Indias Most Successful Actress : సినిమాల్లో హీరోల పాత్ర ఎంత ముఖ్యమో హీరోయిన్లూ కూడా అంతే. తమ గ్లామర్తో పాటు యాక్టింగ్ స్కిల్స్తో కథానాయికలు.. కథ మొత్తాన్ని నడిపించిన సందర్భాలున్నాయి. ఇక కొన్ని సార్లు హీరోలతో పోలిస్తే వీళ్లు నటించిన చిత్రాలపైనే ప్రేక్షకుల ఫోకస్ ఉంటుంది. కానీ హీరోలతో పోలిస్తే వీళ్లకు తక్కువ రెమ్యూనరేషన్ తీసుకున్న సందర్భాలు కూడా ఉన్నాయి. కానీ ఈ తారలు హిట్ సినిమాలను తన ఖాతాలో వేసుకుని ముందుకు సాగుతుంటారు.
అయితే ఓ హీరోయిన్ మాత్రం తన కెరీర్లో ఓ రికార్డు క్రియేట్ చేసి ఇండియన్ సినిమా ఇండస్ట్రీలో మోస్ట్ సక్సెస్ ఫుల్ హీరోయిన్గా కొనసాగుతోంది. బాక్సాఫీస్ వసూళ్లతో రాణిస్తూ.. క్వీన్ అనిపించుకుంది. ఇంతకీ ఆమెవరో కాదు అభిమానులు బెబో అని ముద్దుగా పిలుచుకునే బాలీవుడ్ స్టార్ హీరోయిన్ కరీనా కపూర్.
23 ఏళ్లుగా సినీ ఇండస్ట్రీలో దూసుకెళ్తున్న ఈ తార.. తన చిత్రాలతో బాక్సాఫీస్ వద్ద కాసుల పంట పండిస్తోంది. సినీ వర్గాల సమాచారం ప్రకారం.. ఇప్పటి తరం కథానాయికల్లో సుమారు 23 బ్లాక్బస్టర్ల చిత్రాలను తన ఖాతాలో వేసుకున్న మోస్ట్ సక్సెస్ఫుల్ హీరోయిన్గా కరీనా టాప్ పొజిషన్లో ఉంది. ఆ తర్వాత ఆమె సోదరి.. కరిష్మా కపూర్, బాలీవుడ్ బ్యూటీ కత్రినా కైఫ్లు 22 సినిమాలతో సెకెండ్ ప్లేస్లో ఉన్నారు. ఇక రాణి ముఖర్జీ 21, ప్రియాంక చోప్రా 18, కాజోల్ 14 మూవీస్తో తర్వాతి స్థానాల్లో ఉన్నారు.
మరోవైపు కరీనా హిట్ లిస్ట్లో రెండు ఆల్టైమ్ బ్లాక్బస్టర్లున్నాయి. ఒకటి 'బజరంగీ భాయిజాన్', మరొకటి 'త్రీ ఇడియట్స్'. ఇవి కాకుండా.. 'కబీ ఖుషీ కబీ గమ్', 'ఐత్రాజ్', 'జబ్ వి మెట్', 'బాడీ గార్డ్', 'గుడ్ న్యూస్' చిత్రాలూ ఉన్నాయి. ఇవన్నీ కలిపి బాక్సాఫీసు వద్ద రూ. 4 వేల కోట్ల గ్రాస్ కలెక్షన్లు వసూలు చేశాయి. అందులో 'బజరంగీ భాయిజాన్' ప్రపంచ వ్యాప్తంగా రూ. 918 కోట్లు వసూలు చేసింది.
కరీనా తర్వాత.. రూ. 3 వేల కోట్ల క్లబ్లో దీపికా పదుకొణే, అనుష్క శర్మ ఉన్నారు. మన సౌత్ హీరోయిన్లలో అనుష్క శెట్టి, తమన్నా భాటియా 'బాహుబలి'తో ఈ జాబితాలో చేరారు. ఆ చిత్రం ఒక్కటే రూ. 2400 కోట్లు సాధించింది. ఇక రూ. 2 వేల కోట్ల క్లబ్లో ఐశ్వర్య రాయ్, ఆలియా భట్, ప్రియాంక చోప్రా, కత్రినా కైఫ్, నయనతార ఉన్నారు. రూ. 2024 కోట్ల లాభాలు సాధించిన 'దంగల్' మూవీ స్టార్స్ ఫాతిమా సన షేక్, సన్యా మల్హోత్రా సైతం ఈ క్లబ్లో స్థానాన్ని సంపాదించుకున్నారు.
'సైఫ్- కరీనా కొడుకు పేరేంటి?'.. ఆరో తరగతి ఎగ్జామ్లో ప్రశ్న
పుట్టకముందే.. ఆమిర్‌ 'లాల్సింగ్ చద్దా' సినిమాలో కరీనా రెండో కుమారుడు! ఎలా సాధ్యం?
