అతిలోక సుందరి శ్రీదేవి, బాలీవుడ్ బడా నిర్మాత బోనీ కపూర్ గారాలపట్టి జాన్వీ కపూర్. సినీ నేపథ్యం నుంచి వచ్చినా తనకంటు ఓక స్టార్ డమ్ను సంపాదించుకుందీ సుందరి. బాలీవుడ్లో తన సొంత ప్రతిభతో ప్రేక్షకులను అలరిస్తోంది. ఇప్పుడు ఈ ముద్దుగుమ్మ చెల్లి ఖుషీ కపూర్ సైతం సినీఇంస్ట్రీలో అడుగుపెట్టేందుకు సై అంటోంది. ప్రస్తుతం జాన్వీ "మిలీ" చిత్ర ప్రమోషన్స్లో బిజీగా ఉంది. ఈ నేపథ్యంలోనే ఓ ఇంటర్వ్యూలో మాట్లాడిన జాన్వీ.. చెల్లి ఖుషి కపూర్ గురించి ఇంట్రెష్టింగ్ విషయాలు చెప్పింది.
- " class="align-text-top noRightClick twitterSection" data="
">
"ఖుషి కపూర్కు నన్ను నేను ఒక తల్లిగా భావించుకుంటున్నా. మా అమ్మ నాతో చెప్పిన విషయాలు ఒక్కోసారి నా ఆలోచనలోకి వస్తాయి. దాన్ని నా చెల్లితో పంచుకుంటా. ఖుషి మొదటి రోజు షూట్లో ఆమె హెయిర్ స్టైల్, మేకప్ కోసం నేను అక్కడే ఉన్నాను. కానీ ఆమె మొదటి షాట్ తీయడానికి ముందే నేను అక్కడి నుంచి వెళ్లాల్సి వచ్చింది. బవాల్ సినిమా షూట్ కోసం తప్పని పరిస్థితిలో లక్నో బయలుదేరాల్సి వచ్చింది. అప్పుడు బాగా ఏడుపు వచ్చింది. మా చెల్లి గుర్తుకొచ్చింది. ఆ సమయంలో నా మూడ్ అస్సలు బాగాలేదు. ఖుషి మెుదటి షూట్లో నేను లేకపోవడం చాలా బాధ కలిగించింది. మా చెల్లి బాగోగుల కోసం నటననైనా వదిలేస్తా. ఖుషి సంతోషంగా ఉండడమే నాకు కావాలి. అమ్మ "ఇంగ్లీష్ వింగ్లీష్" షూటింగ్లో ఉన్నప్పుడు ఆమె ఖుషి బర్త్డేకి రాలేకపోయినందుకు చాలా బాధపడి నాకు ఫోన్ చేసింది. ఆ క్షణాలు ఇంకా నాకు గుర్తున్నాయి" అని జాన్వీ కపూర్ తన చెల్లిపై ప్రేమను వ్యక్తం చేసింది.
- " class="align-text-top noRightClick twitterSection" data="
">
