అందిస్తున్నారు. రెండు భాగాలుగా రానున్న ఈ మూవీ ఫస్ట్‌ పార్ట్‌ ఈ ఏడాది ఏప్రిల్‌ 5న ప్రేక్షకుల ముందుకు రానుంది. తెలుగు, తమిళం, కన్నడ, మలయాళ, హిందీ భాషల్లో పాన్ ఇండియా మూవీగా విడుదల చేయబోతున్నారు.
- " class="align-text-top noRightClick twitterSection" data="">
'దేవర' బ్లడ్ బాత్ - గ్లింప్స్ చూస్తే గూస్బంప్సే!
రాజమౌళి, మహేశ్ సినిమా లేటెస్ట్ అప్డేట్ - స్విచ్ ఆఫ్ అంటున్న కీరవాణి!
